مساعده بخصوص جم سؤال عن الايفون لا تخيبون ظني

[تعب-قلبي]

السلام عليكم
شلونكم بنات
توني شاريه ايفون 4 وابي اعرف جم سؤال لا تخيبون ظني بليز

اول سؤال ابي اعرف من وين امسح البرامج اللي ماابيهم؟

وبخصوص الفيس تايم هل لمن افتح الفيس تايم وقت المحادثه تصير المكالمه مجانيه؟ لان سمعت ان شركه ابل حاطه هالخاصيه تكون فبلاش اذا شغلت الفيس تايم
وابي اعرف برنامج الايتونز حق شنو؟

وهل اقدر احمل كذا برنامج من الاب ستور مع بعض وجم برنامج اقدر احمل نفس الوقت؟ ولاحظت ان لمن انزل برنامج حيييل يطول عقب ماينزل هل عادي والا في طريقه تسرع نزول البرنامج

وابي اعرف هل اقدر اغير الكود مال برنامج الفايبر؟ وشلون لان توهقت حطيت رقم صديقتي والحين لمن اتصل على اي شخص يطلع رقم صديقتي

وبرنامج الواتس اب شنو اسمه بالايفون؟ لان اللي نزلي البرنامج قالي نزلت لج الواتس اب بس ماشوف في برنامج بهالاسم

وفي وقت الكتابه في احرف مفقوده وين القاها مثل ال ء -ى-ؤ

وهل في طريقه عشان الشحن مايخلص بسرعه

وشنو احسن البرامج اللي انزلها بجهازي من الاب ستور

ويااااااااااااااااريت تجاوبوني لان صج محتاجه لجواب

 

[فـتـفـوتـه ^_^]

هلا حبوبه

البرامج اللي تبين تمسحسنها اضغطي على البرنامج وخلي اصبعج عليه لين تشوفين التابات تتحرك وعليها علامة x اضغطي على الاكس واخذفيها

اي تقدريين تنزلين اكثر من برنامج من الاب ستوور ويمكن على حسب البرنامج يطول على مايتثبت

الوتس اب هذي صورته

والحروف مثلا اذا تبين ء اضغطي على ا وخلي صبعج عليها تطلع لج أ إ ء وغيرهم
ومثلا على و يطلع لج ؤ وعلى ي يطلع لج ى

والباقي ماعرف ان شاء الله البنات يفيدونج

 

[غالي حبكـ]

رد : مساعده بخصوص جم سؤال عن الايفون لا تخيبون ظني

ماقصرت فتفوته عطتج المعلومات اللي تعرفهاا وانا بعطيج اللي اعرفه او اللي اقدر اساعدج عليها الفايبر ماتقدرين تغيرين الرقم مسحيه وردي نزليه من جديد يمكن يتغير وياج واذا ماتغير راح ينزل لج برقم رفيجتج اما البرامج تحميلها بطي بسبب الاتصال اتصالج مو عالي عشان جذيه يصير بطئ التحميل وبرنامج الفيس تايم ماجربته والله ان شاءالله البنات يفيدونج فيه وبرنامج الايتونز اذا بتزلين اغاني او فيديو او صور من الاب توب للفون لازم تستخدمينه يعني الايتونز الكل بالكل

 

[تعب-قلبي]

مشكورين اللي ردو وبانتظار الباجي
وأبي اعرف الخريطه لمن احدد جهه اتصال مايبين لي مكانها
والأيتونز بس حق تنزيل أغاني أوصور. من اللاب توب

 

[تعب-قلبي]

وبخصوص الواتس اب دخلت على الاب ستور لقيته بفلوس