مرق اللحم

[مهره بدون خيال]

بنات ممكن طريقة صالون لحم ومسمى ثاني مرق لحم مع الخضار

 

[ام الدرر]

ع النار بالجدر زيت نباتي +بصل مفروم +اللحم(يفضل قطع بعظم )
يقلب الى ان يتغير لون للبني
يضاف كركم ومكعب خضار (انا استعمل الطبيعه )
ويقلب حتي يختلط نضيف زنجبيل مبشور+ثوم مطحون + وخضرة مفرومه ناعم (كزبر +شبت )
ونستمر بالتقليب مع كل اضافة
نضيف معجون طماط
ثم 3-4 طماط مخلوط بالخلاط
ونقلب
نضيف ماي مغلي يغطي اللحم (ممكن تحطين حبتين بطاط بهالمرحلة تذوب مع الطبخ وتخلي المرق ثقيل )
غطي الجدر وخليه يطبخ ع نار وسط الى ان يستوي اللحم (ساعه ونص الى ساعتين حسب نوع وحجم اللحم )
ضيفي بطاط مقطع وخليه يطبخ 10 دقايق ثم ضيفي القرع المقطع مع الباميا (الباميا تقلي بزيت غزير قبل وضعها )
خليه ع النار ربع ساعة الى ثلث ساعة وقدميه مع العيش المشخول
اضافات اخرى فلفل اخضر حار الحجم الكبير - باذنجان - لومي اسود مجفف (الاخير يضاف مع بداية تقليب اللحم )​

 

[أمـ مبارك]

اللي اعرفه اول شي فوحي لحمج بروح عشان الوصخ يطلع



بعدها عادي بجدر ثاني سوي حمستج العاديه وحطي اللحًم بس طماط لاتحطين

وحطي لحمج وحمسيه وبعدها حطي الماي وخليه لي نص ساعه اوساعه وبعدها حطي الطماط والطماط المعجون
واذا بتحطين بطلط وقرع حطيهم من اول شي



هذي طريقتي المتواضعه

اي ودقي لومي وكتيه فوقه يطلع طعم حلوو

 

[أحلى همبه كويتية]

شكرا بنات ما قصرتوا



دخلي ملفي تلاقين كذا مرق للحم
انا طريقتي شوي تختلف