مساعدة .. ماي ورى طبلة الاذن .. بليز حدي احاتي

[A7bny =)]

السلام عليكم

بنات عندي استفسار بخصوص تجمع الماء ورى طبلة الاذن عند الاطفال .. انه بنتي عمرها 10 شهور وصار لي 3 مرات لما اوديها الطبيب ويكشف عليها يقولي عندها ماي ورا الطبلة ويكتب لي دوا وخلاص انسى الموضوع بس اخر مرة شكيت لان لاحظت بنتي اتيود اذونها فوديتها حق دكتور انف واذن وحنجرة وفعلا قالي ان الاذن اليمين فيها ماي ووصف لي دوا حق اسبوعين وبيرجع يشوفها :eh_s(11):

بنات انه وايد احاتي بنتي والله كل يوم بس اقعد واسوي سيرج عن هالموضوع واقرى اشياء تخرع ان السالفة فيها عميلة بس انه لما قلت حق الدكتور قالي ان اخر حل يلجأون له العملية والله مافيني صبر انطر اسبوعين .. مع العلم ان بنتي تسنن

من صادفت نفس الحاله ومن شنو يصير انه نسيت اسأله بس اعتقد من الحليب ان لازم راس الياهل مرفوع وانه دايما ارفعه .. يمكن يكون من السبوح؟

بليز ابي اتطمن واللي تعرف شي عن هالموضوع تفيدني

 

[بتبوتااا]

يمكن من السبوح وشي عادي لا تخافين ولد اختي كان جذي وسحبوه وانا كنت جذي وعطوني علاج ونزل الماي بروحه حتى حسيت فيه

ان شاء الله السالفة ما تخرع ومع العلاج ينزل وحتى لو عمليه الله لا يقوله بس بيشفطون ياقلبي وما تشوف شر

 

[جني الحلوة]

عادي حبيبتي انا كل عيالي فيهم ماي ورا الطبله بس بنتج اكيد فيها لحميه في الخشم لان الماي الي في الاذون مايطلع إلا الي فيهم لحميه وان شاءالله مافيهاا الاعافيه حبيبتي

 

[miss mama]

انا ولدي كان فيه ماي باذوونه الثنتين. بس لمدة شهر اخذ المضاد الحيوي وراح الحمدلله. مع انه لما كنت اوديه عند دكتوره زائرين يصرووون لازم عمليه. بس ابوه رفض. ومع العلاج عند دكتور سامح بطيبه كلينك الحمدلله راح الماي لاتخافين ان شاء الله ما تحتاجوون عمليه.

 

[وسن 11]

لا تحاتين حياتي انا بنتي كان فيها ماي خلف الطبله ولاحضنا انها ما تسمع عدل رحت المستشفي صرفوا لي علاج وما فاد وبالاخير سووا لها العمليه والحمد الله الحين بخير

سلااااااااااااامات وما تشوف شر

 

[A7bny =)]

مشكورين بنات وان شاء الله ماتحتاج عملية يارب

والمشكلة ان خشمها مافيه لحمية ولا زكام ولا ينسد مادري شسالفة الماي


اب اب للي عندها خبرة بالموضوع

 

[حبة جالكسي]

اصبري ولاتستعجلين يمكن الماي يخف وينزل بروحه
ولاتنسين بنتج تسنن ....يمكن يخف بعدين واستعملي المضاد الفترة اللى حددها الدكتور

 

[manoooram]

حبيبتي اللي اعرفه ان لازم تودينها حق دكتور مختص بالأذن على شان يسحبون الماي وان شالله ما عليها شر