مريول للاعمال الفنيه... يعني شنو؟ حدي غشيمه

[مظلومه ياناس]

مرحبا امهات
بغيت اسالكم ......... ولدي بمدرسه خاصه وطالبين منه مريول للاعمال الفنيه ... يعني شنو؟
ابوه يقول يعني بالطو ابيض .. وانا اقول لأ
بنات يعني شنو ؟ ووين القاه؟ وابي شي مميز لاني احب اميز ولدي
رحت للافنيوز ( اوفيس ذبوود : وفانتاسي: وتك تك : وبروي ) مالقيت
دلوووني عفيه​

 

[عشق]

رد : مريول للاعمال الفنيه... يعني شنو؟ حدي غشيمه

والله مادري يمكن البالطو الابيض

وشفت نفس المريول مال المطبخ من نايلون على اشكال حلوه يمكن ينفع حق الرسم
شفته بمكتبه جمعيه الرميثية

 

[مظلومه ياناس]

رد : مريول للاعمال الفنيه... يعني شنو؟ حدي غشيمه

ياحياتي ياعشق انتي الوحيده اللي عبرتيني .............. الله يخليلج بنيتج ويوفقج يااااااااااارب
وعساج ياربي تشوفين بنيتج احلى عرووووس بالدنيا يااااااااااااارب

 

[ام خالد 78]

اعتقد بالطو ابيض

 

[برونزيه شقرا]

رد : مريول للاعمال الفنيه... يعني شنو؟ حدي غشيمه

بالطو ابيض مال العلوم
بس اللي اعرفه انه ابيض جنه مال سسترات

 

[سنعة وحبوبة]

إذا مو محددين انه البالطو الأبيض

مريول المرسم معروف انه الملون اللي ينلبس فوق لبس المدرسة وقت الرسم عشان الألوان ماتدمر الملابس

اللي يكون بأكمام سير نفس لبس الأكل مال الأطفال

انا شاريته الاسبوع اللي فات من مكتبة جمعية العمرية

بالتوفيق​

 

[meen_ana]

حبووبه يا يكون الباطو الابيض مثل مال العلوم

او في مريوول الرسم للي يكون مثل الصدريه وفي جموم بعد تنلبس نفس تقريبا الصدريه مالت اليهال لمن ياكلون للي فيها جم عرفتيها حبوبه