مساعدتكم منو مسوية اسنان عيالها بتخدير عمومي؟

[Pissy Missy]

كانت عندي مراجعة حق ولدي يوم الاربعاء عند دكتور فؤاد صادق بمستشفى الهادي وقالي ولدي عنده 5 ضروس مسوسين

ولان عمره 4 سنين الافضل انه يسوله كل اسنانه في جلسة وحده و يعطونه تخدير خفيف عن طريق الكمام ومنوم

مادري ليش قاعده احاتي وخايفة :eh_s(2):

ما ودي اعرض ولدي حق تخدير بس ما عندي حل ثاني

منو مرت بنفس المشكله

وياريت اعرف عند اي دكتور و في اي مستشفى سويتو العمليه

مشكورين

​

 

[دلع حياتي]

ياليت احد يفيدنا بنتي اسنانها معدومه ومره خايفه من البنج

 

[غيمه ظميانه]

اي انا اعرف وحده مسويه ولدها بالهادي بس ما اعرف الدكتور
تخدير عمومي اول شي جنه يعطونه شراب لين ينام بتحسينه جنه سكران هههههههههه
بعدين يدخلونه العمليات الاسنان ويخدرونه بالكمام عشان ما يحس
وترا الولد بعد عمره 4 سنوات كبر ولدج

ومن طلع من العمليات عقبها قام كل شي تمام وزي الفل واسنانه نجنن

الولد مستانس يقول حق امه احلى مستشفى بالدنيا هههههههههههه

يقول شلون نمت وقمت واسناني حلوه وماتعورني


..............

ماعليج توكلي على الله وانشاالله ماكو الا كل خير
والله يقومه بالسلامه

وترا البنج العام اريح للطفل بدال البجي ويتقطع قلبه

 

[صدى الأفراح]

اناااااااااااااااااااااااااااااااااا
انا ابني عملت له 9 اسنان عصب وتلبيس بعيادة الميدان وكان عمره 5 سنين ماعرف الدكتور يكشف عليه فمابالك يشتغل فيهم؟؟؟؟؟؟ ونصحني بالبنج ورووووووووووعه ساعتين كان ابني مخلص وبس صحي طلب أكل بس اللي بيكسر الخاطر الافاقه من البنج بكون حاسس ان فمه مفتوح يا عمري والله مابنسى هاليوم بس كانت دكتوره رائعه بمستشفى السلام اعمليها وماتخافي رحمه الا الأسنان والله الكبير مابيتحمل الحفر والوززززززز كلفتنا 560 دينار مع الغرفه الخاصه

 

[Pissy Missy]

مشكورين حبايبي ما تقصرون

 

[الدلال]

انا مسويه اسنان ولدي بالهادي
عمره5 سنوات ودلووووع

بس عند دكتور نضال.خوش دكتور وباله طويل

اول ي نصحني بالبنج العام,بس لاني خوافه قلت لا , وخرعت ولدي تخرع وقلت له اذا ماقعدت عاجل ولا ترى يبي يعطوونك ابرا كبييره تعور هههههههههههههههههههههه ادري شريره بس شسوي اخااف

عاد بعدها قعد ومرات يحووس بس تحمله الدكتور وكل جلسه اسوي ضرسين له والحين باقي له ضرسين على الاسبوع الياي الله يعينه

 

[عيش و مرق]

عندج دكتور لبنانى اسمه جورج اى الكويت كل اسبوع لان اسبوع بلكويت واسبوع بلبنان بعيادة بيان لطب الاسنان يهبل فضيع وايده خفيفه ويلعب مع الياهل
ويضحك ويسولف

واخر شي يعطى الياهل لبعه اهو ينقيها صج رخيصه بس الياهل اشفهمه يستانس على اى شي


العياده بشرق ورا الشيراتون سوا اسنان بنتى

 

[غديران]

عادي حبيبتي

سويها وتوكلي على الله

كل اليهال بهالعمر يسوون لهم بنج عام

بس مو واااايد قوي

ولا يأثر إن شاء الله على الياهل

بس لما تخلصين من كل الأسنان

كل 6 شهور وديه الأميري

يشيكون عليه

ويحطون له فلورايد

أنا عيالي الكبار بالصحة المدرسية دايما كل 6 شهور أوديهم

وولدي الصغير الأميري

هم كل 6 شهور أوديه

أشيك عليهم

إذا في سوس راح يكون في البداية ومو وايد صعب

وإذا ما فيهم شي يحط الفلورايد