مساعدة

[shdn]

السلام عليكم ​

عندي مشكله ومالي غيركم يا خواتي ولدي مو راضي ايداوم بروضه مع ان الابلات حليوات وهوا يستانس الظهر يقول انا استانست وباجر ابي اداوم والصبح ايغير رايه يقول ماما ماحب الروضه :0bee2e8d89:ما ادري شسوي معاة ابي طريقه ارغبه فيها انا اداوم وما ابيه يقعد مع الخدامه الروضه احسن له من قعدت البيت :tek::tek:

 

[فرح العجرف]

حبيبتي حاسه بمعاناتج@@


ولدي جذي يبجي اذا بس دشيناا باب الروضه ولا في البيت يسولف باجر اداوم وحركات وينام مبجر علشان الروضه


تدرين شسويت فيه صرت ادش الروضه واسحبه سحب واهوو يصيح واحطه بيد الابله واطلع

واهوو بجي وصياح ومن بعيد اشوفه ولا شوي ولا اهوو ساكت انطر اتأكد بعد ولا الصبي ساكت بس صج خايف


واللحين تعود احطه بيد الابله واطلع

وساعات يكسر خاطري اخاف يرجع لانه اهوو اذا بجي يرجع كل شي بمعدته<<<<لوعت جبدج هههههه

بس الحمد لله علي قولت الابله احقريه وامشي واهوو يسكت

والابلات ماشاء الله يهدون الاطفال بسرعه@@

عاد مره زفه ابوه ليش تبجي تدرين شنو قال::: يمه انتي بس حطيني واطلعي انا ابجي واسكت<<<شفتي العياره

ان شاء الله فدج بشي!!

 

[ليالي نجد]

يمكن ما ينام عدل او متعلق فيج حيل علشان جذي الصبح بس يكره الروضه والمدرسه

هذا سمعته في برنامج بشائر الخير ذيج اليوم

 

[ام في والحلوين]

السلام على الجميع احسن شيء اخذيله هديه يعني يوم وترك علشان يتشجع ممكن تعطينه اول النهار وممكن بعد ما يطلع من الروضة وتقوليلة علشان انت اليوم ما بجيت ان اليوم راح اعطيك هدية مع شويت اكشن حلو منج راح يستانس .

 

[¤§ زيتونة §¤]

حبيبتي

هالشي عادي

انا بنتي اسبوع كامل مو مداومة بعد العيد ومالها خلق بس تبي النوم


بعدين قمت اسولف وياها بالليل عن الروضة

واقنعتها تداوم كل يوم

ولما اقعدها الصبح اغريها بالنشاط والهدايا اللي اييبها لها من دوامي


وشوي شوي قامت بس اقعدها واقول لها يالله ماما رووووضة رروووضة واشيلها من فراشها بسرعة تقعد وتتنشط



الله يعينا على اليهال خاصة اولى فديتهم يبون الفراش ههههههههههههههههههههههه