مساعدة : الخليج gust أو الأمريكية auk

[om mishaal]

السلام عليكم ورحمة الله وبركاته

ولدي يدرس بمدرسة أنجليزية a level صف 12
وماني حابه أرسله بره الكويت عشان يدرس مثل أخوه وودي هذا الثاني يدرس هني بالكويت
لأنه أخاف عليه وهو أحسه مو مستقل

محتارة أي جامعة أقوى وشهادتها أفضل

جامعة الخليج gust

أو

الجامعة الأمريكية auk

العشم بمساعدتكم بالمعلومات

الله يعطيكم العافية

 

[بدلية]

الي اعرفه ان جامعة الخليج افضل والله اعلم

اتمنى البنات يساعدونج

 

[Queen_Angel]

2 زينين ومعترف فيهم والتعليم العالي يسوي لهم بعثاات,,,

المفرووض تفكروون بالتخصص اهوا شنو حااب ؟؟ وتشوفون الجامعات اللي فيها التخصص بس بشكل عام الامريكية وايد قوية وهم الخليج زينة,,

 

[C.S.S]

انا اللي اعرفه ان الخليج gust اقوى ..
والله يوفقه ان شاء الله ..

 

[om mishaal]

جامعات الكويت مافيهم تخصصات كثيرة كلها إدارة أعمال أو جرافيكس
مافيه تخصصات هندسة أو شي قوي عشان يختار

وأنا بدرس ولدي على حسابي الشخصي مو ابتعاث

ابي آراء بعد الله يعافيكم للي عندهم معلومات

يعطيكم العافية اللي مروا على الموضوع ما قصرتوا تسلمون

 

[Queen_Angel]

ام مشعل الحين الامريكية فيها هندسة كمبيوتر و aum جامعة الشرق الاوسط..عندهم هندسة صناعية ,, واذا اهواا حاب مجال الهندسة الاسترالية فيها كل التخصصات

بس لازم ييب بعد الدبلوم 3 نقااط عشان يكمل بكالوريوس,,

وعلى قولتج الجامعات الخاصة اكثرها بزنس ..

 

[om mishaal]

كوين انجل
مشكورة حبيبتي الله يعطيك العافية ما تقصرين
ما ادري الاسترالية قوية؟ أحسها مو ذاك الزود
والشرق الاوسط بعد مو شي
بشوف ان شاء الله الامريكية أو الخليج
تسلمين كلك ذوق