مسااعدة من الامهات الخبرة ..

[مناير البيت]

مساء الخير جميعا

انا قررت اولد في بيتي مع ان هذا ثاني حمل لي :bbbiu:

لاسباب واجد..


الحين ابي قائمة شنو احتاج في بيتي وبالنسبة لاكل النفاس شلون وخدامه مطوله على ماتجي

ابي نصايحكم لاني صج احس اني محتاسة شوي.:eh_s(17)::eh_s(17):


​

 

[● عـِـِـِزۈة آخ‘ـَـۈاْنـهـآ «-~]

قصدج تنفسين في بيتج

ههههههه اول شي طلعت عيوني لي برا
شلون تولدين
تالي استوعبت


ماعندي خبره والله
ان شاءالله اهل الخبره يفيدوونج

 

[Loloki]

يبلج لهوم ذا هذي يبيلج خدامه نص يوم عن شنو تبين تعرفين علشان نساعدج

 

[Loloki]

خلي احد من اهلج يقعد معاج او صديقتج وفي بنات اهني يبيع اشياء حق نفاس ويساعدونج حبيبتي متى ولاتج ان شاءالله

 

[منيرة خالد]

الله يتمم عليج وتولدين بالسلامه


اهم شي حددي يوم للاستقبال علشان ترتاحين بالبيت ، ولازم يكون عندج خدامه لو نص دوام


بالنسبة للنفاس >>> الالتزام بمواعيد الاكل اهم شي ولا تجوعين بالمره واكل النفاس الحسو واللهوم وفيه بالمنتدي تاجرات يبيعون اكل للنفاس >> اذا ما عندج من اهلج ناس تبيع


واهتمي باللبس لازم تتدفين عدل وحاولي ان حياتج ما تكون ملخبطه الاكل والنوم بمواعيد وخاصه ان طفل النفاس اكثر وقته نايم


وموووفقه

 

[مناير البيت]

من صجج اولد في بيتي لا يمه فيلم رعب :


لا قصدي نفاسي بشقتي بيكون..

منيرة خالد ماعندي خبرة والله باكل النفاس امي كانت تسوي لي بنفاسي وتقوم فيني بس هي مو مثل قبل تتعب وحبيت اريحها

من هم نفاسي لانها تحاتي حيل ,,

بقى شهر على ولادتي

واللبس بجهزه هالايام



​

 

[مناير البيت]

خلي احد من اهلج يقعد معاج او صديقتج وفي بنات اهني يبيع اشياء حق نفاس ويساعدونج حبيبتي متى ولاتج ان شاءالله

محد فاضي لاحد هالايام :eh_s(2):

ولادتي شهر12

مشكورين عالمساعدة :eh_s(7):​

 

[Zaina-al-zaina]

على كلامج الخدامه مطوله


الله يعينج لان الخدامه ضروريه بس اذا حصل ومايات

تعاقدي مع مرا تيبلج اكل نفاس لي البيت بس مايحضرني الحين ولا رقم !!
سوي سيرج وان شاء الله بتحصلين ...

بقولج ع شغله اسويها وقت الدورا لما كانت عندي خدامه ...

كنت اطلب من مطاعم اللي يطبخون اكلات كويتيه عندج مثل
فريج صويلح ... فريج عقاب .... وغيرهم وايد

اطلب منهم مرقرق او قبووط واحط فوقه فلفل و احط فوقه ادويتي واكله حده عجيب

حده الحاله كانت كسيفه !!! بس دبرت نفسي ..

وفي حل ثاني اقل شي اول 10 ايام يبي خدامه نص دوام تطبخلج
ليما تحسين انج اوكي وتدبرين نفسج ...

بس ماانصحج كلش كلش اول الايام تقعدين بدون خدامه او بدون مايكون احد عندج يساعدج ...

والله يوفقج ياااااارب ويسهلها عليج ...

 

[اميرة الورد $]

مآأنصحج بهالشي انا مجربه راح تتعبين لازززززم خداااامه مهما كان .
والاسباب كثيررره لو بذكرها مااخلص لباجر وكلهم مجربتهم ومروا علي .. والله يهون عليج .
لو انج قريبه مني وبنفس منطقتي قسم بالله مااقصر معاج .اي منطقه انتي ؟

 

[الـفـجـر الـبـعـيـد]

الله يعينج في حريم يسوون كوورس نفاس ادوية ولهوم وغيره

وفي بعد يسوون لج اكل نفاس وايد شكله حلو بس ما جربته

ولازم تكون عندج خدامه تساعدج