مساعدة من خبيرات لندن

[سعودية شرقاوية]

السلام عليكم



خبيرات لندن بليز محتاجه مساعدتكم

انا باذن الله رايحة لندن يوم السبت انشاءالله

وبقعد فيها حول 13 يوم

بكون رايحة مع زوجي عنده كورس هناك وقته من 8ونص الى 2 ونص

بهالوقت بكون بروحي مع ولدي عمره 3 سنوات



السكن بيكون قريب للهايد بارك واكسفورد



بس محتارة مو عارفة شلون ارتب وقتي واحط لي جدول

ودي استمتع بكل لحظه

بس احاتي كذا شي

من جهه الجو هناك بارد حيل هالفترة والنهار جدا قصير 4 تغرب الشمس​

 

[!amorra!]

انا حاليا بلندن

ولما اتيين على خير ان شالله راح تعرفين انه ليلهم وايد حلوو لان الزينه بكل مكان

===

اذا تبين تستمتعين بالجووو الصبح

قومي من 10 الصبح

طلعي الهايدبارك انتي وولدج لي الساعه 11 او 12

لما ايي ريلج طلعوا تغدوا وبعدين تمشوا بس كثري الملابس لان الجو بالليل وايد بارد

كل يوم اختاريلج مكان تزورينه

خلي السلفردج ومحلات الاكسفورد بدون تخطيط لانها قريبه عليج متى مابغيتي نزلتي


اول يوم بعد مايرد ريلج طلعوا تغدوا بكوفنت قاردن وايد حلوه وتونس ومروا عالبكيدللي يمها بالضبط راح تكون عجيبه بالليل ودخلي متحف صدق او لاتصدق ومول ليلي وايت

تقدرون تكملونها مشي لي ريحنت ستريت


==

ثاني يوم روحي حق الويستفيلد وشبردبوش اذا حابه

ثالث يوم الهارودز وهارفي نيكلز وسلون ستريت

رابع يوم هاي ستريت كينزغتون وكروم ويل رود ودخل متحف فيكتوريا اند البرت وايد حلوو وابلاش وهم يمه متحف الطبيعه اينن

خامس يوم روحي للاكواريوم وعين لندن يم بعض وتقدرين تروحين تاور بريدج

سادس يوم ريجنت بارك +مادام توسو +حديقة الحيوانات

سابع يوم فصر بيكنغهام والقرين بارك

ثامن يوم قلعة وندسور وانصحج بمكتب زين يضبطلكم رحله


وتقدرين كل يوم بالليل تتمشين عند بيغ بين وعين لندن مو بعيده تقريبا 10 دقايق وانتي واصله من الاكسفورد

الهايدبارك فيها ملاهي اتينن مفتوحه من الصبح لي بليل

الوقت ترا وايد بطيء مايمشي بسرعه ساعه عندهم عن ساعتين عندنا بالخليج


تقدرين تروحين بالتاكسي او الباص كل يوم للهارودز او مشي للسلفردج وتتقهوين

واتمنى قدرت اساعدج

 

[سعودية شرقاوية]

مشكورة حبيبتي وما تقصرين

زوجي كان يقنعني نسكن في كوفنت جاردن لانه مكان كورسه هناك
بس بالنسبة لي فضلت اسكن بمكان قريب من الهايد بارك والاكسفورد

 

[سعودية شرقاوية]

زين حبيبتي
بالنسبة للمتاحف والاماكن السياحه
الى متى مفتوحة؟
اللي اعرفه من موقع الاكسفورد حاليا عشان الكريسمس المحلات فيه تظل مفتوحة الى 10 بالليل
فهل باقي الاماكن بعد ما تسكر بدري؟

 

[!amorra!]

مشكورة حبيبتي وما تقصرين

زوجي كان يقنعني نسكن في كوفنت جاردن لانه مكان كورسه هناك
بس بالنسبة لي فضلت اسكن بمكان قريب من الهايد بارك والاكسفورد

كوفنت قاردن وايد حلوووه

بس لاني خليجيات نموت عالسوق ةالكافيهات فالاكسفورد افضل خيار :rerrerek:

وكوفنت قاردن مو وايد بعيده تقدرين تروحين لها مشي من الاكسفورد

 

[!amorra!]

زين حبيبتي
بالنسبة للمتاحف والاماكن السياحه
الى متى مفتوحة؟
اللي اعرفه من موقع الاكسفورد حاليا عشان الكريسمس المحلات فيه تظل مفتوحة الى 10 بالليل
فهل باقي الاماكن بعد ما تسكر بدري؟

والله الايام اللي طافت سكرت المحلات مبجر

امس كنت بالهارودز وسكر 8

ورحت للاكسفورد عالساعه 9 وشي وكل المحلات مسكره :bbbiu:

انا بسأل المحلات وبشوف


المتاحف لي الخمس انا شطبت عليهم قبل شهر وفي متاحف رحتلها بالصيف كانوا يسكرون عالـ5 فمادري هالايام متى تسكر :\