مسآحتي . مدونتي العطريـة .. فقط أنا ,,~

[Brora ~]

هلا بنآت شلووونكم شخبآركم

ان شاء الله بخيير

قررت افتح هالموضوع كَ مدونة لكل مشترياتي من العطور

العطور اللي شريتها \ اللي شميتها \ اللي جربتها \ اللي ماعجبتني

فقط لي .. مارآح اجيب على استفسارات بالموضوع ..

بس اذا بتسألون عن العطور اللي بكتب عنهم اوكيك

أما اسأله ثانيه أنا سوري :eh_s(4):

واتمنى ترفعووون المووضووع

ملاحظه : الموضوع الثاني بصكره أو بلغييه

برب ولي بآك ..

 

[Brora ~]

هلا بنات

شلونكم

سوري تأخرت وآيد وماحطيت شي من ذاك اليوم ..

مثل ما تعرفون الحين معرض العطور .. رحت اليوم الثالث والثاني

اول مره رحت ماشريت شي بس تمشيت .. اليوم الثالث لما رحت مع اختي

تقدرون تقولون خميت عطور ... شريت 3 عطور فرنسيه و2 عربيه شويه صح

بس كانت الميزانيه عندي شوي .. تقريبا كان عندي 80 دينار بس

وكنت شاريه قبل المعرض عطر وش الأزرق

http://www.google.com.kw/search?hl=...55ysDA&ved=0CCAQvwUoAA&q=wish+chopard&spell=1wish chopard



حييل عجبني .. شريته من موقع توصيل منازل بـ 10 ونص بس 50 مل .. يابلاش
انا الحين منشوله ماقدر اشم شي ماقدر اوصف العطر عدل بس اهوه شوي سويتي
على وودي .. حبيييته



ومن المعرض شريت سيت عطر

Sensuous Estee Lauder



بس في اختلافات عن الصوره مثلا اهوه مع شور جل ولوشن و حاطينه بكرتون كبير مو جنطه
100 مل مع لوشن وشور جل بـ 31 دينار ونص بسس حييل انصحكم بهالعطر يننن عجيييب
اوول ماتشرينه تدمنين رييحته


وشريت عطر
Versace Crystal Noir
50 مل بـ 21 دينار .. بس احس تسرعت فيه .. موعاجبني وايد و في عطور احلا منه بمليون مره
اهوه شتوي وريحته غريبه شوي


واخر عطر فرنسي اهوه العطر العجيب الغريييب
Gohn Galliano EDT


بس انتبهو هذا EDT تواليت شميت البرفيوم كللللش ماعجبني حسيته ويع ويع هذا اخف واحلا وارقى بالنسبه لي
60 مل بـ 22 دينار يستاهل تجربونه عطر راقي وعجيب


وشريت عطور عربيه .. جذور من روعة العود حلو عجبني صاير مكس بين السويت والعود
سعره بعد التنزيلات 10 وكان بـ 22 .. مايسوى 22 شدعوه!

وعطر وصال من اجمل ..زوين .. حلو مع البخور اختي عطتني ياه لانه شرته وبعدين تذكرت انه عندها
ترى موو وايد نايس .. يعني جربوه واشتروه يمكن مايعجبكم

 

[Angel_store]

امس شريت ارماني ذا كود صج قديم بس شتوي و ريحته روعه