مريتو مثل تجربتي ؟؟؟؟ خااااااااااايفه :(

[tolay]

السلام عليكم ورحمه الله وبركاته

















انا بفتره خطبه واحتمال ملجتي مقربه لانه مابقى الا نتيجه الفحص

مادري اذا في وحده مرت بتجربتي ولا لا ؟؟

بالبدايه كنت مستانسه والولد دش مزاجي وكل شي لما الموضوع صار جد خلاااااص والكل درا عن خطبتي وحسيت قريبا راح ارتبط هنيه خفت

حتى حسيت بضيق مادري ليش

يمكن خايفه من الحياة اليديده

والشي اللي خايفه منه حيييييييييييييييل

خايفه اني ماحبه لانه للحين ماكو شي بقلبي تجاهه يمكن توالناس

بس خايفه هالشعور يظل طول الابد

تعرفون زواج تقليدي مو حب

خايفه لما املج اطلع معاه اعيش معاه وانا موحابته

شرايكم في وحده مرت بتجربتي خافت من هالشي ولما ملجت وطلعت مع زوجها حبته وعادي ؟؟؟

هل الحب ايي من تصرفات الريال ؟؟


انا شفته نظره شرعيه بس تعرفون هالنظره تكون مره بالبيت ومره بالفحص ومانكلم بعض الا امور بيسيييييطه

خااااايفه لما املج ماراح احبه :/

هذا اللي خايفه منه

شرايكم ؟؟

 

[don-3]

عااااادي انا نفسيتي بالملجه موشي كله بجي وتعب نفسي وحتى وجهي انقلب حبوب وصرت وسواسيه نفس شعورج بس العن والحمدلله يارب الله وفقني وعسا دوم انشالله
والله يوفقج يارب وصدقيني ترا اللي تمرين فيه عااااااااااادي

 

[σм 3ℓαωɣ ™]

السلام عليكم

الله يتمم لكم على خير
وتبشرينا بملجتج


أنا زواجي كان تقليدي
والحمدلله أحب زوجي وأموووووووت فيه
وفعلاً مع العشرة تزيد العلاقة وترتبطون ببعض أكثر وتحبون بعض أكثر وأكثر
مرات الزواج عن حب يخلف مشاكل كثيرة
لأن كل واحد كان يجوف المحاسن
وبعد الزواج يصير الصدام بين طبيعة الزوج قبل وبعد الزواج


تعوذي من ابليس لا تخلينه يوسوس
راح تحبينه وتعشقينه وتتفدينه بعد

موفقه حبيبتي

 

[الغرنوقه]

رد : مريتو مثل تجربتي ؟؟؟؟ خااااااااااايفه

توكلي على الله وموفقه حبيبتي

 

[om-7many]

لاااا اتووقع كل شي راااح يتغير بعدين واكيد اهوو زواج تقليدي
وماتحسين بشي الحين لان توو النااس على الحب
وحبيبتي اكيد هذاا الخووف ايلج عادي لان بداية الزوااج
وانشالله تتعودين والله يوفقج ويسعدج

 

[هيبة ملك]

بسيطة حبيبتي شعور طبيعي

 

[jtbnmk]

رد : مريتو مثل تجربتي ؟؟؟؟ خااااااااااايفه

امبي انا نفسج تدرين داشه وفيني بجيه والله وقاعده احاول اقري المواضيع عشان اهدي
انا انخطبة وفي موافقه مبدأيه للحين ماصار شي رسمي بس هل ايام بس اليوم اقول حق اختي من كلمني ابوي بالموضوع وانا خايفه ومخنوقه واحس بشعور غريب مادري شنو والله
وخايفه ما اتقبله مو عارفه مشاعري متلخبطه:/ وخايفه من الحياة اليديده والله مادري شسوي
معني انا بعد قعدت معاه وكلمني بس مادري خايفه من اشياء واااايد وخايفه مااقدر احبه لانه ماكو اي مشاعر لا مشاعر فرح ولا حزن ممكن في مشاعر خوف
ياااارب يسهل عليج امرج ويسهل امري معاج وانشاء الله البنات يفيدونا

 

[i'm so happy]

توكلي على الله حبيبتي انا كنت مثلج نفسيتي تعبانة وموطايقة حد وخفت خووووف ان مايكون مثل ماابي لانه هم كان زواج تقليدي

خفت ماحبة وصعبة اعيش وياه كل الافكار السوده كانت تدور في بالي والوساويس والشك والظن بس بعدها الحمدلله الحمدلله

طلع كله وهم في وهم بالعكس كان حبوب وطيب ومتفاهم وراح تحبينه حبيبتي مع مرور الاشهر والسنين مو مع مرور الايام

لكن مع مرور الايام راح تعرفينه عدل طبعه واسلوبة وصفاته وووو...

الله يوفقج حبيبتي ترى هذا كلش شي طبيعي

 

[يازمان العجايب]

عادي لازم اتوترين
شخص بحياتج حياة جديده ووضع غير
الله يهنيكم

 

[شقرديـه عالطل]

شعوووووووووووور طبيعي
والله يوفقج حبيبتي وهدي بالج

 

[G!RLooNa]

ليش ما تكلمينه بالخطبه انا اشوف احسن الوحده تكلم خطيبها بالخطبه يتعرفون على بعض اكثر عشان لو لا سمح الله ما اتفقوا مبدئيا يفلون الخطبه احسن من لا تصير ملجه و طلاق ..

 

[مذهــلــه]

والله عادي يابنات وأنا نفسكم بعد

أول مرة لما انعرض علي الموضوع قعدت ابجي وانترس ويهي حبوب وماانام ولا اشتهي آكل

وادعي انهم يهونون

استغفر الله

بس سبحان الله مع الدعاء من قلب وبنية صادقة الله يهون عليج وشوي شوي تتغير هالنظرة

ولاتنسين ان ساعات تكون عين فكثري من المعوذات والرقية الشرعية وسورة البقرة خليها دايم شغالة بدارج اذا ماتقدرين تقرينها

والله ييسر لي ولكم يارب

 

[روحي تحبه غصب]

الله يوفقج واذا كان لج خير معاه الله ييسره لج واذا فيه لج شر الله يبعده عنج


اذا حيل متضايقه ليش ماتشلين صلاة الاستخاره؟؟؟؟؟؟

 

[خليفة العظماء]

كلنا جذي تزوجنا وحنا مانحب أزواجنا والحب يجي بعد العشره

 

[قطوه الفريـج]

شي طبيعي لا تحاتين

راح تحبينه مع الايام

الله يتمم عليكم

 

[tolay]

تسلموووووووون ماتقصرووووون

انا اصلي صلاة الاستخاره

والحمدالله اشغل البقرة واقرا المعوذات

بس مادري شفيني :/

والله يعين اللي مثلي والله يهون علينا

والله يوفق الجميع

 

[احبكم ذاتي]

رد : مريتو مثل تجربتي ؟؟؟؟ خااااااااااايفه

لالالالالاعادي جدا هذي مشاعر بالبداية وعقبها ان شاللة تمشي الامور على مايرام
لالالاتحاتين
واللة يوفقكم يااااااارب

 

[أم وهابي (عبير)]

عاادي حبيبتي
انا كنت مثلج زواجي زواج تقليدي ومع الايام بتحبينه :eh_s(21): صدقيني غصبن عنج
وكل يوم عن يوم راح تعرفينه وتحبينه اكثر


اييي ذكرتيني بيوم زواجي كانت ايااااام من احلى الاياااام

صدقيني حبيبتي اذا اهو نصيبج بتاخذينه وان شاء الله تعيشون بسبات ونبات وتيبووون :ioljnmlk: صبيان وبنات


الله يوفقج حبوبه :aha:

 

[LeeMa q8]

عادي ياعمري كلنا مرينا بهالحاله .!

الله يوفقج

 

[&أم عبودي&]

عادي حبايبي كلنا جذي بعدين تمشي الامور عادي وتحبينه ان شاء الله