مساج التخسيس للنفاس

[خضرة ام الليف]

قوه انا توني والده صارلي 12 يوم وحدي متازمه من بطني كبيره وكلها خطوط وابي اوخرها فاللي عندها حل للكرش والخطوط لاتبخل علي وبدعيلها اربع وعشرين ساعه سمعت عن مساج التخسيس اقدر اسويه وانا نفاس عادي ولا موزين وشنو عندكم حلول والمشد زين ولا ضار ومتى اقدر البسه وخياطي للحين ماطاح متى يطيح للعلم انا بجريه عفيه ساعدوني الله يخليكم والله نفسيتي صفر بسبة هالكرش قبل الحمال ماعندي كرش

 

[روح مغليها]

اب
اب

استخدمي نيفيا للسولايت ورضعي

 

[خضرة ام الليف]

مشكوره حبيبتي بس ولدي مو حاب يرضع يدز الصدر لمشد زين ولالا

 

[زيووونتييي]

مساج التخسيس انا جربته فبجري كنت توني والدده اسبوعين بس لما قلت لها اني صارلي اسبوعين والده خافت وما سوت لي وايد صوب البطن وايد كان خفيف شغلها هالصوب يعني ما امنه فايده انا جذي حسيت لانه اعرف شغلهم اول كانت تسويلي اكثر اقصد التفقص عاد الصج لانه الرحم يكون نازل ويمكن يضر المساج

سويته كوين مساج اللي بالشعب البحري بس ترا عادي البطن لانه توج والده اهم شي تربطين بطنج ما تخلينها وتشفطينها حاولي كثر ما تقدرين ومع التخفيف والاكل المعتدل ما تزيد بالعكس

هذا اللي اعرفه وان شا الله غيري يفيدج

 

[faty87]

يا حبيبتي حاولي ترضعين ولدك انشالله تروح بطنك
والمشد مو زين تقول الدكتورة انه يرخي عضلات البطن
وافضل حل مساج التخسيس والرياضة
بعد ما تخلصين نفاسك التزمي بنادي رياضة وتردين مثل قبل​

 

[mrs.abk]

أختي تقدرين تسوين مساج التكسير للأرداف أما البطن اصبري عليها 3 شهور ..

المشد خواتي يسونه والحمد لله بطونهم ممسوحة ..


بس ارتاحي أول اسبوعين وخليج على المشد

واحنا في الامارات نسخن حصاة ( اللي هي حبة باسكو مال البنيان العادية.. لو ما لقينا حصاة كبيرة سنعة) .. نسخنها عدل وعقب تنلف بفوطة وتحطها النفاس على بطنها كل يوم علشان يرجع مكانه

 

[خضرة ام الليف]

كل وحده ردت علي مشكورة والله يوفقها وينولها اللي بالها ويرزقها من اوسع ابوابه يارب بس شنو احسن مشد

 

[خضرة ام الليف]

اب اب

 

[ريتاج_90]

ماعندددي فكرررة
والحمدلله على سلاااامتج
ومبروك ماجاجج ويتربي بعزج
اب
اب
اب