مرشدة العروس

[n an s roug]

كـــــيفكم يا رواد المنتدى ..
أنا من فترة و أنا محتارة جدا في التجهيزات لعرسي و الى الان مو عارفة وين أسويه..
قالتلي بنت قريبتي ان صديقتها بتتزوج وراحت حق منظمة أعراس و فادتها كثير و نظمت معها كل شئ و عرسها بعد ثلاث أشهر و اهي ارتاحت الين يوم العرس ما راح تسوي شئ لانها راحت ولفت معها على فستان الزفاف و اشتروه
وعندها كتالوج كامل عن القاعات في الكويت سواء حكومية أو خاصة أو بالفنادق و عندها عروض الاسعار وكل شئ عن فساتين الزفاف و الخطوبات و الاكسسورات و هي الشغلات وهي بتحاول تقنعني اني أروحلها
هل أحد منكم جرب منظمات الحفل .. أنا بعرف مرت رفيج أخوي مصرية و سووا الحفل بمصر و يقولون بمصر يعتمدون عليهم على المنظمون .. بالاول على الله و يوكلوهم بكل شئ الكوشات و الزفات و المسكات و الفساتين و القاعات والديجي و الاناشيد وكل شئ
خايفة أتورط اهي قالتلي عنها شطورة وراح تشاركني بكل شئ و ما تاخد غير مبلغ بسيط مقابل انها فقط بتكون رفيقتك و بتدلك و تساعدك و تتابع التجهيزات و تنظملك جدول انتو شرايكم .. و هل احد جرب المنظمون أو تعرفون منمون موثوق فيهم
أمانة لا تردوني ساعدوني .. جد جدا متوهقة و متوترة​

 

[شوارفسكيه :$]

اب لعيونج موفقه انشاء الله

 

[n an s roug]

شوارفسكية ثانكيو

 

[عـيّــآره]

اول مره اسمع بمرشدة عروس

اساسا هي شنو بتسوي غير انها تقترح عليج شغلات وانتي تختارين اللي يعجبج

يعني كل شي انتي تسوينه بس بطريقة غير مباشره

العرس مو مشروع تجاري التوتر يمكن مخوفج

من رايي لاتدوخ راسج باقتراحات وتضيع وقتج

دخلي النت وشوفي الاشيا اللي انتي تحبينها وسويها

والله يوفقج
​

 

[<miss botamba>]

الي ينظمون العروس بالكويت كلهم غالين محد يسوي بسعر رمزي

ماتوقع بتلاقين احد اقل من 1500 وهذا ترا بس سعر استشاراته مو سعر العرس

واهوا عليهم بس من شغلات العرس الفستان انتي تروحين تدورينه ما صادفني مره احد يروح معاي للفستان

نصيحتي لج فتحي انتي النت ودوري و روحي محلات الورد واهما يصممون او محلات الديكورات وشوفي الجرايد

وبتقدرين تسوين حفله حلوه بسعر يناسب ميزانيتج


اهم شي رتبي افكارج وشوفي شنو تحتاجين وخلج عالبساطه يطلع الشي مرتب وحلو

 

[M!SS.LOBY]

اول مرة اسمع عن مرشدة العروس
اللي اعرفه ان الاهل يجتمعون ويساعدونا بالافكار والشغلات الحلوة
والحمدالله الخوات والعضوات بالمنتدى كويتيات مو مقصرين بشئ كاتبين تجاربهم وتعاملعهم
وشكثر مواضيع تقدرين تتصفحين ومن خلالهم تعرفين اللي ناقصج

 

[n an s roug]

الي ينظمون العروس بالكويت كلهم غالين محد يسوي بسعر رمزي

ماتوقع بتلاقين احد اقل من 1500 وهذا ترا بس سعر استشاراته مو سعر العرس

واهوا عليهم بس من شغلات العرس الفستان انتي تروحين تدورينه ما صادفني مره احد يروح معاي للفستان

نصيحتي لج فتحي انتي النت ودوري و روحي محلات الورد واهما يصممون او محلات الديكورات وشوفي الجرايد

وبتقدرين تسوين حفله حلوه بسعر يناسب ميزانيتج


اهم شي رتبي افكارج وشوفي شنو تحتاجين وخلج عالبساطه يطلع الشي مرتب وحلو

أولا بنااات مشكورين كتير على ردودكم ..

بالنسبة لــــ 1500 :cxxxp: وكمان استشارة فقط احسنلي انس الموضوع :eh_s(16):

بس ترا بنت خالتي لمن قالتلي عنها تقول استشارة بس تاخد 50 دينار و تنظيم جدول مادري شنة 20 او شي اما التنظيم تاخد من 150 لــ 300 قالتلي مو اكثر

تقول تحجز القاعة و البوفيه وتجهيزات القاعة من الالف للياء وتتابع العاملين ويوم العرس تشرف على التجهيزات الاخيرة و عندها كتالوجات يقاعات الكويت واسعاها و تلف معي على الفستان والاكسسوارات و تدلني بعد على الصالونات و عحسب ميزانية كل ذبزنة
والله انا ما صدقت بس ان شاء الله بدق اشوف اذا صدج

بس خايفة اني اتورط فحبيت استشيرك و هل معقول هالمبلغ البسيط و اهي تستلم كافة التحضيرات

 

[<miss botamba>]

^^^

50 دينار هذي من الوسيط بو طقه

 

[n an s roug]

شو بنــــات ؟؟

 

[<miss botamba>]

القاعه اذا الصالات الي بالمناطق ب 300 يمكن

الكوش في على 150

تأجير الكراسي قولي 100

حلو التقديم في شي الكيلو ب 5 وفي ب 7 وفي اغلى

تأجير خدمه الشاي و القهوه و ماي وعصير مع مضيفات قولي ب 100

دي جي اذا صاله و ست سماعات مثلا ب 150

بوفيه الوطنيه اذا 100 شخص يطلع يمكن 120

 

[<miss botamba>]

اذا ميزانيتج مو كبيره شوفي جرايد الاعلانات و شوفي محلات الورد بحولي و العشا خليه من التجهيزات الوطنيه او الديك الرومي

 

[n an s roug]

أيي فهمتج مشكورة حبيبتي
بس بانسبة للميزانية في المتوسط يعني واذا زاد مومشكلة بتنحل
أنا أقصد أحسن من الحوسة وألف وأيي واكون متوترة لين يوم العرس و خايفة وابي اتابع التجهيزات و جذي فأكلف احد بهدي المسؤولية
انا اقصد اهي تاخد من 150 ل 300 لنفسها غير مصاريف التجهيزات لان اهي الي بتشرف
أنا بكلمها اليوم و برد أقولقك تجربتي و الحوار معها

 

[n an s roug]

والديك الر ومي مو صج سكروه ؟؟

 

[<miss botamba>]

في اكثر من فرع الي اعرفه حولي مسكر علشان ديكورات شي جذي بس فرع الجابريه موجود

وليش حوسه ابدي من اليوم

ترا باسبوع واحد تخلصين

انتي حددي الاماكن


الكراسي بالتليفون تنحجز مجرد اتعرفين العدد ومساحه القاعه ولون التلبيس

الكوشه عندج محلات الورد في حولي او اي مصمم كوش وعلى فكره الكوش التصميم الجديد سعره اغلى من انج تاخذين تصميم كان لناس ثانيه جذي توفرين

ال دي جي هم بالتليفون ينحجز

العصير و الشاي و القهوه بالتليفون

البوفيه اهوا الي لازم تروحين مكانهم علشان تدفعين العربون وتختارين المينيو

الفستان اذا مافي ميزانيه اخذيه اجار وهم المحلات في حولي وعندهم بدل حلوه

وهم الحلو عندج محل سويس غورميه بحولي وشغلهم حلو وسعه مناسب في شارع بن خلدون في الزاويه سنتر

هذول صاروا ثلاث مشاوير بحولي


قمصان النوم هم بحولي و محلات الذهب هم بحولي


بس باقي يومين مثلا تفترين بالمولات لتجهيز وخلصنا


وين الصعب بالامر


المشكله فينا احنا يالعرب نحب الناس تستغلنا والشغل كله نقدر نسويه بس يصير فينا عجز

 

[جوري الصالح]

أأأأب

 

[n an s roug]

في اكثر من فرع الي اعرفه حولي مسكر علشان ديكورات شي جذي بس فرع الجابريه موجود

وليش حوسه ابدي من اليوم

ترا باسبوع واحد تخلصين

انتي حددي الاماكن


الكراسي بالتليفون تنحجز مجرد اتعرفين العدد ومساحه القاعه ولون التلبيس

الكوشه عندج محلات الورد في حولي او اي مصمم كوش وعلى فكره الكوش التصميم الجديد سعره اغلى من انج تاخذين تصميم كان لناس ثانيه جذي توفرين

ال دي جي هم بالتليفون ينحجز

العصير و الشاي و القهوه بالتليفون

البوفيه اهوا الي لازم تروحين مكانهم علشان تدفعين العربون وتختارين المينيو

الفستان اذا مافي ميزانيه اخذيه اجار وهم المحلات في حولي وعندهم بدل حلوه

وهم الحلو عندج محل سويس غورميه بحولي وشغلهم حلو وسعه مناسب في شارع بن خلدون في الزاويه سنتر

هذول صاروا ثلاث مشاوير بحولي


قمصان النوم هم بحولي و محلات الذهب هم بحولي


بس باقي يومين مثلا تفترين بالمولات لتجهيز وخلصنا


وين الصعب بالامر


المشكله فينا احنا يالعرب نحب الناس تستغلنا والشغل كله نقدر نسويه بس يصير فينا عجز

أي والله و انتي صاجة فينا بالعرب كســل :bbbiu:
لكن أحيان من التوتر نتوهق ما ندري شجاعد نسوي
بس الحين توني مسكرة ويا المنظمة و وايد ريحتني و فهمتني
راح تقابلني و حددنا موعد وشرحتلي اشلون شغلها صاير

اهي عندها كتالوج حق القاعات بالصور والاسعار
واهي الي تتفق حق القاعة و التجهيزات والبوفيه والورود والدعوات والتصوير والمضيفين وكل شئ
وترشدك حق افضل محلات الفساتين وشغلات العرس واذا تبيها بتيي معك
اهما شاب و بنت توهم شباب
بنعطيهم كل التفاصيل واهم ينفذون و يهتمون بالباقي و لين يوم العرس يتابعون عشان يتاكدون كل شي تمام
والله وايد البنت زينة و قالتلي ا راح نختلف بالسعر بس نتقابل و نحدد كل شي بس قلتلها حق ميزانيتي و قالتلي السعر ما راح يتعدة الــ 300
انا اشوف اني اعطيهم كل التفاصيل واتوكل على الله
بعدين اتفرغ لنفسي بالتجهيزات و التحضيرات و الصالونات
وان شاء الله بنقل لكم تجربتي و اتفاقي معها

 

[لوولوو_88]

اغلبهم كويتيات و كويتين اسعارهم بالالوف .. و اذا ارخص بتكون من جنسيه عربيه و صعب تثقين بذوقهم .. انا عن نفسي توترت بس في شغلات تهون سويت بفندق شالو عني شغلات مثل البوفيه و الصاله و الكوشه و الكيكه .. الحين افكر بالمكاتب الي يوفرون لج ارقام الديجيهات و اسعارهم و البطايق و الاضاءه .. يعني ما تعبت ليلحين نفس ملجتي الي كانت ابيت و كل شي اخترناه و دورناه بروحنه و سلامتج .. ما انصح حبي و الي يسال ما يضيعةو معروف الشغلات الزينه بالكويت

 

[عروسة اكتوبر]

اول مره اسمع بمرشدة عروس​

اساسا هي شنو بتسوي غير انها تقترح عليج شغلات وانتي تختارين اللي يعجبج ​

يعني كل شي انتي تسوينه بس بطريقة غير مباشره ​

العرس مو مشروع تجاري التوتر يمكن مخوفج ​

من رايي لاتدوخ راسج باقتراحات وتضيع وقتج ​

دخلي النت وشوفي الاشيا اللي انتي تحبينها وسويها​

والله يوفقج ​

نفس رايها العرس مو مشروع تجاري

 

[شربـــات لـــوز]

اشووف مالها داعي
ماشاءالله كويتيات مايقصروون
والي يسأل مايضيع انتي فري ونبشي راح تتعبين بس بترتاحين بنهايه

 

[عروسة اكتوبر]

امممممممممم ابداً ما حبيت فكرت ان وحده تنظم امور عرسي