مريضة بالسكّـر وحملتي.. تعالي ابيج :(

[قنــــــــــوت]

مريضة السكر ... من النوع الأول ..
اللي تاخذ ابر انسولين ..

لما اكتشفتي انج حامل ... او خططتي تحملين ...
شنو اجراءاتج وشنو احتياطاتج ...

وهل فيه نسبه كبيرة لاحتمال اصابة الجنين بالسكر ... ؟

:eh_s(2):

بليز اللي معاها سكر .... وحملت .... ترد وتطمنّي ...

مشكووورين :eh_s(2):

 

[sweet_lulu]

بنتي توفت بسبب ارتفاع السكر .. كنت في آخر الثامن ..الله يرحمها ويعوضني عنها خير قولوا آمين

 

[العذبة]

حبيبتي ترى الامر عادي كلش

لازم تروحين لدكتورج عشان ينظم لج جرعات الإنسولين

انا عندي السكر و كنت أخذ بالحمل ٣ ابر باليوم و كنت ماشية على نظام اكل خاص بالسكر للحامل


اهم شي تنظمين اكلج و مواعيد الإبر و تقيسين السكر يومياً لازم يكون من ٦ الى ٧ و حاولي ما اتجاوزينه


والله معاج و ياجرج خير و يثبت لج حمالج و يرزقج اياه من غير زيادة ولا نقصان*

 

[قنــــــــــوت]

sweet lulu

الله يعوضج عنها خير يارب ....

حملتي بعدها والا لا ؟؟

كان معاج سكر من البدايه والا سكر حمل بس ؟؟

 

[قنــــــــــوت]

حبيبتي العذبه ...... عسى الله يطمن قلبج ويوفقج يااارب ...

بغيت اسألج عن جرعات الانسولين ..... عادي تزيدينها او نقصينها فتره الحمل علشان ما يرتفع عن الــ 7

لان انا السكر عندي يرتفع فجأة .... ويهبط فجأة ...

...

وهالزياده او النقصان في جرعة الانسولين ... انتي تحددينها ... والا دكتورج ينسق لج اش كثر تزيدين او تنقصين ؟؟؟

والاهم من هذا كله ..... هل يكون الطفل عرضه للاصابه بمرض السكر او التشوهات لا سمح الله ؟؟

 

[العذبة]

مرحبتين قنوت،،،

لا طبعاً الدكتور اللي يحدد لي

عندي جهاز فحص السكر في البيت ،، افحص على الريج و بعد الوجبات بساعتين

اذا مرتفع في كذا قراءة اروح المستشفى الطوارىء

و يحبوني تحت الملاحظة و يضبطون لي الجرعة


و السكر ما ينتقل للبيبي بإذن الله الا اذا كان من النوع الاول

و بإذن الله ما تصير اي تشوهات للبيبي اذا كنتي محافظه على مستوى السكر

و مثل ما قلت لج لازم تهتمين بنظامج الغذائي و الإنسولين تاخذينه ومواعيده *

 

[العذبة]

الله يعوض عليج لولو و ياجرج خير حبيبتي

ان شاء الله بنيتج عصفورة من عصافير الجنة

و بتشفع لج يوم القيامة

 

[dlll3]

بنتي توفت بسبب ارتفاع السكر .. كنت في آخر الثامن ..الله يرحمها ويعوضني عنها خير قولوا آمين

يالباااا قلبج الله يعوضج يارب عاجل غير آجل
بس بسألج كم كان ارتفاع السكر كم رقمه وصل لمن توفت ياليت تجاوبيني

 

[فرااااولة]

امبي انا فيني سكر حمل بس الدكتورة ما عطتني علاج لي الحين
وصج جم وصل اللي خله الجنين يتوفى
يا رب مت خرعه

 

[قنــــــــــوت]

بنات انا قصدي اللي يكون فيها سكر من قبل الحمل ....

مو قصدي سكر الحمل .... لان سكر الحمل يروح غالبا بعد الولاده مباشرة ...

انا اقصد اللي عندها السكر وتاخذ انسولين من قبل الحمل ..

............


العذبه ... مشكوووووورة حبيبتي ... ماقصرتي ..ردودج تريح النفسيه :aha:

 

[ايامنا الحلوة]

تبييييييييين نصيحتي
اهم شي تووووكلي ع الله ودااايم ادعي
واكلي حمض الفوليييك قبل الحمل واول شهوور الحمل
واهتمي بالاكل اللي تاكلينه يعني ابتعدي عن الحلويات والسكريات
واخذي ابرتج
ووودايم خلي املج بالله كبيرر لاتخاافين
انا دايم اتووكل ع الله
وكاااني الحمدالله كل عيالي بخيرر
ولاتشوهاات ولا شي

بس اهم شي النفسيه تراها ترفع السكر
دااايم ابتعدي عن كل شي يضاايقج
حتي لو كاان تافه
لانه يأثر

وان شاءالله تجيييبين احلي بيبي

 

[قنــــــــــوت]

ياااااربّــــــي .....

والله عيني دمعت وانا اقرا ردج ....


فديتج مشكوووورة على هالرد الحلو .... طمنتي قلبي الله يطمن قلبج ويحفظ لج عيالج ....

 

[قنــــــــــوت]

وينكم بنات ....

منو معاها نفس المشكله ؟؟

سمعونا تجاربكم ؟؟

 

[CuTe_FaCe]

السلام عليكم
تطمني حبوبه انا اختي فيها سكر من كانت صغيره
والحين ماشاءالله تبارك الرحمن عندها 5 وكلهم سليمين لله الحمد
وكلهم تييبهم بالثامن لان مع السكر يكبر حجمهم واايد فيخافون عليهم ويدشون جم يوم شيشه
وبعدين مافيهم الا العافيه والحين الله يحفظهم يهبلون
واكيد الحمل تعب بزود بس كل شي باجره بس اهم شي تنظمين اكلج
وتاخذين جرعات وتراجعين مع دكتورتج اول بأول
والاهم من هذا توكلي على الله


ولا تحاتين قلبي,,,

 

[قنــــــــــوت]

فديت قلللللللبج ....
وربي يحفظ اخيتج ويخلي لها عيالهااا يااااااارب ....

فرحتي قلبي ..عسى ربي يفرح قلبج