مساج نادي تشامبين اليديد ؟؟؟؟

[ريحانة]

السلام عليكم بنات اشلونكم . حبيت اسالكم اشلون مساج نادي تشامبين اليديد من جميع النواحي وشكرا

 

[dla3_princess]

والله يا ريحانه انا انشالله بشترك باليديد بإذن الله اذا الله سهل الايبوع الياي

اجرب مساجهم و اقولج

انتي مشتركه باليديد؟؟؟؟؟ اشرايج فيه ؟

 

[Bnt.Azmer]

حبيبتي انا مشنركة بالنادي وطبعا لج عشر مرات مساج ابلاش وهو الريلاكس وايد حلو ومن فترة كانو مسوين لنا كل انواع المساجات وشغل الصالون ابلاش لمدة اسبوع طبعا بدعنا كل يوم نسوي شي وانا سويت مساج تايلندي امبيه صج عجيب وعموما شغلهم كله حلو لا تحاتين بس الي ماحبيته ان الطوفة مو عازله للصوت يعني اسمع ازعاج بره وسوالف الغرف الي يمي وانتي وحظج يكون وقتها في زحمة ولا هدوء غير شامبينز القديم هذاك ماتسمعين شي اذا دشيت الغرفة وخليهم يشغلون الفرشة لج تكون دافية وانتي تسوين مساج.

 

[dla3_princess]

ونااسه خووش والله

انشالله هالايام ودي اشترك

 

[جوجو.]

بس وايد صار غالي

 

[dla3_princess]

اي والله جوري بس بصراحه احس اليديد ريلاكس والله الواحد لازم يرتاح عقب الدوام والعفسه تبين مكان حلو وهادي

حبيت اليديد لأن ملييييييييت من القديم صار وااااايد مستهلك ...

صدقيني سعره فيه انشالله استخيري وشوفي

 

[rzaan77]

وين صاير مكانهم

 

[قصة صبا]

شلونكم بنات

انا قاعده اقول حق امي والله ودنا نشترك في اليديد

بس ما تدرون بجم سعر الشهر ؟

 

[dla3_princess]

صبا شهر بيطلع عليج غاالي يعني الشهر باليديد 250 د.ك

و 3 اشهر 400

و سنه 650

 

[dla3_princess]

رزان حياتي بالجابريه و مكان اليديد بالضبط مقابل القديم على الدائري الرابع مقابل حولي...

 

[Ftooosha]

اسعار اليديد

شهر 182

3 اشهر 400

وموفقين حبيباتي

انا توني مشتركة بالقديم

 

[dla3_princess]

فتوووشه متأكده الشهر باليديد 183 ؟ والله زين لأن الورقه اللي عطوني اياها كاتبين 250 الشهر بس صج واايد

الظاهر قاعدن يرخصوون لأن يبون اقبال شوي.....

 

[Sarooni]

اليديد احسه ينوم بس حق مساج p: بس حده اينن وراقي و اكيد %100 مساجهم وايد حلو لانه باليديد وايد مهتمين بهالسوالف

 

[dla3_princess]

اي ساروني احس اليديد ينوم شوي و هادي لأن مسوينه على طريقة سبا ...

 

[dream]

والله انا من رايي يا جماعة اشتركوا بالقديم ولا اترحون اليديد ..

واللي تبي استرخاء اتروح حق اي سبا مرة او مرتين بالشهر ..

بالاخير النادي الهدف منه انقاص الوزن وممارسة الرياضة مو الاسترخاء والريلاكس والتأمــل ...

 

[bombo]

وايد غالي اشدعوه

 

[ريحانة]

مشكورين وما قصرتوا على الردود

 

[dla3_princess]

انا بشترك انشالله هالايام

 

[فاتنة الصحراء]

هلا بنات انا مشتركه 3 شهور بـ 400 ولى 5 جلسات هادى بس والله من حيث اللمه الحلوة والالفه والتعاون بالقديم وتعاون الحلو من العاملات بالقديم احلا الف مره من الجديد بس الجديد احسهم رافعين خشومهم تونسيات كلهم وقله فليبنيات والمسبح عليه ايرانيات وبسسسسسسسسس تبون الحق والله مافيه زود على القديم الا بالديكور وبس

 

[نمله معضله]

ها عييييييل اشترك بشنو ... منو الاحلى ؟؟ الافضل ؟؟؟