مساعدة يا امهات وين تنصحون؟ امريكي ولا بريطاني؟

[أم علاي]

السلام عليكم ورحمة الله وبركاته

شلونكم يا امهات ؟؟


ابي منكم مساعدة .. واللي عندها خبرة الله يجزاها خير ماتقصر معاي ..

ماعندي خبرة ولا خلفية عن المدارس الخاصة ابدا ابدا ..


انا عندي بنوتة وحدة بس و بنتي اسم عليها عمرها 1 و4 شهور الحين

مفكرة السنة الياية اني ادخلها حضانة .. ابيها من الحين تستفيد وتتعلم

بدال قعدة البيت اللي مالها معنى مع الخادمة



انا وايد اسمع عن حضانات ومدارس ماشالله قوية .. بس ابي اعرف وين ادخلها ؟؟

في النظام الامريكي وفي النظام البريطاني ..

وسمعت ان النظام البريطاني شوية صعب ودسم .. يعني حتى لي كبرت راح يكون صعب عليها ..

فمادري عاد .. الامهات اللي مدخلين عيالهم النظام البريطاني .. شرايهم فيه ؟



وين تنصحوني ادخل بنتي ؟ اي حضانة وتستقبل بنتي يعني على السنة الياية شهر 9 راح يكون عمرها سنتين الا شهرين ..


انا سمعت عن playgroup اللي في سلوى انها خوش مدرسة

وسمعت عن الغانم اللي بسلوى .. بس شنو نظامهم ؟؟ مااعرفه !!

سمعت عن المدرسة البريطانة بسلوى بعد ..



وياليت المدرسة قريبة من عندي .. قريبة من مشرف !!



طولت عليكم ادري .. بس ياليت والله لو تساعدوني

 

[شانييل]

شوفي قاعدة عااااااااااااااااااامة

عرفتها من خبرتي السابقة طبعاً

البريطاني يركزون على النظام بشكل خطيييير
يعني ولدج راح تتكون شخصيته نفس الانجليز هاااااادي بشكل غريب
وراكد وغير مزعج، ودقيق، وما يسوي مشاكل، ويمارسون العقاب بشكل خاص فيهم
يعني يعزلون الياهل ما يطلعونه الفرصة ما يودونة الرحلات، يعني للأسف يهدم الشخصية
أدري وايد راح يعترضون خصوصا الي عيالهم بهالنوع من المدارس لكن هذا بواقع تحربتي والي حوالي، وتركيزهم على الدراسة شديد، لكن الياهل العادي والي بالبيت ما يتكلمون أهلة انجليزي ابشرج راح فيها
لأنهم ماراح يعترفون فيه وراح يقولون فيه صعوبات تعلم
والابلات ماراح يتعبون معاه وبيكون دوره مهمش:eh_s(11)::eh_s(10):

اما الامريكي، فيركزون على الشخصية ويخلون الطفل والتلميذ يبدع ويتعامل مع الآخرن بانفتاحية واريحية< حلوة أريحية طالعة من قلب
وتركيزهم على الدراسة زين مو شديد ولا يعقدون الياهل بالعكس يشجعونة، ولو ماعرف راح يشجعونه ويركزون عليه ويهتمون فيه:rerrerek:
والامر يعتمد عليج تبين ولدج مشعشع وشخصيته جذابة وابتكاري< نظام هانا مونتانا (اتغشمر)
أو تبينة مهذب وتكانة ومتحفظ وبارد < نظام الشعب الانجليزي

لأرجو عدم نسيان التقييم لهذه المشاركة:eh_s(7):

 

[nice word]

رد : مساعدة يا امهات وين تنصحون؟ امريكي ولا بريطاني؟

النظام الامريكي وايد افضل واسهل حق عيالنا

 

[omm aljawa]

انزين انا ابي اللغه تكووون قويه عن الياهل

اي نظام احسن ؟؟

ويصير اذا دخلتها بريطاني احولها امريكي ؟؟؟

 

[سمبوسه2]

Up up up

 

[Pissy Missy]

شوفي من واقع تجربه لاني انا درست ليه رابعه متوسط ابنظام انجليزي وبعدين على الثناوية حولت على نظام امريكي

النظام الانجليزي انا برايي صارم اكثر ومعقد على الفاضي
يعني الياهل شكة يدرس الhistory مال بريطانيا والملكه اليزابيث وهل سوالف
كلش ماله داعي
غير جذي الاجتماعيات صج ياخذونه عن الكويت بس باللغه الانجليزيه بينما النظام الامريكي وانا اتكلم عن ثنائية اللغه يعطونهم الاجتماعيات مال مدارس الحكومة بالعربي

غير انه اخر سنة بالنظام الانجليزي وايد اصعب الي اهو الIGCSE وغير جذي الحين وابد جامعات ومن ضمنهم جامعة الكويت يطلبون من الطلبه الي دارسين نظام انجليزي انهم يدرسون سنة زيادة لانهم يتخرجون امبجر
وامتحانات اخر سنه صعبة وتيي من برا

النظام الامريكي وايد افضل واسهل و more fun حق الياهل

بس ديري بالج اذا دخلتيه نظام بريطاني وحولتيه بعدين امريكي راح ينزلونها سنة

بالتوفيق

 

[Milk^Shake]

طبعا البريطاني مع احترامي للي عيالهم بالامريكي لان الاكسنت البريطاني اقوى والاصح لان الامريكي يبلعون احرف
وثانيا البريطاني يعلم الياهل الاحترام ويكون محترم ولبق بلبسه وبتعامله وبنظامه وباكله بعد اما الامريكي وانا قاعده اقول لان عندنا يهال بالبريطاني وعندنا بالامريكي وعندنا من عايلتنا يهال امهاتهم من امريكا بس مدخلين عيالهم اهني نظام انجليزي لان الامريكي يخلي الياهل يمشي اللي براسه ويتمرد حتى على امه وابوه ويراددهم ويسويه اللي برايه اهو صح لان الامريكان تربيتهم جذي واحنا خليجيين مانبي عيالنا ياخذون هالتربيه
وبالعكس الانجليزي يبني حق الياهل شخصيه راكده بس صح ومن قالكم كل مكان يودونهم رحلات يودونهم وحفلات يسوونلهم ونشاطات وعندهم
انا من ناحيتي وتربيتي جذي لما ندفعلها بالسنه مبلغ وقدره احنا نبيها تتعلم صح وتكون شخصيتها محترمه ومن ناحيه شخصيتها تصير فني وتضحك ومفرفشه النظام الانجليزي مايمنع من هالشي بالعكس اهمه يحبون الياهل جذي وانتي بتربيتج بعد ماراح تقصرين

 

[الأميرة جوري]

لرفع

 

[omm aljawa]

الله يعطيكم العافية على الرد

وماتقصروووون :*

 

[نمله عصبيه]

ردود رووووووووووووووووعه
:eh_s(22):

 

[جوري الكويت]

للرفع

 

[أم علاي]

ماقصرتوا حبايبي اللي ردوا


اوكي .. الحين اذا نوي ادخلها الامريكي

اي مدرسة تنصحوني ؟ انا ببلش معاها حضانة ..

 

[حلم الطفولة]

شكـر خاص للمشاركات بهذا الموضوع
على الردود الوافيه
والمفصله والمفيده ،،

ردووود مميزه