مسااااااااعدة وربي يوفقكم

[شمووووع الليل]

عندي مرسم يوم الاحد للمستوى الاول ولي يعافيكم ابي اقدمة بطريقة حللوووة ومشوووقة وربي يوفقكم ابي الطريقة واشلوون ابدي واخلي الاطفال مندمجين حتى لو عندكم بوربوينت

 

[شمووووع الليل]

للرفعع وان شاء الله ربي يوووفق اللي ترد

 

[بنت الحوت عنابى]

راح اقولج خطوات الدرس :
اعداد المرسم بالادوات والخامات والمستهلكات
معنى كل ركن ماذا يفعل به الطفل
تعريف الطفل بالمكان
عرض المثير وهى قصة خيالية
والتركيز على الالوان

وان شالله اكون ساعدتج ==
ادعى لى بالتوفيق بكل شئ

 

[شمووووع الليل]

وربي يوفقج امييييييين على الرد وان شاء الله اللي تعرف من البنااات امااانة ترد

 

[شمووووع الليل]

كويتيات هذا ثااني طلب اطلبة ولا حد رد علي اشدعوووة انا اعرفكم متعاونين وتحبوون تساااعدوون

 

[عهود الحب]

اول شي انا اسفة يومين ما شبكت
والنت خربان عندي فما قدرت ارد عليج


المرسم تقدرين تقدمينه بشكل حلو ومشوق يكفي انه مو متعب


اول شي حسب العمل الي بتسوينه تحطين مثير بسيط
ومافي مانع تستغلين شخصية مبتكرة من المرسم انها تناقشهم عن المرسم وسلوكياته

المرسم اهم شي خطواته
مثير بسيط
قصة خيالية تعززين فيها الجوانب السلوكية والوطنية والدينية
وان تكون القصة فيها اشكال الوان احجام اصوات متنوعة استغلي شريط الاصوات
قصة خيالية يعني بدون اي ادوات او صور مجرد صوتج تراعين نبرات الصوت ترتفع وتنخفض والتمثيل
وانتي تقصين خلي حركاتج وملامح وجهج معبرة مثل المفاجأة الحزن { لو انتي جدامي امثلج هاهاهاها



بعد ماتخلصين القصة تكونين حاطة اغراضج باركان المرسم
ركن تلوين { الوان متنوعة طبعا
ركن رسم حر { حطي ورق ابيض
ركن صلصال
ركن تزيين بالخامات الفنية والمستهلكات

ركن المشروع

قبل الذهاب للاركان
تذكرينهم بسلوكيات الاركان
بطريقتج يا بمسرح عرايس
شخصية معينة يحبونها
او اغنية فيها سلوكيات المرسم

بعدها موسيقى ويتوزعون بنظام عالاركان ويشتغلون
المشروع لازم يكون له علاقة بالخبرة
ويكون بالخامات { يفضل اعادة تدوير


وسلامتج

 

[شمووووع الليل]

مشكووووووورة عالرد وربي يوفقج

 

[توت وتين]

الله يعطيج العافية يا عهود تبردين القلب


ويجعله في ميزان حسناتك واحتسبية صدقة جارية

 

[المستغفرة 74]

اختي عهود ما قصرت بس حبيت اضيف شغلة بسيطة
تكون عينج على كل المجاميع بس تقعدين مع مجموعه المشروع وتشاركينهم ويفضل يكون عندج مشروع جاهز عشان الاطفال يقلدونة ويسوون نفسة.مع موسيقى هادية .