مساعدتكم بلييز

[فتاة أعمال]

هااي..

مشكلة صغيره بيني و بين امي ...انا دايما ازعلها و بعدين اندم ...انا من النوع اللي اعصب بسرعه و ما امسك اعصابي ...و كل مره لما اتهاوش وياها اقوول لو مو متهاوشه وياها .....مرااات افكر اشتري لها هدية ذو قيمه ع قولتهم مثل الايفون بس مشكلتي اخاف لما اعصب اقول لها يبي الايفون اللي انا شريتلج اياه ..و مو حلوة اقوول شذي ...ممكن بسمع نصايحكم شووو اسوي .؟؟؟؟!!

 

[فيونكاq8]

الام من النوع اللي ماتشيل بقلبها ع عيالها ولاتحقد عليهم ،، بوسي راسها تأسفي منها لاهديتي ،، ترا السالفه بسيطه

 

[ŦSЩД3УФИУ]

ماله داعي لا هدية و لا شي اختي
الموضوع مو موضوع هدية
هي سالفة احترام بس .. يعني دايماً
امسكي اعصابج عندها وحاولي ماتغلطين عليها ابداً
واحرصي دايماً تفكرين بكلامج لها قبل ما تقولينه
ومع الايام بيصير هذا طبع فييـج تــــرى
واذا لا سمح الله اغضبتيها ولا شي حبيها
على راسها واعتذري منها

والله يخليلـج امـج ان شآلله




..




​

 

[rose2012]

مسكي روحج قبل كنت جذي و الاسن و الحين غيررر حتى لو تزف انا اسكت ماتحجى كلشششش بعدين تتحسف و تتاسف و تشتري لي هديه كل مره جذي لول صرت اخاف مابي ابتلش ببنت عوبة

 

[فتاة أعمال]

ما ادري والله ...ابي كلام مقنع اكثر

 

[@تاج الراس@]

حبيبتي انتي مشكلتج العصبية
عالجيها
لي عصبتي وخري عن الشي الي يعصبج وروحي توضي عشان تهدين
او روحي بعدين ردي لامج بعد ما تهدين عشان تكملين النقاش
ولي عصبتي استغفري وايد بقلبج او بلسانج لين تهدين
جربي كل شي يهديج
بس ما انصحج تراضينها بهدية لانج رح تكحلينها لما تقوليلها ردي التلفون

 

[CSS_]

لاحول ولاقوة الا بالله!

ياختي مهما صار لو جبرييت هذي امممج!

هذا كله من ابليس مو من العصبيه

انا مافي احد عصبي كثري.. بس ماتوصل اسوي بامي جذي.. ولو بالغلط رفعت صوتي عليها اتاسف منها! اعتذرلها اونسها ما اسكت .. وبعدين الله يهداج متحسفه تشترين حق امج ايفون؟ وشحقه بتمنين عليها بعديين؟!


شهالدنييييااا!!

استغفري ربج اكثري من الاستغفار ترى الام مو شي سسهل! .. جنتج تحط رجوولها!

نصيحه.. لي عصبتي حاولي تطلعين عصبيتج باي شي ثاني.. بعدي عن امج نهائياً :\! ..

والله يهدينا وياج ..

 

[ظبية بوظبي]

ابصراحه الله يعينج على نفسج
خلاص قعدي بغرفتج ولا تطلعين لاهلج الا للحاجه ولا لتغير ما دام هذا طبعج
وبكذا بيسلون من شرج
ومن ناحيه العصبيه حتى انا ناويه ادور لها حل لانها زادت عندي وتعبتني اكثر من الي حولي لا واحتمال عندي ضغط
بس عاد ما توصل لدرجه اني اذل احد
بس انا مب عصبيه لا انفعاليه ترى في فرق
والحمدلله اقدر مرات امسك نفسي الا اذا عاد الوضع لا يطاق وخارج عن المعقول ف افرغ عشان لا يتراكم في نفسي ( هالكلام مب لامي لا لكل الي حولي )

 

[ايشوريا]

أنا بنت خالتي لما تعصب تقط كلام يجرح وقوي حيل على خالتي الله يرحمها ولما ماتت كلة تبجي ولما نسالهاً تقول ياليتً ماضيعتً دقيقة وحدة فيها اغضبتً


أمي ونادمةً قد شعر راسها فلا تصرينً نفسهاً وحمدىً ربجً عندجً ام غيرجً يتمنى ام تقعدة بطراقً وتنومةً بطراقً بس يبي يقول كلمة ام رضيً امج ودعوتها



لج توفقجً وتوسعً من رزقجً الله يهديجً وكل ما عصبتيً قولي. أنا ما ابي اصكً باب من ابوابً الجنة لان تحت قدمهاً الجنة

 

[نونه المنكوشه]

انا لومكان امج امصع ركبتج اكره شي عندي بدنيااا عيال يطولون لسانهم ع والدينهم اصلا ماراح اتشوفين التوفيق وانتي جذي باجر ربي بيبليج ابنت اتعاملج بالمثل باجر حق الريل بتبلعين العافيه والاعصاب كلها بتروح بس شاطره ع هالفقيره امج ضبطي حالج وشوفيلج حل قبل لاربي يعاقبج