عندج مشعل البديح حق المسكات اسعاره حلوه و شغله تمام التمام خذيت منه حق الملجه والحين باذن الله حق العرس منه ..
عنده البومات مسكات وانتي اختاري و يوصلونه لج ..
مجمع تالا في السالميه صوب مجمع الفنار .. هذيل الارقام اتصلي وكلميه مشعل البديح
55715434-25715434
و التجهيز سهالات اخذي النوته و كتبي كل اللي شريتيه ..
اول شي عندج العارضيه حق العطورات ..
كتبي العطورات الحلوه
1- بربريز اللي من برا بيضه و اليديده اللي اسمها بدي
2- استلودر السوده و فيها كتابه ذهبيه يديده توها نازله
3- شانيل جانس الورديه
4- شانيل مادموزيل
5- ديور بويزن البيضه
6- جوسي كتور اليديده و القديمه الي جنها مدوره ..
7- لاليك اللي فيها شريطه حمرا ..
8- daisy
9- oriens
10- ماريا كيري فور ايفر
11- سكادا اليديده
و الباجي انتي اختاري ..
عندج بخور و دهن عود ..
يبيلج البخور بو 5 تولات او اكثر
و الدهن العود ربع توله ب 3 انواع و عقب العرس اشتري لج
عطورات عربيه روحي الشايع او نطري معرض العطور حق سيد جنيد اخذي راسخ عود
و عندج الحجر الاسود من القريشي
و مسك العروس من القريشي و نصيحه اذا كثرتي منها اخذي تولتين بسسسسسسس ولا استخدمتيها خففيها بماي شوي لا اتصير وايد مدبقه ..
و المرشات و الباجي اخذي من عبدالمحسن في الديره عندج ...
و العطورات ارجع واقول لج غير العارضيه لا تاخذين ارخص لجج !!
و لو تبين رقمهم هذا اهو ..
24317979
و البدل اخذي لج
3 بنطرونات جينز
بنطرون اسود + بيجي + كحلي "لو حبيتي الكحلي مو ضروري كثر الاسود و البيجي "
ليقنزات زارا اخذي " اسود+بني+بيجي+رمادي+كحلي "
و القمصان روحي خيطي بالبلوكات فوق .. و كااااااااااااسري
و عندج السوق كله .. روحي مثلا اخذي بديات من سنتر بونت حلوين ب 3 الا
اخذي اسود + ابيض + كحلي + رمادي ..
اخذي جم طويل و جم قصير تحتاجينهم " انا عن نفسي كثرت منهم "
اخذي لج تريننقات اي مكان .. او اخذي دير اند ديير او جاب .. اخذي لج مثلاً جوسي
يبيلج تنانير اخذي لج القطن او العادي زارا مكووووووود
اخذي لج شغلات رسميه و شغلات فخمه و شغلات زينه و عمليه
روحي برشكا واخذي لج القمصان البيضه اخذي بو 3 و الجوليه اخذي لج كذا لون
روحي فور ايفر يمكن فيه شغلات قطن حلوه وعمليه ..
روحي اخذي لج كارولينا هريرا و لا بربريز ولا مارك جوبس اخذي جنطه و بوك يعني هذا اكثر شي ..
و الجواتي و الفلاتات عزج الله عندج حوش السالميه او ميلانو او ناين ويست او اولدو او فور ايفر او اخذي لج من مانجو جنطه جناطهم حلوه اهو و زارا ...
البجايم اخذي من الرخاص و الغالين .. اخذي من كل مكان لو يعجبج اخذي و مالج شغل
العبي فيه بالفروانيه مبارك الصيفي او عندج الدبوس اللي بفحيحيل مجمع كامل .. او اخذي لج من شادو او متحجبه
يعني نوعي و سهالات بسسسسس كتبي بنوت شنو اللي خذيتيه
واي شي تبينه لا يردج الا لسانج
