مساعدة بليز بخصوص قطاوة الشارع

[amoraa Bass]

السلام عليكم


انا الحين صار عندي ثلاث قطاوة قاموا يترددون عند بيتنا كل يوم ونعطيهم اكل وكل شي
بس ابي اوديهم حق احد يعتني فيهم "ملجأ للحيوانات" او عيادة بيطيرية بس اخاف تكلف فلوس
فبليز اللي يعرف احد يقدر يمر بيتنا ياخذهم ,يقول لي:\
ساعدوني بليزززززززز الله يخليكم

 

[ديانا سبنسر]

اب اب

 

[ms_kakawa]

آب ....

 

[blueshiiya]

تقدرين تحطين اعلان بمركز السلطان احنا حطينا و اشتروهم بس انتي حطي لتبني انا كانوا قطاوة شيرازيه اما انتي ملوت شارع و عادي ترى اذا ما تبينهم و ماذينج اذا قطعتو الاكل راح يروحون من يم البيت

 

[amoraa Bass]

يعطيكم العافية.
بس اهم قطاوة شوارع, ماعتقد احد يبي يتبناهم, خصوصا مو مفحوصين:\
وانا قلبي مايطاوعني اقطع عنهم الاكل صراحة :\

انزين محد رد علي بخصوص المستشفى او العيادات البيطرية؟شلون, شنو احسن مكان حق فحص القطاوة؟

 

[ميكي]

هلا حبيبتي اول شي جزاج الله الف خير على اللي تسوينه ولج الاجر يارب

بس اختي للأسف بالكويت مافي اماكن وايد تتبنى الحيوانات
بس انا اعرف مكانين

جمعية الحيوانات ( بس هذي تاخذ الحيوانات المريضه او معوقه عرفتي )

وفي مركز التبني K'S path
هذا المركز واااايد حلو ياخذونهم منج ويهتمون فيهم عدل وانا وديت قطاوتي قبل عندهم لاني حبيت اهتمامهم بالحيوانات وحرصهم عليهم
بس انتي راح تدفعين لكل وحده 30 دينار تكاليف المستشفى والفحص وبس
وتودينها لهم

بس المكان وايد حلوو بصراحه

امن المراكز الثانية ما انصح فيهم بصراحه لان سمعت انهم بعد سنه يذبحون الحيوان والله اعلم ..

 

[amoraa Bass]

يعطيج العافية, مركز K'S path شكله حلو ومبين من موقعهم الرسمي انه يهتمون بالحيوانات عدل.
مشكورة ماقصرتي ^_^

 

[ميكي]

اذا تبين مكان يفحصهم لج عندج البيطري اللي يم سوق الحمام
ورخيص ويعطيج دفتر لهم لهم عشان اذا بتبيعينهم بيعتهم تكون اسهل واامن
وهم تقدرين تحطين صورتهم عندهم واهم بيعرضونهم للبيع عرفتي

 

[amoraa Bass]

قصدج مستشفى الري البيطري؟ اي مبين الكل يمدحه وسعره معقول.

اوكي مشكورة ماقصرتي