(( مسابقه احلى طبق سلطة))

[جارة القمر]

بسم الله الرحمن الرحيم
وبه نستعين
السلام عليكم ورحمة الله وبركاته


خواتي العضوات العزيزات


كيف حالكم عساكم بخير
عساكم بصحه وعااااافيه
أنشاءالله


المسابقه عباااره عن أجمل طبق سلطةبالقسم
من ناحية التنسيق والشكل العاااااام للمشاركة

ويشترط في داخل المشاركة موضوع واحد فقط

وأعضاء لجنة التحكيم
^^بنت الكويت^^
^^دموع الكويت^^
جارة القمر
السفيرة عزيزه



--لا تقبل المساهمات المنقوله من المنتدى نرغب بأطباق سلطة الجديدة

--يجب وضع صوره للطبق


--الرجاء كتابة المقادير والطريقه للطبق بشكل واضح


--تبدى المسابقه من يوم السبت ((26/8/2006 ))

ولغاية أسبوعين كاملين وبعدها يغلق الموضوع لأعلان النتائج
وتكريم الفائزه بالمسابقه والمشاركات قبل هذا التاريخ لاتدخل المنافسه




والفائزه سوف تكون جائزته
شهادة تقدير من الأدارة الكريمه

وعلى بركة الله
وباالله التوفيق

وتقبلو ارق واعذب تحيه

 

[PearL]

غريبه محد مشارك للحين ... مشاركاتى تنعد على الاصابع بطمبخ المنتدى

بس قلت لازم اثبت وجودى واصير مره لووووووول .. لانه ماكو اسهل من طبق السلطه

بس ما توقعت اكوون اول متسابقة ... المهم سويت سلطه بالبيديان ( البذنجان)

صنع ايديه وحياة عنيه



المقادير :

1- يقطع الطماط الى قطع صغيره ويوضع بالماعون
2- يقطع البقدونس بشكل ناعم ومن ثم يصف فوق طبقة الطماط
3-يقطع البذنجان لمكعبات صغيره( يتم غلي البذنجان ومن ثم اضافته للطبق) ويضاف فوق الطبقه السابقه.
4-عمل خبز محمص ويضاف للطبق فوق طبقة الباذنجان
5- عمل الصلصه البيضه وهي عباره عن ( مايونيز + روب + قطرات من الليمون ويخلط ) تضاف هذه الطبقه في النهايه
6- ومن ثم ترش الصلصه البيضه بقليل من السماغ

وبالعافيه

 

[الجــادل]

اسجل حظوري ولي عودة

 

[ام جميلات]

سلطة الشمندر

المقادير:-

علبة شمندر
علبة ذرة
خيار مخلل
بقدونس مفروم

للصلصة البيضا
4علب روب
2 ملعقة مايونيز
1 فصة ثوم
قليل من الهردة (طحينة)
عصير ليمونتين
ملح
قليل من الخل
سماق للزينة ..

الطريقة :
- يقطع كل من الشمندر والخيار المخلل بالطول
- يصف بالبايركس الشمندر ثم الذرة ثم المخلل ويرش الوشه بالبقدونس المفروم
- تخلط الصلصة البيضا مع بعضها وتوضع على البقدونس وترش بالسماق ..

ما اقدر انزل الصور لان كمبيوتر الدوام

 

[جارة القمر]

PearL


يم يم يم يم


شكله لذيذه
وسريييييييييييييعه

 

[جارة القمر]

الجــادل

حياج الله الجادل

وبانتظار مشاركتج حبيبتي

 

[جارة القمر]

ام جميلات

حياج الله حبيبتي

ما تقدرين أتضيفين الصور بعدين

ومشكوووووووووووووووره

 

[سبائك]

انا انا انا انا بشاااااااارك جارونه

ان شاءالله اسوي سلطتي واعرضها عليكم باقرب وقت

 

[جارة القمر]

سبائك

بانتظارج حبيبتي

 

[PearL]

PearL


يم يم يم يم


شكله لذيذه
وسريييييييييييييعه

حق الى مالهم خلق يدشون المطبخ مثلي لووووووووووول


وبعدين وين المنافسات .. اشدعوة للحين ما دشيتوا المطبخ ؟؟


يالله شدووو حيلكم :eh_s(9): :eh_s(9): :eh_s(9):

متحمسه وايد خخخخخخخخ

 

[المـ انـ يـه]

السلام عليكم
:eh_s(8):
كيفكم صبايا
هذي مشاركتي

المكونات حسب ترتيب الطبقات
أول طبقه
خس كويتي 8 ورقات تقريبا مقطع بالطول
نعناع وجرجير < الكميه حسب الرغبه مقطع بالطول بعد
حبه وحده فلفل بارد ( فليفله) < تأبرني :eh_s(6): مقطع بالطول بعد
خياره وحده مقطعه بالطول بعد يعني الخياره قطعيها 3 اجزاء وقطعي كل جزء بالطول
بطاطه وحده مقطعه مربعات ومقليه
وهذا الشكل لي الحين


نكمـل
جزره وحده مبشوره تنحط على البطاط
وفوقها نحط الصلصه :
روب واحد
ملعقه لبن خاثر
ملعقه الا يعني مو متروسه مايونيز
ليمون < على كيفج
ملح شوي
نخلطها مع بعض ونحطها فوق السلطه
وهذا شكلها النهائي
طبعا الزين حسب الرغبه
وعافيه للكل :eh_s(15):


​

وسوري ع التأخير جاره المنتدى كان مقفل :eh_s(22):

 

[aBoOoRa]

هاااااااااااي انا عضوه يديده وحبيت اشارك في المسابقه لاني احب السلطات وااااايد :eh_s(3): وانشالله لما اسوي السلطه اصورها واحطها .

 

[جارة القمر]

PearL

يعطيج العافييييييييييييييييه حبيبتي


وناطرين حبيبتي باقي المشاركات
======================
المـ انـ يـه



يم يم يمي يمي

كافي فيه جرجير

مشكوووووووووووووووووره حبيبتي

وتسلم ايدج
====================
aBoOoRa

بانتظارج حبيبتي

ومشكوووووووووووووووووره

 

[aBoOoRa]

سلطه البطاط

المقادير:

حبتين بطاط حجم كبير
ملعقتين مايونيز
3ملاعق روب
ملح
ماء للغلي
بقدونس مفروم

الطريقه:

اولا تقشرين البطاط وتفوحينه بالماي مع ملعقة ملح.
ثانيا: تصفين البطاط من الماي وتحطينه في ماعون.
ثالثا: تخلطين المايونيز مع الروب والملح وشوية زيت زيتون.
رابعا: تخلطين البطاط مع الصلصه وتحطينه في اناء التقديم ويزين بالبقدونس.

وبالهني والشفا
والصوره قريبا انشالله
​

 

[جارة القمر]

aBoOoRa

مشكووووووووووووووووره حبيبتي

وبانتظار الصور

 

[aBoOoRa]

العفو انشالله الليله انزل الصوره

 

[جارة القمر]

aBoOoRa

حياج الله

 

[الجــادل]

لازم يعني تكون سلطة مو بالمنتدى؟؟


كل الا طباق اللي اعرفها موجود بالمنتدى :eh_s(16): :eh_s(16):

 

[جارة القمر]

الجــادل

حبيبتي

نبي شي

يديد

عرفتي

أتمني ما تزعلين

 

[aBoOoRa]

سلطه البطاط

المقادير:

حبتين بطاط حجم كبير
ملعقتين مايونيز
3ملاعق روب
ملح
ماء للغلي
بقدونس مفروم

الطريقه:

اولا تقشرين البطاط وتفوحينه بالماي مع ملعقة ملح.
ثانيا: تصفين البطاط من الماي

وتحطينه في ماعون.
ثالثا: تخلطين المايونيز مع الروب والملح وشوية زيت زيتون.
رابعا: تخلطين البطاط مع الصلصه

.

تزينين البطاط بالبقدونس وتحطينه في اناء التقديم.

وبالهني والشفا
​

هذي سلطتي مع الصور وانشالله تعجبكم