مساعدة,, الماهرات في الكورشيه يتفضلون

[وتبقى الذكرى]

سلام عليكم جميعا ورحمه الله

أني عضوة جديدة في هالمنتدى،، من البحرين الشقيقة،،

عرفت هالمنتدى،، من خلال بحثي عن بعض الاشياء في الكورشيه وطلعت ليي مواضيع

من هالمنتدى،، وصراحة عجبني واجد,,

بغيت أصحاب الكورشيه يعلموني شلون أصنع ثياب اطفال لتوزيع المواليد،،

اعرف اسوي قميص،فستان وتنورة، بغيت أتعلم اسوي بنطلون،، أو افرول " الشبك" بنطلون ومن فوق جاي نفس السير،، شنو تسمونه بالكويتي؟؟ ووبغيت أتعلم مريلة أطفال،، يدخلون راس الطفل فيها،، وليس الا فيها خيطين وتنربط،،

بغيت اتعلم بالخطوات،، لاني مبتدئة،، أتقن التقليد،، خطوة بخطوة جيدا،،


أتمنى أن تقبلوني بينكم،،

والسلام عليكم..​

 

[أم عبووووود]

هلا فيج حبيبتي وباهل البحرين

ماحبيت ادش بدون لا اعلق

الخوات اللي عندهم خبرة بفيدونج ماراح يقصرون ان شالله معاج

انا بعد مبتدئة بس انتي شلون عرفتي تسوين القميص من وين تعلمتي

ياليت تعطيني المواقع اللي فادتج

حياج الله بينا

 

[Al Atwan]

هلا فيج في منتدي كويتيات
وانا بصراحة ماعرف بالكروشه بس حبيت احييج في منتدانا
ويا هلا فيج
الخوات ماراح يقصرون معاج انشالله

 

[princess89]

هلافييج بمنتداانا
وانشااء الله البناات يفيدووونج

 

[princesse X]

سلام عليكم جميعا ورحمه الله



بغيت أصحاب الكورشيه يعلموني شلون أصنع ثياب اطفال لتوزيع المواليد،،





أتمنى أن تقبلوني بينكم،،

والسلام عليكم..​

حيا الله اهل البحرين
انتي قصدج تسوين قطع صغيرة باشكال الملابس ؟

بالنسبه لمريلة الطفل سويها مثل اللي فيها خيوط بس بدون الخيوط واكبر سوي قطعتين وخيطيهم مع بعض وخلي كتف منهم مفتوح حطي له زراير او طباقي

 

[وتبقى الذكرى]

مشكوورين جميعا على تحيتكم لي،، أفرحتني الردود كثيررا,, الله يحييكم :eh_s(6):

تعلمت أسوي قميص وفستان أطفال صغير،، للتوزيع،، كنت أروح لوحده بيت جيرانا تعلمني عندي الطريقة اذا تبون بخليها ليكم بس مدري اذا تفهمون علي أو لا يمكن ما اعرف اشرح

اخت برنس اي قصدي اسوي اشياء صغيرة،، ملابس للتوزيعات الولادة، ما عرفت شلون المريلة نسويها،، كما ذكرت فاني مبتدئة،، اتعلم شوي شوي،، ما اعرف من نفسي,,

كمبيوتري بسوونه فورمات،، وهو الان في المصلح،،يتعالج،، لما يجيبونه،، رح أوريكم شغلي

بغيت اسوي بنطلون صغير وافرول ومريلة

شكرا مرة ثانية على التحية​

 

[أم عبووووود]

حبيبتي تسلمين عالرد

الله يعافيج اذا رد كمبيوتر بالسلامة نزلي لنا الطريقة وان شالله نفهم :eh_s(6):

حياج الله مرة ثانية بينا