مساعداتكم لي

[umm-7asson]

السلام عليكم

حبيباتي ياريت ياريت تساعدوني حق جم وصفة مو لاقيتهم بالنت ...

1- مشتهية أسوي حق الزوارة باجر رولات مسخن ممكن تعطوني الطريقة السهلة والسريعه ..
ونصايحكم

2- مشتهية أسوي حق الزوارة كيكة مادري شسمها بس اهي عبارة عن كيك بالكاكاو وفوقها كريمة كاكاو أعتقد أو نسكافيه وتتزين بالفليك أو كاكاو بودرة

3- مشتهية أسوي حق الزوارة كيك مادري شسمها بس الطبقة الأول سنادويش برد كي دي دي وفوقها كريمة

3- مشتهية أسوي سلطة شمندر دسمة مو مالت رجيم يعني صلصتها دسمة ولذيذة وفريش للصيف

هالاطباق ذايقتهم عند ناس واستحي أطلبها منهم لانهم من اهل الزوارة
:eh_s(2):

ياريت تفيدوني بالخلطات والكيك اللذيذ والسهل عشان أبدع بالزوارات خاصة ان ماعرف أطبخ شي بس أحاول اني أتفنن

 

[.:lady bug :.]

روولات المسخن

مادري اذا طبختي هذا اسمها ام لاء
هههههههههههههههههه
بس لذيذه وشي شي

خبز الصاج الي بالجمعيه
قصصيه
وسويه رولات وادهنيه بجبن
وحشيه
الحشوه( حمسه شاورما دياي مع بصل صغار وثوم مدقوق وزنجبيل وجزر مبشور وبقدونسونتفه بهار وكريمه شويه)

حشي الصاج وسويه رولات صغار ورصيه بالبايركس

سوي صوص ابيض
( كريمه وجبن وقيمر وفلفل اسود ).
وصبيها ع الرولات وبالفرن من فوق تتحمر

وبس حدهااا لذيذه

 

[.:lady bug :.]

كيكه ساندويش كي ديدي
رصي ثلاث ساندويش يم بعض
وفوقهم بالعكس ثلاث ساندويش

فهمتي فوق بعض سوي ثلاث او اربع طبقات

والصوص الي تزينينها فيه
بالخلاط كريمه+ دريم ويب ٢ + وممكن تحطين كريم كراميل بودره اذا حابه
وهالصوص تمسحين فيه البرد من كل الجوانب
وممكن تزينينه باوريو مجروش

 

[اطيااااف]

بقولج هالكيكة اللي انا معتمدتها
هشة ،،، واليمممة
تقدرين تسوينها كب كيك وتحشينها نوتيلا او تضيفين عليها كاكاو او اي نكهه تحبين
المقادير
علبة روب / قلاص سكر / وحبتين بيض / نص قلاص زيت / وشوي خل /
وشويً فانيلا "" انا استغني عن الفانيلا
وتحطينهم بالخلاط او بالمضراب
وتضيفين لهم ملعقة باكينج باودر وقلاص طحين
وتخلط وتصب بصينية مدهونة



والتزيين
قيمر 1 / 1دريم ويب / 1 كريم كراميل /3تويكس
تخلطينهم بالخلاط وتتركين الخليط يبرد بالثلاجة شوي
وتضيفينه ع الكيك
ورشيً فليك فوقة

 

[M!SS.LOBY]

عوافي

 

[حرم راشد الماجد]

رولات المسخن


خبز صاج

دجاج مسلوق ومسحب ( يعني منتف صغار )
بصل كمية راهيه
صنوبر
سماق
زيت زيتون


تحمسين البصل بزيت الزيتون (كميه راهيه شوي ) لين يصير لونه اصفر تحطين عليه الدجاج ( رشة فلفل اسود & دارسين ) وتخلينه شوي وتطفين عليه النار وترشينه بالسماق والصنوبر

تحشين الصاج بالخلطه وتحطينه بالفرن شوي يتحمر الخبز اذا حسيتي ان صار يابس رشي عليه شوي من ماي فوح الدياي بحيث ان ما يصير يابس صغر ولا لين ذايب

وبالعافيه عليكم


برد الساندويتش تيبين كميه قد البايركس اللي عندج وتصفينه يم بعض

وبالخلاط
كريمه حمرا قوطي تخفقينها لين تثقل شوي وتحطين عليها دريم ويب وقيمر وظرف كريم كراميل وتخلينها تنخلط مع بعض وتصبينها فوق الساندويتش

 

[أحلى همبه كويتية]

خوش وصفات
يعطيكم العافيه بنات

شكراااااااااا