مستره
New member
- إنضم
- 27 يوليو 2009
- المشاركات
- 63
- مستوى التفاعل
- 0
- النقاط
- 0
مركز البابطين ....وتجريتي المريرة
للمرة التانية .. , وبدون ذكر اسماء... بدون تطنز وتعيب علي احد ..ابي رضا المشرفين
عزيزاتي ... ودي اشاركم بما حصل معي ومع خدامتي المحترقة عند مراجعتي مركز البابطين حق الحروق , وشنو صار معاي , ونوعية البشر اللي يشتغلون هناك , صج وزارة صحة فاشلة وهالمركز جزء من هالفشل.
الله يسلمكم , قبل جم شهر, كان يوم احد قعدت متاخرة من النوم , وقلت حق خدامة البيت كوماري , تسويلي ريوغ بيض اومليت , وهي كانت دايخة من شغل البيت وتبي تنام , فمن العجلة تبي تسوي الريوغ بسرعه , طاح عليها زيت المقله علي ريولها واحترقت , وانا سمعت صراخها من فوق : ماما ماما نار نار , ركضت انا وامي عليها ولا هي تصيح والزيت علي ريولها . بسرعة صبيت ماء بارد عليها وارتاحت شوي . اشوف جلدها صاير احمر ويخرع, امي قالتلي خل نوديها المستوصف . رحنا هناك وكوماري تصارخ وبدون ما يفحصها الدكتور المحترم : "لأ لأ دي مش هنا , ودوها العدان الحوادس, يعني الحوادث, الي هناك " , رحنا هناك , ونطرة ساعتين شافها دكتور كويتي صغير , يفحصها وهو يتكلم بالموبايل وكتب جملة وحدة : تحول البابطين حروق بالرجل .
رحنا حق البابطين دخنا علي ما لقيناه , عند م. الصباح , وصارلنا سوالف تنفع مسرحية حق طارق العلي .
ماعندهم حوادث او طوارئ , بالجناح يشوفون الحالات نطرنا وايد وما شفنا الدكتور يقولون مشغول عمليات.
في سستر مصريه , شافت الحرق وفحصت كوماري وقالتنا " خدو المرهم ده وتعالوا بكره العياده " والله خوش سستر وتعالج المرضي ولا بعد عطتنا حبتين بونستان . قلت حق امي صراحة انا تعبت وخلينا نروح البيت وباجر انا اوديها الصبح العيادة عندهم . صراحة احس بتانيب ضمير لاني انا اللي قلتها سويلي بيض اومليت , مادريت انه راح يصير جذي, قدر الله وما شاء فعل .
يوم ألأثنين , رحت عيادة البابطين عند الكاتيه كويتيه لا بالتلفون تكلم جنه مسؤولها :" دزلي وحده تساعدني فوق , تعبت صاعده ونازله " . خوش كاتبه وهذا اولها عطتني رقم غرفة الغيار رقم 4 للحروق ودورنا وصل 19 واللحين رقم 8 يعني استريح انا وكوماري جم ساعة . رحت شريت قهوه ونطرت . وانا بس اتطمش علي هالاشكال اللي بالعياده .
فجأه اسمع داخل عيادة رقم 1 صوت وحده تصارخ " سستر , كلوس الدوور" وتصارخ كانها وحده مطقوقه . شوي ودقايق والا اسمع نفس الصوت يضحك . شوي وطلع صاحب هالصراخ والضحك , والا دكتوره كويتية او شكلها مصرية ! والله قلت يارب لا يكون هذي تفحص خدامتي, .
وصل دورنا , تقريبا صلاة الظهر , دشينا واشوف سستر اجنبية شقرا عيوز ومتفخه براطمها ولابسه نظارة شمسية , الحمدالله والشكر ,
شالت الغيار وقالت خلي يشوفها الدكتور , وصدفه كان دكتور كويتي مدحدح يشوف حالة ثانية ريال بنفس الغرفة , يعني فحص جماعي ومختلط حريم ورجال بنفس الغرفة . من صجهم وين قاعدين بالصومال , فقر غرف . المهم الدكتور مر عليها بسرعه وقال حق السستر العيوز تنادي دكتور ثاني علشان يشوفها . صج تعب حاله هالدكتور ..
. بعد شوي وصل دكتور مصري طنطل وقال هذه من الدرجة السانيه, يعني الثانية ,ولازم تدش الجناح بس مافي اسرة عندهم , تعالوا بكره ممكن تفضي سراير . شكبر هالمبني ومافي سراير.
ردينا يوم الثلاثاء , نفس الشئ عند الكاتبه وخذت رقم , وقعدت اطمش علي هالبشر , زحمة وصراخ , وكان ودي اصور فيديو مقاطع لهم , بس عن الفضايح .
واحنا ناطرين ولا اسمع مريضه دازينها علي كرسي متحرك وتصيح " وينه هالدكتور , وينه قالي تعالي وطالع اجازة, انحاش عني" وصراخ حيل . عاد انا ام الفضول سالتها" سلامتج اختي هدي بالج شفيج ؟" جان ترد علي : " اي سلامه شنو شفيني , هذا هالدكتور , سوا عمليتي بظهري وبطني وخذي فلوسي وجسمي كله مشوه وما اقدر احصله بعيادته الخاصة , ولا هني , كله يتنحش مني "
وانا قاعد اسمعها , جان يطلع دكتور مصري مصلع ويكلمها " مالك يا مدام, اي الزعيق ده؟" ومسكين هو قال جذي جان تنهد عليه " كله منكم, هذا تجميل , هذا تشويه ,شوف جسمي شنو سوي فيه, ما يخاف الله, الله لا يبارك له بكل فلس خذاها مني " , انحاش الدكتور المصري ورد ومعاه دكتور شايب هندي ويكلمها بالأنجليزي , وهي تشخل فيه . طلعت سستر لبنانية او فلسطينية تكلم المريضة : " شو في يا مدام ليش الزعيق , ما بيصير هيك " جان ترد عليها المريضة " الزعيق اللي يزعق بطنج انشالله" ... انا هني انبطيت من الضحك , شنو هذا حلم ولا كابوس .. جذي مرضي التجميل عندنا بالكويت .
المهم الظاهر انا نسيت خدامتي , شفت الدور بعد جدامنا 11 مريض , يعني مطوله السالفه , رديت علي المريضة و ولا اشوف الناس ماسكينه جنها تبي تطق السستر المسؤولة . والمريضه تصيح " ايه انتي يال الفلسطينيه تدافعين عن صاحبج , كفوج " رديت عليه السستر " مش عاجبج روحي عند المدير" ومشت عنها . المسكينه المريضه انهارت وقامت تبجي , جان اقولها اختي طولي بالج وهدي اعصابي وعطيتها ماي . المريضة صممت تروح حق المدير , قالت حق البورتر يلا ودني المدير بسرعة , وطلبت مني اني اروح معاها , وانا مادري من الفضول شنو يبي يصير قلت " اروح معاج " .
رحنا فوق الطابق الاول , شفنا واحد سكرتير مصري ضعيف قالتله المريضه منو المدير هني رد عليها" استني شويه ليما ترجع السكرتيرة " . نطرت انا وياها وقلت حق السايق خل يقعد مع كوماري الخادمة تحت . بعد ساعة وصلت هذي هناء وطلعت هي السكرتيرة وفلسطينيه وملسونه . المريضه قالتلها ابي اشوف مديركم ردت عليها السكرتيرة " شوفي شو المشكلة , الرئيس, ما بشوف حدا الا بموعد " . المريضة صارت هستيرية " شنو ما يشوف احد , شنو هذا عالمكان كله زلمات , وينه , لازم اشتكي ضد هالدكتور " وكله صراخ والسكرتيرة ما قصرت تصارخ عليها .
وشوي وصل دكتور ماسك سيجارة وعالتلفون , وقال حق السكرتيرة " في شئ احد دق , جان ترد عليه " لا ما في شئ , البريد بمكتبك " طلع هذا مديرهم . المريضة سالته "دكتور انت المسؤول " رد عليها وهو داخل علي مكتبه اي انا الرئيس وماني فاضي . المريضة يمكن كان يغمي عليها من العصبية ومن ردهم
. جان تدش المريضة وتدز الباب وتقوله دكتور" انا جايه اشتكيلك من هذا الدكتور , شوف شنو سوي فيني " . رد عليها بدون نفس " كتبي شكوي عند السكرتيرة" ,
وقام يطالعني بشكل غريب , " طلعت وقلت حق المريضة , هذا ما يسوي الواحد يكلمه, طلعي من مكتبه ومره ثانية تعالي هالمكان ومعاج ريلج احسلج .
وانا نازله تحت , ما دري من صدمة الموقف ,حسيت كاني يبي بغمي عليه, بس قريت اية الكرسي والحمدالله, وصلت عند كوماري وسويلها غيار , وقلت حق امي وابوي شنو صار . قرروا نعالجه بالخاص علي حسابنا ولا نراجع البابطين .
الحمدالله كوماري طابت, وانا قمت اطلب من المطاعم , وتوبه اروح هالبابطين , لغاية الحين انا مو مصدقه في مستشفيات بهالمستوي عندنا بالكويت .
للمرة التانية .. , وبدون ذكر اسماء... بدون تطنز وتعيب علي احد ..ابي رضا المشرفين
عزيزاتي ... ودي اشاركم بما حصل معي ومع خدامتي المحترقة عند مراجعتي مركز البابطين حق الحروق , وشنو صار معاي , ونوعية البشر اللي يشتغلون هناك , صج وزارة صحة فاشلة وهالمركز جزء من هالفشل.
الله يسلمكم , قبل جم شهر, كان يوم احد قعدت متاخرة من النوم , وقلت حق خدامة البيت كوماري , تسويلي ريوغ بيض اومليت , وهي كانت دايخة من شغل البيت وتبي تنام , فمن العجلة تبي تسوي الريوغ بسرعه , طاح عليها زيت المقله علي ريولها واحترقت , وانا سمعت صراخها من فوق : ماما ماما نار نار , ركضت انا وامي عليها ولا هي تصيح والزيت علي ريولها . بسرعة صبيت ماء بارد عليها وارتاحت شوي . اشوف جلدها صاير احمر ويخرع, امي قالتلي خل نوديها المستوصف . رحنا هناك وكوماري تصارخ وبدون ما يفحصها الدكتور المحترم : "لأ لأ دي مش هنا , ودوها العدان الحوادس, يعني الحوادث, الي هناك " , رحنا هناك , ونطرة ساعتين شافها دكتور كويتي صغير , يفحصها وهو يتكلم بالموبايل وكتب جملة وحدة : تحول البابطين حروق بالرجل .
رحنا حق البابطين دخنا علي ما لقيناه , عند م. الصباح , وصارلنا سوالف تنفع مسرحية حق طارق العلي .
ماعندهم حوادث او طوارئ , بالجناح يشوفون الحالات نطرنا وايد وما شفنا الدكتور يقولون مشغول عمليات.
في سستر مصريه , شافت الحرق وفحصت كوماري وقالتنا " خدو المرهم ده وتعالوا بكره العياده " والله خوش سستر وتعالج المرضي ولا بعد عطتنا حبتين بونستان . قلت حق امي صراحة انا تعبت وخلينا نروح البيت وباجر انا اوديها الصبح العيادة عندهم . صراحة احس بتانيب ضمير لاني انا اللي قلتها سويلي بيض اومليت , مادريت انه راح يصير جذي, قدر الله وما شاء فعل .
يوم ألأثنين , رحت عيادة البابطين عند الكاتيه كويتيه لا بالتلفون تكلم جنه مسؤولها :" دزلي وحده تساعدني فوق , تعبت صاعده ونازله " . خوش كاتبه وهذا اولها عطتني رقم غرفة الغيار رقم 4 للحروق ودورنا وصل 19 واللحين رقم 8 يعني استريح انا وكوماري جم ساعة . رحت شريت قهوه ونطرت . وانا بس اتطمش علي هالاشكال اللي بالعياده .
فجأه اسمع داخل عيادة رقم 1 صوت وحده تصارخ " سستر , كلوس الدوور" وتصارخ كانها وحده مطقوقه . شوي ودقايق والا اسمع نفس الصوت يضحك . شوي وطلع صاحب هالصراخ والضحك , والا دكتوره كويتية او شكلها مصرية ! والله قلت يارب لا يكون هذي تفحص خدامتي, .
وصل دورنا , تقريبا صلاة الظهر , دشينا واشوف سستر اجنبية شقرا عيوز ومتفخه براطمها ولابسه نظارة شمسية , الحمدالله والشكر ,
شالت الغيار وقالت خلي يشوفها الدكتور , وصدفه كان دكتور كويتي مدحدح يشوف حالة ثانية ريال بنفس الغرفة , يعني فحص جماعي ومختلط حريم ورجال بنفس الغرفة . من صجهم وين قاعدين بالصومال , فقر غرف . المهم الدكتور مر عليها بسرعه وقال حق السستر العيوز تنادي دكتور ثاني علشان يشوفها . صج تعب حاله هالدكتور ..
. بعد شوي وصل دكتور مصري طنطل وقال هذه من الدرجة السانيه, يعني الثانية ,ولازم تدش الجناح بس مافي اسرة عندهم , تعالوا بكره ممكن تفضي سراير . شكبر هالمبني ومافي سراير.
ردينا يوم الثلاثاء , نفس الشئ عند الكاتبه وخذت رقم , وقعدت اطمش علي هالبشر , زحمة وصراخ , وكان ودي اصور فيديو مقاطع لهم , بس عن الفضايح .
واحنا ناطرين ولا اسمع مريضه دازينها علي كرسي متحرك وتصيح " وينه هالدكتور , وينه قالي تعالي وطالع اجازة, انحاش عني" وصراخ حيل . عاد انا ام الفضول سالتها" سلامتج اختي هدي بالج شفيج ؟" جان ترد علي : " اي سلامه شنو شفيني , هذا هالدكتور , سوا عمليتي بظهري وبطني وخذي فلوسي وجسمي كله مشوه وما اقدر احصله بعيادته الخاصة , ولا هني , كله يتنحش مني "
وانا قاعد اسمعها , جان يطلع دكتور مصري مصلع ويكلمها " مالك يا مدام, اي الزعيق ده؟" ومسكين هو قال جذي جان تنهد عليه " كله منكم, هذا تجميل , هذا تشويه ,شوف جسمي شنو سوي فيه, ما يخاف الله, الله لا يبارك له بكل فلس خذاها مني " , انحاش الدكتور المصري ورد ومعاه دكتور شايب هندي ويكلمها بالأنجليزي , وهي تشخل فيه . طلعت سستر لبنانية او فلسطينية تكلم المريضة : " شو في يا مدام ليش الزعيق , ما بيصير هيك " جان ترد عليها المريضة " الزعيق اللي يزعق بطنج انشالله" ... انا هني انبطيت من الضحك , شنو هذا حلم ولا كابوس .. جذي مرضي التجميل عندنا بالكويت .
المهم الظاهر انا نسيت خدامتي , شفت الدور بعد جدامنا 11 مريض , يعني مطوله السالفه , رديت علي المريضة و ولا اشوف الناس ماسكينه جنها تبي تطق السستر المسؤولة . والمريضه تصيح " ايه انتي يال الفلسطينيه تدافعين عن صاحبج , كفوج " رديت عليه السستر " مش عاجبج روحي عند المدير" ومشت عنها . المسكينه المريضه انهارت وقامت تبجي , جان اقولها اختي طولي بالج وهدي اعصابي وعطيتها ماي . المريضة صممت تروح حق المدير , قالت حق البورتر يلا ودني المدير بسرعة , وطلبت مني اني اروح معاها , وانا مادري من الفضول شنو يبي يصير قلت " اروح معاج " .
رحنا فوق الطابق الاول , شفنا واحد سكرتير مصري ضعيف قالتله المريضه منو المدير هني رد عليها" استني شويه ليما ترجع السكرتيرة " . نطرت انا وياها وقلت حق السايق خل يقعد مع كوماري الخادمة تحت . بعد ساعة وصلت هذي هناء وطلعت هي السكرتيرة وفلسطينيه وملسونه . المريضه قالتلها ابي اشوف مديركم ردت عليها السكرتيرة " شوفي شو المشكلة , الرئيس, ما بشوف حدا الا بموعد " . المريضة صارت هستيرية " شنو ما يشوف احد , شنو هذا عالمكان كله زلمات , وينه , لازم اشتكي ضد هالدكتور " وكله صراخ والسكرتيرة ما قصرت تصارخ عليها .
وشوي وصل دكتور ماسك سيجارة وعالتلفون , وقال حق السكرتيرة " في شئ احد دق , جان ترد عليه " لا ما في شئ , البريد بمكتبك " طلع هذا مديرهم . المريضة سالته "دكتور انت المسؤول " رد عليها وهو داخل علي مكتبه اي انا الرئيس وماني فاضي . المريضة يمكن كان يغمي عليها من العصبية ومن ردهم
. جان تدش المريضة وتدز الباب وتقوله دكتور" انا جايه اشتكيلك من هذا الدكتور , شوف شنو سوي فيني " . رد عليها بدون نفس " كتبي شكوي عند السكرتيرة" ,
وقام يطالعني بشكل غريب , " طلعت وقلت حق المريضة , هذا ما يسوي الواحد يكلمه, طلعي من مكتبه ومره ثانية تعالي هالمكان ومعاج ريلج احسلج .
وانا نازله تحت , ما دري من صدمة الموقف ,حسيت كاني يبي بغمي عليه, بس قريت اية الكرسي والحمدالله, وصلت عند كوماري وسويلها غيار , وقلت حق امي وابوي شنو صار . قرروا نعالجه بالخاص علي حسابنا ولا نراجع البابطين .
الحمدالله كوماري طابت, وانا قمت اطلب من المطاعم , وتوبه اروح هالبابطين , لغاية الحين انا مو مصدقه في مستشفيات بهالمستوي عندنا بالكويت .
