مساعده الله يخليكم ...طريقة ادراج صوره فى الموضوع

[اطباق ماي ورد]

اشلونكم بنات
عفيه طلبتكم ... لا تردونى :0bee2e8d89:

ابى طريقة وضع صوره فى موضوعى واكون مثلا مصورتها ومنزلتها على جهازى حق طبخه معينه او اى شئ
جربت طريقه كانت وحده من الخوات حاطتها بتفصيل مسكينه وما نفعت
قامت تطلع وصله فيها مرفقات اللى يبى يدخل عليها
فتقوم تفتح الصوره فى صفحه جديده

ما ادرى انا طبقت صح والا غلط
بس فهمتونى انشاءالله

يعنى ابى انزل موضوع معين ومعاه صوره من ملفاتى المحفوظه سواء فى ماى بيكجر او ماى دكيومنت

وييه كافى
واايد قرقه ... صح .

بس عفيه ردوا على :tek:

 

[miss cute]

أهلين ..


حبيبتي أول شيء لااازم تحملين الصور اللي بجهازج على موقع تحميل ..

سوي سيرج بقوقل مواقع تحميل .. و نقي الموقع اللي يعجبج ..


أوكي ؟!

بعد ما تحملين الصورة على الموقع اللي تختارينه .. راح يحط لج روابط للصورة اللي حملتيها ..


( رابط hotmail .. رابط الصورة لوضعها في المنتدى<<<< هذا اللي احنا نبيه .. الخ)


تسوين نسخ للرابط (رابط وضع الصورة في المنتدى) و بعدين تسوين لصق في مشاركتج ..


و بس ..


و يالله ورينا تطبيقج ..

 

[أم مهند]

هلا حبيبتي

اول شي انتي تعرفين تحملين الصور ؟

علشان اسوي لج صورة توضح شلون طريقة وضعها بالموضوع

اكيد فيه احد منزله بالمنتدى

بس هم راح اصوره لج تستاهلين

 

[اطباق ماي ورد]

حبيبتى انتى miss cute
والله ماقصرتى والله يعطيج العافيه

انشاءالله بجرب وتنجح الطريقه معاى .
عشان اتحفكم بابداعاتى...لوووول



ام مهند حبيبتى ... مشكوره على الرد
ترى انا ميح بالكمبيوتر
عاد مو كلش كلش بس يبيلى ممارسه حق هالسوالف ما سويتها من قبل
...... فشله يعنى اقول ما اعرررررررف...........

يلا همتج معاى مع ان اختى miss cute ماقصرت
بس هم ما نستغنى عنج .... الصور تفهم اكثر

وتسلمووووووون:tek:

 

[أم مهند]

هلا حبيبتي

السؤاال مو عيب ومحد يتعلم جذي <<يعني لاتستحيل هذا اللي ابي اوصله هههههه:dddds:

هاذي الطريقه:

اول شي روحي موقع تحميل يرفع لج الصور عالنت

دشي واختاري الصوره واضغطي تحميل

راح يحطون لج رابط ... وهذا الشرح المصور

تدشين موقع التحميل

راااح يطلع لج هالبوكس شوفي شلون الطريقه

هني تم رفع الصوره بنجاح انسخي الرابط

نرجع حق المنتدى ولاتنسين الرابط لازم تكونين حافظته

أتمنى يكون الشرح واااضح

واي سؤال انا حاضره

تحياتي لج اختي​

 

[اطباق ماي ورد]

 

[اطباق ماي ورد]

بنات باركولى ......

اخيرا انجحت الطريقه

يعطيكم اللف عافيه يا قلبى وماقصرتوا

 

[اطباق ماي ورد]

هذى مربعات البراونيز بطريقتى

ان شاءالله تكون طالعه الصوره

اذا طلعت اوعدكم اللى تبى الطريقه اعطيها لها

والف يعطيكم العافيه حبيباتى :tek:

 

[اطباق ماي ورد]

امبيييه ... ليش هالكبر

بنات شنو الحل ؟؟

 

[أعرف قدر نفسي]

لما تحفظين الصورة تقدرين تختارين حجمها وحسن حجم هو 300 او 250 pixels

 

[اطباق ماي ورد]

هلا حبيبتى
قصدج لما احفضها يعنى بالاساس لما احفضها فى ملفاتى ؟

وشاكرتلج ردج

 

[اطباق ماي ورد]

 

[اطباق ماي ورد]

 

[اطباق ماي ورد]

 

[اطباق ماي ورد]

انا اسفه
ترست الصفحات بالصوره
بس لانى قاعده اجرب اشلون اصغر حجمها

اعذرونى

 

[حصوص الكويتية]

حبيت اجرب

 

[miss cute]

عاااااااشت كابتشيونو :ggdw: :ggdw:


حراااام عليج ما لقيتي غير هالصورة ؟! :eh_s(13):


ياااااااااي شكل البراونيييز يشهييييييييي .. بليييييييييييز الطريقة ..


و إذا على تصغير الصور .. تقدرين تصغرينها بالرسام (برنامج الرسام) ..


اختاري من القوائم اللي فوق (File , Edit , View , Image ... etc) ..


أو (صورة) إذا كمبيوترج بالعربي .. أوكي !!


بعدين اختاري من هالقائمة (skew/stretch) أو (الامتداد/الميلان) ..


راح يطلعج صندوق بهالشكل :






شفتي اللي حاطه عليهم دائرة بالأحمر ؟! هذول تقدرين تستخدمينهم عشان تتحكمين بحجم الصورة ..

تحطين بالمربع شكثر تبين تصغرين الصورة .. 70% .. 50% كل ما تنقصين النسبة تصير الصورة صغيييييرة حيل ..

و حطي بالمربعين نفس الرقم .. عشان ما يتغير شكل الصورة و تصير ممدودة من صوب و الصوب الثاني لأ ..

يعني إذا بتصغرينها 70% .. حطي 70% بالمربع اللي فوق و اللي تحت ..


و على فكرة : تقدرين بعد تكبرين الصورة بنفس الطريقة ..

بس زيدي على ال 100 .. يعني إذا تبين تكبرينها حطي 100 وزود .. 120,140 الحجم اللي انتي تبينه

 

[اطباق ماي ورد]

 

[اطباق ماي ورد]

 

[اطباق ماي ورد]

مخى وقف
قاعده احاول كل مره يطلع شكل
انزين انا فتحت الرسام مثل ما قلتيلى( مس كات ) وغيرت حجم الصوره ماشى ...
بعدين سويت لها حفظ وراحت حق ملفاتى اوووكى ...
بعدين سويت لها رفع وتحميل ونزلتها بالمنتدى ....

بس اطلعت الصوره مو واضحه مثل الاصليه

تكفون انا اللى سويته صح والا لا وبعدين قولولى كم الرقم اللى احطه لحجم الصوره وتطلع مناسبه للمنتدى


تكفون تحملونى
ادرى وايد شرحتوا لى بس شسوى
لما اقرا احس انه تمام .... ولما اطبق يطلع لى مشكله