مساعدة ياخبيرات ماليزيا ضروري؟؟

[أم حمني]

بنات شلونكم وشخباركم
بنات انا محتاجتكم ضروري:tek: انا انشاءالله بسافر ماليزيا هالصيف:ggdw: واول مرة اروح وسفرتي مدتها 10 ايام بغيت اعرف وين تنصحوني اروح وشلون اقسم الايام لاني مثل ماعرفت ان في مناطق وايد هناك
وشرايكم فيها ديرة غالية والا لأ؟؟؟
انا بروح مع زوجي وولدي؟؟؟
ادري راح اكلف عليكم بس والله ماعندي احد استفيد منه الا انتوا واللي تفيدني الله يوفقها انشاءالله ومشكورين
انا بانتظار الردود بليييييييز لا تبخلون علي:0bee2e8d89:

 

[حيوته]

اشلونج أم حمني واشلون حمني الله يخليه :tek:

ماليزيا وااااااااااااايد حلوة بس عيبها رطوبة والأماكن الحلوة جنينغ وبنتنغ والله هذا الي اذكره لاني مسافرة قبل 7 سنين فسامحيني بس ما حبيت ادخل وما ارد عليج وبالنسبه للأسعار كانت زينه بس يقولون الحين وايد غلت والله يوفقج ياااااااااااااااارب

 

[مولاتي]

ماليزيا حلوة وايد العام رايح وهذى سنه بروح ان شاء الله شوفي روح بينايغ 3 ايام وبعدين ردى كوالالمبور اسكن فندق ميلينوم علي شارع العرب كل اسواق موجود في نفس شارع روحي يوم كامل جنيتغ وعدين رادى استفسار انا حاضرة

 

[afesa]

ماليزيا اتينن عجيبه وحلوه وما تملين منها متروسه اماكن سياحيه واسواق ومجمعات من رايي قعدي اول شي بكوالالمبور اسبوع او 10 ايام حسب ميزانيتك وبعدين روحي بيننغ وهذي جزيره عالبحر كلها سباحه وجت سكي وانشطه مائيه وروحي جنتنغ يوم او يومين لان ما فيها شي بس جبال ومدينه العاب وسوق وبالنسبه للمجمعات متروسه ممكن اقولك عليهم بعدين لان الحين مالي خلق اكتب وحاضرين

 

[زوجي غرامي]

هلا والله ماليزيا رررررررررررررررروعه الصراحه انا السنه اللي طافت رحت مع زوجي واستانسنه وايد بس 10 ايام يمكن شويه مادري احنه رحنه عشرين يوم رحنه اول شي سانوي لاجون قعدنه اربع ايام وبعدين رحنه جنتنغ عالجبال براد جوها رهيب هناك قعدته ثلاث ايام وفيها العاب ومطاعم بس انصحج تروحون لها من الصبح وترجعون العصر لان احسها ممله يعني ماتقعدون هناك اوكي
وبعدين رحنه افا موسا مثل الشاليهات معاها حمام سباحه خاص لكم احنه استانسنه هناك هدوء واجرنه سياره باتري كار لان قعدنه هناك ثلاث ايام وفيها عرض للفيله والكاو بوي وحديقه حيوانات يعني حتى ولدج راح يستانس
وبعدها رحنه فندق ميلينيوم بنص السوق رهيب هذا الفندق والله كل شي يمج موجود من مطاعم عربيه اول ماتنزلين من الفندق حتى مطعم ايراني في واسواق وايد
ومن هذا الفندق رحنه حق حديقة الفراشات
وحديقة الطيور
وحديقة الزهور
وحديقة الحشرات المضيئه
ورحنه للابراج توين تور هذا بروحه سوووووووووووووووووووووووق مو طبييعي

 

[زوجي غرامي]

بس سانوي لاجون حده يونس فندق لايعلى عليه
الريوق الصبح فيه بوفيه رهيب هذا طبعا مع الاقامه ومن الفندق تشوفين الاحواض الموجوده فيه وناسه تنزلين فيه واااااااااااااااااااااااااااااااااااااااااااي شوقتيني وانا اكتب احس اني هناك
بصراحه ديره نظيفه من كل شي
الفندق فيه سوق وصالة تزلج جنج قاعده بمجمع رهيييييييييييييييييييييب
يعني الفندق هذا يحتوي على
سوق كبير وايد
وصالة تزلج
واحواض سباحه احلى مليون مره من الاكوابارك
ومطاعم اهم شي البلعه لوووووووووووووول
وحديقة حيوانات
ومدينة العاب
لا
اهم شي تقعدون هناك اول شي اربعة ايام او اخمسه حده وناسه

 

[زوجي غرامي]

يايه انزل لج موضوع وحده مخزنته عندي عن ماليزيا بس ماعرفت طلع بس جذي احاول انزله لج حبيبتي

 

[أم حمني]

مشكورين حبايبي بس بغيت اعرف بعد عن اسعار الفنادق تقريبا جم راح اتعبكم معاي ؟؟؟؟

 

[زوجي غرامي]

اسال ابو الشباب ان شاء الله واردلج خبر واي خدمه انا حاضره حبيبتي

 

[أم حسون]

واي ماليزيا تهبل انا رحت سنواي لاقون يومين بعدين جزيرة بينانج 3 ايام و5 ايام كوالالمبور ومن ضمن ايام كوالا رحت جنتينج
السفره كلفتنا كلها التذاكر والطيران الداخلي والفنادق والتسوق والمطاعم والتكاسي كلها 1600 دينار رخيصه وتهبل واي استفسار انا حاضره

 

[عزااااايز]

حبيبتي ماليزيا وااااااااااااو عجيبة
وكل الاماكن اللي قالوا عنها البنات حلوه
بس لا اطوفين جنتنج هاي لاند حتى جوها بارد وحلو
واذا تقدرين تروحين الكميرون هم عجيبه بس بعيده لازم طياره
ورحلة سعيدة