مساعدة للاسكندريه

[بنت الجيران]

بنات شلونكم اللي تعرف اماكن حلوه في الاسكندريه تساعدني لاني بسافر لها الاربعاء :tek:

 

[منوة الروح]

حبيبتي بنت الجيران اول شي تروحين وتردين بالسلامه - وانشالله تستانسون بهالسفره

والاسكندريه بصراحه حلوه وعلى البحر بس مو مال اطولون فيها نفس القاهره = مال 4 ايام و5 بالكثير - وغير عن القاهره صج القاهره حلوه بس ازعاج هذي اهدا شوي ..

واذا على الاماكن اغلبها مسرحيات وسينما بس شنو على المكشوف يعني المسرح مو مسكره مكشوف على الهواء الطلق انا يوم رحت انصدمت بس اطالع فوق السما )

== من الاماكن السياحيه عندج قلعه الملك فارق على ماظن اسمه جذي - تدخلين نفس القلعه حلو تشوفين القصر وهم في فندق حلو اسمه فندق فلسطين داخل القلعه ... اممممم خنتذكرلج بعد الاماكن لان مافيها اماكن وااجد ..

السوق احنا يالحريم نموت على الاسوقه مافيها واجد يمكن مجمع ولا ثنين وناسيه اساميهم ..

حبيت افيدج يالغاليه - وانشالله فدتج ولو بشي بسيط

 

[بنت الجيران]

:tek:مشكوووووووره وايد

 

[أم دناش]

روحي محطة الرمل وزنئة الستتات والمرسي بو العباس أماكن شعبية ونيسة

 

[السفيرة عزيزه]

مساء الخير للجميع

حبيبتي تروحين وتردين بالسلامه

منارة الاسكندرية

بالنسبة للقلعه اسمها قلعة قايتباي ويمها متحف الاحياء المائيه بصراحه ريحته خايسه ومقموت من الماي مادري

وفي متحف الاسكندريه

وطبعا حدايق المنتزه اللي فيها استراحة الملك فاروق

في متحف المجوهرات الملكية هو قصر فاطمة الزهراء

التمشي على البحر بالليل متعه

في جرين لاند حلو محلات وسينما ومطاعم فيه فندق الهلتون يبلشون العصاري ولي الصبح قاعدين

وأكييييييد مول سان ستيفانو اهو متصل في فندق الفورسيزون

الله يوفقكم وتستانسون

مع تحياتي

السفيرة عزيزه

 

[moony77]

ممكن تتفقين مع سايق معين واهو يوريج الديرة انا صراحة تعاملت مع سايق خوش ريال ومحترم ويخاف الله وماشالله عليه ما خلانا نعتمد على سواويق غيره وسيارته مكيفة اذا تبين رقمه اعطيج اياه