مسااااعده يا خبيرات الدياي

[طـالبة]

طباخاتنا ساعدوووووووووووووووووني

توني من شوي طلعت صدور دياي من الثلاجة وابي اسوي اكل حقي وحق اختي

بس ماااااااا اعرف شلون اتعامل معاه
الحين ناطرته يذوب
بس بعدين شسوي فيه؟
اسلقه ولا احط عليها بهارات واخليه فترة؟


ساعدوووني عفيه

 

[طـالبة]

امبيه محد رد علي شدعواااااااااااا

سويته واكلته وللحين ماكو رد

افا يا كويتيات

 

[(( انفوي ))]

حياك الله طالبه عندي طريقة سهله جدا تسلقين الدياي بالطريقه العاديه ( كركم + بهارات مشكله + بصل + مكعب ماجي + ثوم ) تخلينه لما يستوي علا ما تقصين سلطة وتجهزين صحونك وسفرتك , بعدين تقصين فلفل الرومي الوان وتحمسينه مع الدياي بزبدة لورباك وتحطين ملح وملعقه صغيرة كاري وبلعافية . ما تاخذ منك نص ساعه .

 

[ليـــــدي]

حبيبتي حسب أكلتج أنا بعد ما اذوبه أنظفه بملح وليمون وخل واغسله بعدين ابهرة واحطه بالفرن واكمل اكلتي ، بس اذا حمسه لا اقطعه ومع الحمسه اضيف البهارات او اسلقه الاول بعدين اقطعه مثل الشاورما واحمسه .

اذا تبين وصفات معينه أقولج ، بس شلون طلعت اكلتج حلوة ؟

 

[UNICORNA]

اول ماتذوب تغسلينها بملح وخل من فوق وتحت الجلد تمااااااااااااام تتركينها شوى فيهم حوالى 10 دقايق

وبعدين اغسلينها عددددددل

اولا لو فيها جلد تقدرنين تسوى خلطه عباره عن معلقه اكل من كل

عسل -كيتشب-صلصه-بصله صغيره مقطعه صغير - زيت زيتون وملح وفلفل اسود ولو عندك

صويا صوص مايخالف وهذى الخلطه تكفى 3 صدور تقريبا

وتفركينها بالخلطه عدل وبعدين تحمرين فى قليل زيت تقريبا حبتين بطاط الواحده تقطعينها بالطول الى 4 قطع

وبس تحمرينهم نص تحميره مجرد ياخذون لون وبدها تشيليهم وتنزلين صدور الدجاج من الناحيه اللى بها الجلد عشان

تتحمر تماااااااااااام وبعد تقلبينهم وتنزلين معهم البطاط وهدى النار وغطيهم يمكن 20 دقيقه راح تنزل صوص وتستوى وتصير

روعه وممكن تسوينها مثل سلطه سيزر يعنى تسلقين الدجاج وتقطيعين سلطه وتسوى صوص عباره عن كيتشب ومايونيز

او الصوص الجاهز وهذا راح تكون احلى واخف لان الدنيا ليل

 

[جارة القمر]

رد : مسااااعده يا خبيرات الدياي

بالعافيييييييييييييييييييييييية

http://q8yat.net/showthread.php?t=649701&highlight=%D5%CF%E6%D1

 

[طـالبة]

مشكورين بنات ما قصرتوا بس تأخرتوا علي

نقعته بصويا صوص وخل وملح وبهارات
وبعدها حمرته على النار مع بصل وحطيت عليه ماي وغطيته
صار كأنه قاعد يسلق
ولما تأكدت انه استوى
وخرت الماي وخليته شوي يحمر
وضفت له خضار
وسويت اسباجيتي بروحها وحطيتها فوقه
وصاروا معكرونة بالدياي والخضار

 

[جارة القمر]

رد : مسااااعده يا خبيرات الدياي

بالعافيييييييييييييييية