انا مانصحج تروحين لاهلج انتي قلتيها انه مريض ..
وابو عيالج ليش تتخلين عنه لانه مرض !! حرام عليج هذا ابتلاء من الله ..
لازم يتعالج و شجعيه و دخلي اهله امه وابوه اخوه الكبير اي حد اهو يرتاح له عشان يساعدج بالمشكله ..
احب اقولج يا اختي انا واحد من اقرب الناس لي اخوي مريض نفسي بيوم وليله انقلب حاله و شخصوا حالته انفصام بالشخصيه .. ماقولج شلون الوضع بالبيت ولا شلون يحاولون بيديهم وريولهم يعالجونه واهو عبس ابوي وطقه جدام الله وخلقه تخيلي الابو ينضرب جدام الناس و ينهان باقبح وابشع الكلمات و يتفل عليه جدام العالم وامي واهانها واحنا خواته اهانات ماساااه الوضع بس صابرين لانه نعرف اخونا معدنه زين والي جاه عرضي و هذا اخونا لابد منه مهما يكون كان من احسن الناس كان شاب مثل الورده يدرس و شخصيه و الكل يحسده على العز الي فيه بس حكمة ربج و القدر اكبر من كل شي .. بس صابرين وهذا ابتلاء وامتحان من الله .. عالجيه وحاولي معاه واحتويه ودام راح المستشفى هاي اهم شي اول خطوة بالعلاج ..
ارجووج لا تتخلين عنه اهو محتاجج اللحين هذا الوقت الي يحتاجج فيه ولا وقت الرخا اي مره تسد .. المراه الاصيله تبقى مع زوجها بضيقته و عز حاجته ابو عيالج شلون تهدينه عشانه ضربج خير اذا ضربج لو انسان صاحي وطقج انا اول وحده اقولج روحي لاهلج وادبيه وسنعيه بس الريال وعليا مب بيده ما يحس بعمره و احمدي ربج انه مب انفصام ولا جنون لانه مامنهم شفااا و يارب ربي يشافيه و الي يعفس نفسيه المريض النفسي اذا تخلى عنه الي حوله تنقلب نفسيته ولا ينساها وتدمرينها له بالعكس احتووه و كونوا جنبه و خل يدش المستشفى يتعالج كورس ثنين ابر اي شي و يطلع ولا يدش و يتم هناك و تمرون عليه ..
و لتخليتي عنه عيالج باجر بيحاسبونج و بتصغرين بعينهم لانج تخليتي عن ابوهم و عند اول عقبه تركتيه .. انا كلامي قاسي عليج لاني حاليا امر بوضع مشابه انا مب زوجي الي تعبان انا اخوي ,,
اكرر اسفي ان كاني تجاوزت حدودي معاج بس جد مابيج تتخلين عنه بهالوضع لانه لو انتيي بمكانه صدقيني ماتبين ريلج يتخلى عنج ..
الزواج مب بس طلعات وفرح ووناسه و عيال لا فيها المشاكل والمفاجات كوني حكيمه و استخيري ربج والله يوفقج يااارب
واتمنى تدعون لاخوي بالشفاااء املي بالله كبير واتمنى دعواتكم بنات ..
شكرا ..
