مريضات دكتور هيثم الخياط تفضلوا

[امواج النهر]

:RoadRunner:ابي رايكم في هالدكتور واذا في وحده مسويه عنده تحويل مسار تفيدنا وجزاكم الله خير0:yaaaaaarb:

 

[غالية زمانها]

حبيبتي ..
ليش اتسوين مسار معده ؟؟ لهدرجه تحتاجينه !!!
انا نصيحتي .. سوي رجيم ولعبي رياضه ..
مابي اخرعج .. بس وايد ناس افشلت عمليتهم
ومااااااتوااا .. واعرفهم

اسفه .. اني مارديت على سؤالج بس حبيت انصج

 

[امواج النهر]

مشكوره اختي غاليه زمانها والله يعطيج العافيه0

 

[ii DareeN ii]

في دكاترة اشطر منه هذا رايي

 

[ممرضة كويتية]

يا بنااااااااات

نصيحتي لوجه الله..
ابتعدوا عن عمليات تحويل المسار وتصغير المعدة..
الاستفادة مو اللي انتوا متخيلينها و بعض المرضى يستفيدون و غالبيتهم يتحسفون..
والمضاعفات رهيبة..

ارجوكم راجعوا انفسكم... انا اقول هالكلام و ربي بيحاسبني عليه ما اخوفكم ابدا.. لكن هذي الحقيقة.. واقولها من حبي و خوفي عليكم بنات ديرتي..

بالتوفيق جميعا

 

[غالية زمانها]

يا بنااااااااات

نصيحتي لوجه الله..
ابتعدوا عن عمليات تحويل المسار وتصغير المعدة..
الاستفادة مو اللي انتوا متخيلينها و بعض المرضى يستفيدون و غالبيتهم يتحسفون..
والمضاعفات رهيبة..

ارجوكم راجعوا انفسكم... انا اقول هالكلام و ربي بيحاسبني عليه ما اخوفكم ابدا.. لكن هذي الحقيقة.. واقولها من حبي و خوفي عليكم بنات ديرتي..

بالتوفيق جميعا

وووالله انا معاااااااااج بكل كلمه اتقولينهااا
اعرف وحده توها متوفيه منها الاسبوع اللي طاف
مابي اخرعج ولا افاول عليج بس هذا الصج

 

[ممرضة كويتية]

اختي العزيزة

وكل خواتي اللي يبون يسوون عملية تصغير او تحويل المعدة..

ارجوكم فكروا مرة ثانية..
وللعلم..
الدكتور هيثم بنفس وحدة الدكتور باسل السميط.. اثنينهم والنعم فيهم .. بس صحيح الدكتور باسل اشطر منه.. لكن في اسرار الشغل اللي ما تعرفينها لا انتي ولا غيرج من المريضات.. في نوع من الغيرة والتنافس في هالوحدة بالمستشفى... وباسل او هيثم ترى ما يشتغل بروحه.. معاه جم دكتور يساعده.. انتي شوفي منو مع باسل و منو مع هيثم.. التيم او فريق الشغل مثل ما يسمونه.. وشوفي كم مريضة دخلت المستشفى مرة ثانية بعد عملية التحويل.. وشوفي الشماته ونشر الغسيل.. شوفي المصايب وروحي جناح 18 بمستشفى مبارك واسئلي المريضات الله يشافيهم.. كله مضاعفات و بلاوي الله يحفظنا

ارجوكم فكروا عدل.. حياتكم اهم من جم كيلو راح ينقصون و يمكن ما راح ينقصون بعد..

 

[امواج النهر]

الف شكر على هالنصايح 00000000000000000000وشكلي بعيد النظر وافكر مره ثانيه

 

[Kuwaitigirl1973]

حرام يا ممرضة تتكلمين عن العملية إنها بس تجميلية وجم كيلو
في منهي محرومة من ضنا مثلي بسبب السمنة وعندها بداية سكر والحمدالله بعد فشل الحزام معاي رحت لدكتور الصانع في رويال حياة ولما الوحدة تعرف كل المعلومات بوضوح تقدر تعرف إذا العملية هي الصح لها واللا لأ
الحمدالله عديت الشهر ونزلت ١٦ كيلو وآكل كل شي بس كمية بيبي وزوجي سعيد وانشالله يجيني الضنا ولأنك ما تعرفين شنو معنى السمنه ولما تنهتين كل ما تمشين ما راح تعرفين الفرحة اللي أنا وباقي المتحورات نمر فيها
آنا بس أوافقج إن المريضة ما تروح إلا للفريق الجراحي الزين مو الدكتور بس وأقولج فرق السما عن الأرض بين عمليتي الأولى في مبارك وعمليتي اللي في رويال حياة، فريقهم متكامل وفاهم
المشكلة إنهم بمبارك يسوون العملية بدون شرح ولا في فريق متخصص وبعد العملية كل الخدمات حتى الوجبات فيها مشاكل
لو يدزون المرضى للمستشفيات الخاصة اللي عندها برامج متكاملة يمكن يصير الوضع أحسن، دكتوري يقول العملية هي البداية بس والأساس المتابعة بعدها

 

[غالية زمانها]

حرام يا ممرضة تتكلمين عن العملية إنها بس تجميلية وجم كيلو
في منهي محرومة من ضنا مثلي بسبب السمنة وعندها بداية سكر والحمدالله بعد فشل الحزام معاي رحت لدكتور الصانع في رويال حياة ولما الوحدة تعرف كل المعلومات بوضوح تقدر تعرف إذا العملية هي الصح لها واللا لأ
الحمدالله عديت الشهر ونزلت ١٦ كيلو وآكل كل شي بس كمية بيبي وزوجي سعيد وانشالله يجيني الضنا ولأنك ما تعرفين شنو معنى السمنه ولما تنهتين كل ما تمشين ما راح تعرفين الفرحة اللي أنا وباقي المتحورات نمر فيها
آنا بس أوافقج إن المريضة ما تروح إلا للفريق الجراحي الزين مو الدكتور بس وأقولج فرق السما عن الأرض بين عمليتي الأولى في مبارك وعمليتي اللي في رويال حياة، فريقهم متكامل وفاهم
المشكلة إنهم بمبارك يسوون العملية بدون شرح ولا في فريق متخصص وبعد العملية كل الخدمات حتى الوجبات فيها مشاكل
لو يدزون المرضى للمستشفيات الخاصة اللي عندها برامج متكاملة يمكن يصير الوضع أحسن، دكتوري يقول العملية هي البداية بس والأساس المتابعة بعدها

حبيبتي .. الحمدلله على سلامتج .. وعسى الله يرزقج الذريه
بس انا والله اعرف ناس اشكثروا ماتوا بعد العمليه بعيد الشر عنج ..
عشان جذي انا حبيت انصح مو اكثر ...

 

[سفيرة العشق]

حبيبتي استخيري قبل لا تسوينها
بس صراحة لو انتي متينه حيل راح تموتين بالبطئ بسبب تراكم الأمراض عليج
وهالعملية غيرت حياة ناس وايد 180 درجة وارتاحوا بحياتهم
واللي ماتوا هذا يومهم والله كاتب لهم جذي

لأنهم ممكن يموتون بسبب امراض تسببها السمنه

 

[كشموووشه]

متابعتكم بصمت لان ماعرف دكتور زين

 

[كرسبي كريم]

الصراحه انا من مؤيدي العمليه تدبيس المعده مو التحوير
لان في ناس اتعاني من سمنه مرضيه (ضغط وسكر وكروسترول )
ريلي كان اعاني من الضغط والكروسترول وبعد ما سوي عمليه التدبيس مشاء الله تغير 180 درجه لله يتمم عليه بصحه وعافيه دووم يارب
والي سوي حق ريلي العمليه حقه الدكتور الجار الله الي في ناس تمدح وناس اذم فيه مع انه والنعم فيه خووش دكتور وما قصر والشهاده لله
وللعلم موكل جسم يتقبل العمليه بنت رفيجتي لحد الحين تعبانه من العمليه واثارها وفي ناس ثانيه عااايشه حياتها مع كل كيلو يخسرونه
واذا بتسوين العمليه استخيري مو مره ولا مرتين اكثير
والله يوفقج ويبعدج ويبعدنا كلنا عن شبح سمنه ياااااااااااااااااااااااااارب

 

[miss_Ba6oOo6a]

لا يبا محد يقص عليييييييييييج المنتن موووووووووووووووووت بطيييييييييييييييئ ولخبطة هرمونات وعقم سكر ضغط كلسترول عوار ظهر ومفاصل وروحييييييي شوفوي الي مسوييينها والدوووووووووووس علا العمليااااااااات بحكومه وخااااااااااااااااص وعلا فكره هالعمليه امنه
اكثر من الباند والقص بالمضاعفااااااااات بالعمليه روحي سالي فيها اي دكتووووووووووووووووور وشووفي الاجانب شغالييييين فيها
وتعتبر احسن عمليه ليه الحييييييييين انا مسويتها بعد فشل الحلقه لان انا من يزيد الوزن ماكو دوره تتلخبط يعني ماكو حمال رووحي عند سالي دكاتره وشوفي انا دكتوري موسى خورشيد اذا حصلتي موعد للعمليه قرييييييييييب تعاليلي وشوفي اشكثر يسوون لو منها مضره

 

[p_ian_o]

الدكتور والله العظيم روعة من جميييييع النواحي

وايد شاطر

وأخلاااااااااق روعة ماشاءالله عليه

انا و2 من رفيجاتي مسوين عنده عملية

باجر يصير لي شهر مسوية العملية عنده

والحمدلله كلشي أوكي

سوينا التدبيس الطولي ( السليف )​

 

[بنفســـــج]

عن الدكتور هيثم ما سمعت عنه الا كل خير

اما عن العملية فهي الي غيرت مسرى حياتي من وزن 148 الي وزن 74 الحمد لله , سويتها عند الجار الله من سنتين ونص وانا الحمد لله بخير وعافية

المسألة مو سهلة لكن نفس الوقت مو صعبة ولازم منها في حالة الوزن المرضي

 

[أم عبدالوهاب]

دكتور هيثم شهادتي فيه مجروووحه
كلمة روعه واخلاق وذوق شويه عليه
اليوم لي سادس يوم من مسويه عملية باي بس عند دكتور هيثم
وبصراحه واااااااااايد كنت مرتاحه معاه وكان متابع لحالتي حتى بعد ماترخصت من المستشفى
كنت متردده بين دكتور هيثم ودكتور الصانع وآخر شي قررت اسويها عن دكتور هيثم والحمدالله
ارتحت معاه وااايد
وانشاااااااااااء الله ياااارب اوصل للوزن المثالي

 

[امواج النهر]

للحين متردده وخايفه ابي تشجيع اكثر وتجارب تفيدني باتخاذ القرار0

 

[Kuwaitigirl1973]

راجعي أكثر من دكتور بعياداتهم واسمعي منهم كلهم وآنا متأكدة إنج بيخف خوفج لما تشوفينهم كلهم يقولون لج شكثر العملية سهلة
آنا أعتقد أحسنهم أسامه الصانع في رويال حياة وبعده الهيفي وباسل السميط والتمياط وبعدهم الخياط وخورشيد وآخر شي أحط خالد الشرف والجارالله حسب ما بعضهم قابلتهم بس وبعضهم قابلتهم وسووا لي عمليات وفي اثنين ماعرفهم يدد توني اسمع عنهم بستكي والعنزي بالحكومة

 

[امواج النهر]

ابي نصايح اكثر للحين متردده00000000000000000000000بليز ساعدوني