مساعدة بنات

[غسق الليل*_*]

السلام عليكم
بقيت اسئلكم شلون افتح ملف في امراض النسا و ولادة بمستوصف الدعية الاحقاقي
يعني شنو يبون لان نسيت اسئلهم

وثاني سؤال انا قلت براجع اول اشهر بحكومة فمنو جرب الدعية واسم دكتورة زينه مجربينها
وشكرا حبايبي

 

[عاشقة هواك]

الدعية انا فتحت ملف عندهم لازم بطاقة المدنية الاصلية تكون وياج وصورة من بطاقة زوجج وصورة عقد زواج طبعا فتح ملف عندهم عشتو محددين وقت معين يستقبلون الناس واذا ييتي وقت ثاني لو تبجين ما يفتحون لج ملف وحاطين على الباب الايام الي يستقبلون فيه مراجعين يحسسوني مدرسة الدكاترة في دكتورتين وحدة هندية منقبه هذي انحاشي منها مسوية روحها فاهمه وتعصب وتزف ماكو اسلوب كلش يعني عادي تعطينها تقرير عن حالتج مثلا وتقولج انتي جذابه وما فيج شي تذل الواحد يالله تعطي مرضية ولا بعد يوم واحد تعطيج تحسسني المرضيات حساب ابوها والدكتورة الثانية كويتية بس نسيت اسمها هذي شوي زينه ونفسيتها على حسب مزاجها والله يعينج على المراجعات اهناك

 

[غسق الليل*_*]

حبيبتي عاشقة هواك مشكورة قلبي عالمساعدة وصاجة اليوم رحت شفت العجب ويايبين عيالهم بعد���� بس ما طلبت مني اسوي تحاليل ولا شي

 

[عاشقة هواك]

اهناك مادري شفيهم نفسيات الي بالرسبشن والدكاترة مادري على شنو يا حلو التواضع بس لا تعامل ولا شي مادري على شنو عايشين ولا الي بالرسبشن زفت امي بس عشان امي قالت لها بنتي مو وياها بطاقة مدنية وكنت تعبانه حيل واصله حدي ونساة ماًدخلوني ولا عطوني مرضية حسبي الله عليهم