مساعدة بنات جامعة الكويت ..

[آلجـآدل آلتـرف]

بسم الله الرحمن الرحيم ..

أول موضوع لي .. وأتمنى منكم تشآركوني وتفيدوني لـو بكلمه وحدة .. :eh_s(22)::ggdw:

أول شي أنآ طالبة بكلية التربيه .. سنة أولى

ومآني مرتآحه بالتربيه أبداً .. لأن طموحي من قبل لا أتخرج من الثانويه هندسة ..
بس للأسف القدرات هو اللي ضيعني مع إن نسبتي كآنت عاليه .. :eh_s(2):


المهم أنآ مفكره أحول هندسة بس خآيفه أضيع عمري وأتوهق .. وبنفس الوقت أنا أنسآنة أكره التدريس وماني شايفه نفسي بأي مجال بتخصصات كلية التربيه !
وقآبلت نآس وآجد حولو هندسه وندمو .. ومهندسآت حولو تربيه وندمو وآلعكس !:eh_s(1):


فـ يآ أخوآتي أبي نصآيحكم و وجهآت نظركم وأنا رآح أتقبلها بـجميع آلزوآيآ .. ورآح أخذها بـ عين الأعتبآر !

واللي تقولي أستخيري .. أنا الحمدالله أستخرت أكثر من مره ومآ حسيت بشي ولا حلمت بشي ..

كل اللي أحسه .. إني ضآآآيعه وما أدري شنو أبي :krkrkr:
​

 

[اسيل الصمت]

حبيبتي الله يعينج
لازم انتي تقررين بنفسج

بس انا نصيحتي لج اذا شايفة مالج بالتربية عمرج مراح تتقبلينه
ولا بتنفعج شهادة التربية بأي شي دامج مو راغبه هالمجال

فنقلي هندسة افضل لج اذا هذا طموحج من البداية
وتشاوري مع امج او اختج شخص يكون قريب لج وكبير بالسن شوي يكون له خبره ينصحج
وبالاول والاخير الخيار لج بس انتي حبيبتي

اتمنى لج التوفيق ربي يسر لج امورج يارب

 

[غرور وايل]

حبوبـة آستخيري ..

شآوري نفسج وآهلج ..

و حطي بآلج آلهندسة يبيلهآ درآسة ..

آمشي ورآ طممموحج ..

توووج ببدآية عممرج ..

رتبي آفكآرج و طموحج ..

وآركبي مركب آلطمووح و آمشي ..
وآلله يووووفقج

 

[آلجـآدل آلتـرف]

اسيل الصمت .. الله يجزاج خير وماتقصرين يا قلبي ع مرورج .. والله يكتب اللي فيه الخير

 

[آلجـآدل آلتـرف]

غرور وايل .. الجميع يارب , والله لايهينج ع المرور

 

[آلجـآدل آلتـرف]

شدعوه يابنات 45 مشاهده وبس 2 اللي ردو !!!

 

[ورور92]

نفس حالتي
انا كنت جذي ولو تشوفين مواضيعي تقدرين تقرينه

طالبة تربية دخلتها عن رغبة احب التدريس و كرهتها من الوضع !
وخذيت مواد تحويل وسبحان الله هونت

بس حطي ببالج انا اعرف 4 مهندسات ( تخصصاتهم .. 2 كهربا - وحدة صناعي - وحدة مدني)
كلهم اعلاهم 4 سنين ما توظفو
لان المهنة محتاجة ذكور اكثر وواضح من نسب القبول !

رحت التوجيه والارشاد للهندسة و سألتهم ! قالتلي الهندسة مو سهله ولا تقارن بأي كلية!
يبيلها مجابل و تعب ومافي غياب ولا اعذار و يمكن تسقطين بعد وتعيدين مرة و مرتين وتعدينها
الهندسة فيها لابات و هووموركات و اساينمت بالنت و تقعدين لي بليل بالكلية !
ودراسة اول بأول
هل طموحج قد هذي الشغلات !

او تحافظين على معدلج و تكملين ماجستير ودكتوراه افضل لج ..

وشوفي بنات الهندسة شلوون تعبانين .. لكن لو هذا طموحج صج و من قلب و مو مثل ما يقولون ( مع الخيل يا شقرا)
حولي لها و قوي قلبج ولا تتخلين عن طموحج لو شنو !
و مهما كان كل وظيفة و كل مكان بالدنيا فيها مميزات و عيوب وتعب ! لكن بالنهاية يرجع لطموحج و ميولج

و الاستخارة مو معناته ان لازم تحسين بشي او تحملين بشي هالمعلومة خطأ !
الاستخارة بس ان تطلبين من الله التوفيق في الامر اللي انتي محتارة فيه .. واي واحد تختارينه فهذا من الله وراح تتوفقين باذن الله ..

وعسى الله يوفقج حياتي و ترى المسألة مو سهلة انا سنتين وانا اعاني منها ! وتوني سريت على بر
فكري ثم فكري ثم فكري واقري عن كل الكليات والتخصصات والمستقبل و من جميع النواحي ..
ومالج شغل باحد.. انتي كبيرة خلج قد قرارج وحبي اللي تدرسينه :*

لاي سؤال انا حاضرة..
وبشريني ^_^

 

[ورور92]

سوري عالبدليات

تحلمين ** :$

 

[ورور92]

وعلى فكرة ترى كنت نفسج بسوي هالتجمع عشان انتشجع انا والبنات !

سبحان الله

 

[أريد حلا]

صديقه لي كانت خلاص بتحول هندسه وكل شيء بس اخر شي ظلت بتخصصها رياضيات والحمدالله متفوقه مشاءالله عليها

ويمكن تخرجت الحين ،، الهندسه حلوه بس مو بجامعة الكويت جامعة الاحباط والتكدش والتطفيشششششششششششششش

والتدريس همن مملل اللي يدشونه حاطين فبالهم اتخرج ابي معاش قوي محسسني جنه بس مهنت التدريس اللي

درجه رابعه كل البكالريوس درجه رابعه مستانسين بالعطل ،،،،،،،نن عموما ناس تدور القاب وناس تدور راحتها

انتي شوفي الراحه لج وين بس الهندسه صعبه بجامعة الكويت وخياسس من كلام البنات

او اختاري تخصص وكملي ماستر

انا لو يرد فيني الزمن ما ادش جامعة الكويت نهائيا

 

[BeNt PaRiS]

هذا شي راجعلج ..

انتي صلي الاستخاره


و خلي شكوتج لرب العالمين


و لا تشتكين للناس


بيضيعونج


الله يوفقج

 

[css_1]

حبيبتي اذا عندج طموح حق الهندسة توصلين لين له انشاء الله والهندسة خوش كلية وقوية اذا مو حابة التربية لا تكملين

اذا حابة وحده من بنات الهندسة تساعدج وتفيدج اكثر بكل شي وتعلمج شلون تحولين هندسة دزيلي رقمج وانا اعطيها
وتتواصل معاج​

 

[css_1]

موفقة حبوبة :$

 

[آلجـآدل آلتـرف]

ورور92 .. فديتج ما قصرتي ع المرور وكلآمج آلطيب .. لأحد الحين حآطه التحويل فـ بآلي والله يكتب اللي فيه الخير , وإن شاءالله اذا استقريت وأموري بالسليم رآح أذكرج وأقولج , دعوآتج بس .. والله يوفق الجميع يآرب

 

[آلجـآدل آلتـرف]

ورور92 ههههههههههههه شفتي شلون , مآمن تشجيع

 

[أريد حلا]

^^

بالتوفيق يا عسسسسسسسسسسسسسسسسسسسسسسسل تخرجي وتوظفي واستانسي وجيبي واسطتج وتعيني

بالمكان اللي تبينه ههههه

عندج فيتامين واو تشتغلين احلى وظيفه

ما عندج اقعدي مكانك سرك محلك

 

[آلجـآدل آلتـرف]

أريد حلآ .. شكراً ع مرورج حبيبتي , شنسوي بعد حدنا الزمن ع جامعه الكويت .. وفيه فرق بين اللي يدور القاب ع قولتج واللي حاب هالشغله ويطمح له , أكيد رآح يتفوق ويتعدى جميع العوآقب اللي تواجهه عشان طموحه ! مو عشان لقب بين النآس

والله يكتب لي اللي فيه الخير واللي يحبه ويرضآه

 

[آلجـآدل آلتـرف]

بنت بآريس .. أنا عارفه إنه بالأول وبالأخير شي رآجع لي .. بس مثل منتي شايفه انا حاطه الموضوع للنقاش بين خوآتي وكل وحده تقول اللي شايفته من اللي حولها وبشكل عام

وبالعكس انا ما قاعده اشتكي الحمدالله مثل ما قلت موضوع للنقاش .. وشكراً لج ع المرور نورتي حبيبتي

 

[آلجـآدل آلتـرف]

css_1 .. حبيبتي ماتقصرين ع المرور والله يوفق الجميع إنشاءالله

يعطيج العافيه , مآيحتآج أنا أعرف جم وحده بالهندسه وإنشاءالله تفيدني , شكراً لج

 

[أريد حلا]

الحين معاي صديقتي تزن على راسي مابي تدريس اقولها ليش ؟ تقول ماحب ادرس ؟ قتلها المعلمات مضايقينج تقول لا

قتلها الاداره مو زينه تقول لا ،، قتلها شفيج اجل ؟؟ قالت بس ماحب احس حكره هههه الله يهداهم البنات مادري شاللي

يبونه قتلها خلاص اقنعي بوظيفتج واحمدي ربج