طريقة ثانية
مرق الدجاج الأبيض جدا سهل وعملي و له إستخدامات كثيره ويمشي تقريبا مع كل شي. شرحت الكميات و طريقة تعديل المرق حسب ذوق كل واحد في المقدمة و الكميات و المكونات اللي بستخدم هنا إختيارية أعتبروها نقطة بداية لا أكثر.
المقادير :
ANY CHARACTER HERE
٣ كيلو عظم دجاج.
حبتين بصل كبار مقطعه ٨ قطع كبيره
عودين كرفس مقطعة قطع تقريبا ١ إنش
حبتين جزر مقطعه تقريبا ١ إنش
ملعقة صغيرة ملح
ملعقة كبيرة فلفل أسود كامل
ورقتين غار
شوي سيقان بقدونس
زعتر بري thyme طازج أو مجفف (كمية بسيطة طعمه قوي)
الطريقة :
نغسل العظم في مويه باردة بشكل جيد. بعدين نحط العظم في القدر و نزيد عليه مويه باردة ونظيفة إلين تغطي العظم ب ٥ سم تقريبا. نشغل النار على حرارة وسط ونشيل أي رغوة أو دهن تطلع لوجه القدر من فترة لفترة. أول ما تبدأ المويه توصل لغلية خفيفه ننزل الحرارة بحيث نخليها على غلية جدا جدا خفيفه بعدين نحط البصل و الجزر و الكرفس و الملح.
نخلي المرق يطبخ على نفس الغلية الخفيفة ٤ ساعات تقريبا ونصفي الوجه من الرغوة و الدهن كل نص ساعة تقريبا.إذا لقينا إن كمية المويه قلت أكثر من اللازم نزيد مويه ونخلي المرق يرجع لنفس الغلية الخفيفة.
بعد ٣ ساعات من الطبخ نحط باقي المقادير اللي هي ورق الغار وسيقان البقدونس و الفلفل الأسود و الزعتر.
بعد ما يخلص المرق نطفي النار ونشيل أكبر كمية من الخضار و العظم اللي نقدر عليه بعدين نحط صفاية ضيقة داخل قدر ثاني ونصفي المرق زي ما نصفي الباستا.
نحط القدر اللي فيه المرق داخل حوض المغسلة بعد ما نسده و نملاه ثلج ومويه ونحرك المرق من وقت لوقت عشان نبرده بسرعة .بعد ما يبرد نوزعه على علب ونحفظة في الفريزر أو الثلاجه.
منقوووووووووووووول
