مركز ابها في الشعب البحري

[سلطانه q8]

دشي لو سمحتي





قوه بنات عيدكم مبارك

حابه استفسر عن مركز ابها في الشعب البحري عن تقويم الاسنان

جم اسعارهم ..؟؟ واذا يسون اقساط جم ابي بالتفصيل بنات بليز اي وحده تعرف او مسويه عندهم خاصه الدكتور الهندي

بليز افيدوني يالغوالي وراح ادعي لكم بليز بنات واكون شاكره لكم

 

[تـــرحـــال]

انا مسويه عندهم واسعارهم زينه بس التقسيط مادري عنه

تبيض وحطلي قشره برسلان على اسناني اللي جدام طولهم لي

سويت عند دكتور انور كويتي

 

[سلطانه q8]

رد : مركز ابها في الشعب البحري

افا بنات وينكم..؟؟

 

[سلطانه q8]

رد : مركز ابها في الشعب البحري

مشكوره اختي ترحال

 

[أميره بحبي]

مرحبــا سلطانه انا بصراحه فتحت ملف وسويت تنظيف عندهم عشان بركب تقويم بس سويت تنظيف عشان عندي ضرسين مكسورين ويبيلهم تنظيف وبعدها بركب التقويم والله شغلهم نظيف ونفسية الدكتور عسل ومحترم لاني عند الكويتي وقال الهندي هو اللي بيركب التقويم لي بعد كم يوم ان شاءالله اركبه اسعارهم ناسبتني لاني سويت تنظيف وشلع 430 والتقويم بالف وخمسين اذ تبين شفاف 400 واذ تبين العادي 200
طبعا دفعه اوله 400 لاني خذيت شفاف على فكره فتح ملف بلاش والاشعه بلاش كله طلع على 1,690 طبعا اقساط بس 400 دفعه اوله
جد ثلاث سنين متخوفه من التقويم ومحتاره وين اروح بس بعد ماشفت الدكتور والعياده والنظام لا والله مرتاحه ومتشوقه اركبه .. استخيري وتوكلي على الله نصيحه ....~

 

[حلاا الدنيا]

انا مركبه تقويمي عند الدكتور الهندي فيجي بالف 1400

وعندهم اقساط ودفعه اولى 300 والاخت تقول فتح الملف بلاش لا فتحة الملف ب30 نادري اذا الاشعه معاه

والنتيجه لحد لحين لاني ماشلت التقويم اتمنى افدتج

 

[الجفووول]

اب


بنات انزين شلون على الحشوات التجميليه عندهم بيضا والا لا وتستمر جودتها لجم سنه !!
بليز بنات فيدوني

 

[أميره بحبي]

حلا الدنيا انا جيتهم على شهر 6 والله مادفعت شي
استشاره والاشعه والملف بلاش بس دفعة ثاني مره يوم رحت عشره حق نموذج جب مقاسات الاسنان...~~
وماعندي خبر والله عن الحشوه والتبيض بس اسعارهم زينه ابرك من الميدان قالوا 1800 بس تقويم وفوق هذا نفسيه دكتور ومو عاجبه شي

 

[صدى الوحدانية]

تقريبـأأ نفس الاسعار


أنا حاطة تقويم بأبهـأ اللي بلمهبولة

 

[فوشيه عجيبه]

الله يعينكم بنت
up

up

up

 

[Te9awaar]

رد : مركز ابها في الشعب البحري

قبل سنه و نص كنت حاطه عندهم تقويم مركز أبها اللي بالشعب ,, و اسم دكتوري الهندي فيجي
والله ناسيه السعر بالظبط بس كان بحدود 1300 أو 1400 و كسور
كل اسبوعين يكون عندج موعد و كل موعد تدفعين 50 بس أحيانا تدفعين زياده شوي إذا كنتي مسويه شي ثاني غير التقويم ,, مثل البراغي
الصراحه أنصحج بالدكتور هذا ,, شغله وايد بطيء و يحب يمطط لوول بس النتيجة حلوه
مشاء الله ثلاث أرباع أهلي مسوين تقويم عنده ,, >>خوش دعاية لوووووول

أتمنى اني اكون فدتج,,
وإذا عندج اي سؤال أنا حاظر ;D ,,

 

[سلطانه q8]

رد : مركز ابها في الشعب البحري

بنات مشكورات صج والله انا استخرت مرتين وارتحت فعلا بس كنت خايفه من السعر مايناسبني مشكورات صج الله يوفقكم دنيا واخره ويسعدكم ويرزقكم ويحقق لكم اللي يتبونه اميين جزاكم الف خيرمن باجر وانا رايحه لهم ان شاء الله

تحياتي

 

[Te9awaar]

رد : مركز ابها في الشعب البحري

و لو ما سوينا شي ;p
لا تنسين تسلمين على فيجي لوووول حافظني

 

[حلاا الدنيا]

هههههههههههههههه

الله يعين هالفيجي صاير ماله مزاج هاليومين بسبة تقويمنا لوووووووول