مسألة حياة و ممات:منو استخدمت روكتان و اكتشفت انها حامل؟

[هداااويــ]

بإختصار شديد داخله على الله ثم عليكم رجاءا" لا تبخلون علي بردودكم


انا أكلت 46 حبه من حبوب روكتان لحب الشباب و معروف انها تسبب تشوهات للاجنه

و بعدها اكتشفت اني حامل مع اني حاولت منع الحمل لكن الله كاتب اني احمل و قدر الله و ماشاء فعل


الحين انا في حيره و خوف و قلق و رحت حق اكثر من طبيب و اكثر من صيدلاني أكدولي بخطورة الدواء و ان نسبة حدوث التشوهات سواء خلقيه أو عقليه ممكن تصل إلى 70%


ادري ان رحمة ربي واسعه و انا مؤمنه بهذا الشي


و انا سعيت و رحت لدكاترة معروفين و سألت مشايخ الدين و مفوضه أمري لرب العالمين








الحين ابي منكم يا بنات ارجوكم لا تبخلون علي اللي عندها تجربه شخصيه أو تعرف وحده نفس حالتي استعملت هالحبوب و اكتشفت انها حامل قولولي شنو صار معاها ؟


هل انجبت طفل سليم ؟ و لا مشوه و شنو نوعية التشوه ؟؟


فيدوني بكل المعلومات اللي عندكم ارجوكم لان الحين انا في بداية الحمل و الدكاتره قالو ماراح يبين الحين لازم انطر​

 

[أسرار الجمال]

أختي بإذن الله مافي شي لان سبحان الله اي شي يأدي للتشوه ما يأثر بأول الحمل ولا تحاتين ووكلي أمرج لربج وانشالله خير

 

[مسـك]

كل اللي اعرفهم كلوها ياقبل الزواج او كلوا مانع سناين للعلاج وعقب تصفية الدم


الله يرزقج بالطفل السليم


ابحثي بالنت عن نوع التشوهات والله يكون بعونج

 

[هداااويــ]

مشكوره على ردج بس الدكاتره قالولي العكس لاني اخذت الدوا في بداية تكوين الجنين

لا حول و لا قوة الا بالله

 

[أمورته]

يارب يفرجها عليج ماعندي علم يارب يزرق الطفل السليم المعافاه

 

[ملح الكون]

اكلي فوليك اسد والله برزقج بالطفل السليم الكامل التام

 

[صعبه]

انا مادري عن حبوب الروكتان ..

بس اختي اخبر كانت تاخذ حبوب ووممنوع تاخذهم الحامل وماكانت تدري انها حامل وع طول اقطعتهم
وتبارك الرحمن ولدها الحين عمره 5 شهور مافيه الا العافيه ماشاء الله


باذن الله مافيه الا العافيه خلج متفائله

 

[طموحه بزياده]

في دكتور قال ثنتين كلو الحبوب واكتشفوا انهم حمل والحمدلله ماصار للاجنه شي لانها رحمه من الله

ان شاء الله مايكون في شي

بس تأكدي قبل لا يتطور الحمل عشان يمديج تسقطينه قبل نفخ الروح

 

[أسرار الجمال]

اختي انا مرة قالي الدكتور سبحان الله هذي الاشيء بأول الحمل اما تأدي للإجهاض أو ما يكون لها تأثير بشرط تكوني وقفتيها

 

[الجادل الخشف]

حمات اختي كلتهم قبل عرسها وحملت على طول وماشاءالله بنتها عمرها ثلاث سنيين مافيها الا العافيه

 

[Aloe Vera]

دوري بالمواقع الاجنبية تلقين وايد حالات و عسى يكتبلج حمل سليم و طفل سليم

 

[شندوخه]

حبيبتي روحي لمستشفي السلام عند دكتود اشرف بقسم السونارات
ماشاـدالله وايد شاطر وسوناراته دقيقه خليه يجيك علي وضع البيبي اذا كان فيه تشوه لاسمح الله

 

[زوجة حياتي]

الله يرزقك بالحمل السليم يارب

 

[عاشقة هواك]

اخذي حبوب فولك اسد مثل فيتامينات مقويات حق الجنين وان شاء الله ما فيج الا العافية

 

[New_bride]

يارب الله يرزقج الطفل السليم

اول شي اذا لاقدر الله الجنين كان مشوه و فيه خلل ماراح يعيش فالرحم
سبحان الله هذا من رحمة ربي

بالنسبه للي تاخذ هالحبوب وهي حامل والله ماعندي خلفيه عن الموضوع

بس وحده من هلي كانت تاخذ هالحبوب و حملت بعد انتهاء العلاج بكم شهر
وفي حملها كل الدكاتره خرعوها ان الجنين فيه تشوه وسمك الرقبه عنده كبير
و طول الحمل يسوون لها فحوصات لين الشهر السابع قالولها في احتمال ينولد طبيعي
وسبحان الله يابته مثل القمر مافيه الا العافيه

انتي وكلي امرج لله والله يكتب لج اللي فيه الخير

 

[نـعـومـه]

وي حبيبتي هالحبوب مايصير نستخدمها واحنا حمل


استشيري شيخ دين ثقه

 

[مآيكبرني نك]

لؤ الحمل فيه شي بينزل

باذن الله سليم انسي ووكلي امرج لله

 

[مفعمه بالحيويه]

اختي ضروري الحين شوفين قناة ام بي سي ،حلقة داوود برنامج (الثامنه ) لانه تكلم عن اضرار الروكتان

او شوفي اعادة البرنامج الساعه وحده

والله يرزقج بالطفل السليم المتعافى





---------------------

 

[الأوركيد~]

اللهم انته القادر الواسع المجيب
احفظ جنين اختنا
و ارزقها بالطفل السليم المعافى

 

[هيبة ملك]

انا كليت. وانا مادري. 12حبه. منهم. وطلعت حامل مادري. والحمدلله جبت. ولدي مافيه الا العافيه

الله يخليه لي

إن شاءالله مافي الا الخير