مرح لاند

[شانيل نمبر 5]

عيدكم مبارك


حبيت اسأل عن العاب مرح لاند؟؟؟

ممكن اعرف وين مكانه؟؟

واشرأيكم فيه؟؟

وشنو المطاعم اللي موجوده فيه؟؟


وعسكم طريفكم ماتشوف الا النور....والله يسهل اموركم ويحرسكم باللي عينه ماتنأم

 

[**كويتيه موووت**]

هـــلا اخــتي

شانــيــل

واللـــه حســب اللــي شفــتهـ

مرح لانـــد حلـــوهـ

والعـــابهــا مقـــاربـــهـ حــق الـــعاب الـــمديــنــهــ التــرفــيــهــيــهـ

بــس المــطاعــم والله سامحيــني

مو عــارفــتهــا

وعســـاج من عوادهــ يــا رب

 

[افوق الوصف..~]

هلا والله اختي
عساج من العايدين والفايزين
اهو بالصباحيه وموجود جمبه صاله عرس
اما عن العاابه حلوووه والمطاعم جنه هاريدز وكنتاكي مدري واالله مو متذكره
بس حلوو
تحياتي

 

[الشامريه]

الالعاب مو نفس مستوى الترفيهيه طبعاااااااااااااااااااااااااااااااا



نفس الشعب

بقولج الالعاب < المنخل - التنين - سيارات التصادم - طلقة الدبوس- قطار موت .. الخ>


المطاعم .......... برجر كنج



في كشكات برد وذرة وشعر بنات


في محل بروي


في الكنفاني

.
واقرب مطعم برا الحديقه .......... افراح الخليج

 

[tolay]

الالعاب مو نفس مستوى الترفيهيه طبعاااااااااااااااااااااااااااااااا



نفس الشعب

بقولج الالعاب < المنخل - التنين - سيارات التصادم - طلقة الدبوس- قطار موت .. الخ>


المطاعم .......... برجر كنج



في كشكات برد وذرة وشعر بنات


في محل بروي


في الكنفاني

.
واقرب مطعم برا الحديقه .......... افراح الخليج

عيل نفس الشعب بضبط بس الفرق الموقع والناس غير

 

[الشامريه]

عيل نفس الشعب بضبط بس الفرق الموقع والناس غير

اي تقريبا ...... ويمكن الشعب احلى بعد



والحلو في مرح لاند انه شكثر ناس تجيب حصيره وشاي وقهوه ويقعدون <<<<<< يعني نفس الحدايق العامه

 

[Ice CreaMa]

انا اللي سمعته وشفته ان الشعب غيرو اسمها وسموها مرح لاند :l

ولا ادري شسالفه

 

[سُنـg gآيتــ ًًٍَُُُُ]

اذا تقصدين مرح لاند !( حديقه الصبـآحيـه قديمـآ اسمهـآ )

ياحيــــــــــــــهــآ الشعــب حلوه بالعكس مو نفسهـا مرح لاند

اهو حلو للعايـله يعني مفرش وقهوه وشاهي واكل بس بالرطوبه ماتصلح

والعابها مو وآجد عايديـ ( في البحيره في سيارات بـآنوآعهـآ السفينه المنخل النطاطيات و طيـآرآت قطار للعايلات وقطار للاطفال )

يصلح اكثر شي للعيال

ثاني مطاعمها داخل شويه يمكن كنتاكي وهارديز بس

وبرا في كشكات للذره والعصيرآت
وفيــه محلات لبروي ومحل للتسجيـلات

ووومحل للهدايا ومحــل للكنفاني
ومرات يحطون حفل دي جي

وبرا للمواقف في مطعم افراح الخليـج


,’ وبس تحيتي

 

[!..قــمــCOMــر..!]

مررررررح لاااااااند (حديقة الصباحيه)>قديما

اهي حليوووه العابها للكبار مو واجد تقريبا 4 او5 لعبات اما الاطفال الصغار في العاب

واذكر بس الي فيها مطعم برقر كنج والباجي مادري عنهم بس في يبعون ذره واكل خفيف عصير وماي وهالسوالف

وبصراحه دخلتها مره وحده مااعجبتني حييييل لان يوم النساء يصير يوم مصخره حدا

ودخلتها مره مع اخوي وعياله يوم عوايل يعني تونس كان خفيف وكلا عوايل

اهي حق جمعة حريم تونس لان اكثر الحريم يوم النساء يقعدون عالحشيش زوليه وجاي وقهوه وبناتهم يفترون ويلعبون ويتمشون
حديقه مو حيل كبيره حجمها زين وسط

جربيها مره واخذي فكره عنها لان في ناس تعجبها نفس هالاماكن

والله يسعدكم بكل مكان ان شالله

 

[دلوعة*ريلي]

والله تبين الصراحه انه ماعجبني يعني عادي موذاك الزود

 

[CoCoa Pr!nceSS]

مو حلـوة مـا تستـاهل الرووووحــه ابد

 

[ريـــانـــه]

احلى شي فيها لما تكون جمعه الاهل وبنات وقعده وقهوه وشاي وسوالف
والعابها بعد حلوه
انتي موخسرانه شي روحي وجربي
والناس اذواق

 

[كويتية و عتيبية]

هلا حبيبتي ألعااابها حلوووة نفس المدينة الترفيهية والمطاعم اللي فيها برجر كنج وكنتاكي,,,

وفيها كنفاني وبروووي..

وهي بالصباااحية جنب صالة عرس..

وسلاااامتكم

 

[بعيون مغليك]

يعني حلوه للمشي تتمشين فيها لا اكثر


والعابها مو حديثه وايد .. ولا تصلح للكبار من طقه 13 ماكو العاب تونس


بس تغير جوو وجمعه البنات والركض والفرحه وايد حلوة


تعالوا وجيبوا خوالكم وياكم وخليهم يروحون الحالهم ماكو خوف

 

[يالبيه 17]

مافيها العاب واجد بس تصلح يوم حريم حق جمعات الحريم حيل حلوه
وفيها مطعم برجر كنج ..

واهي بالصباحيه

 

[قلبي تركواز]

مرح لاند حلوه للجمعه وللعوايل حيل حلوه القعده فيها على الثيل والسوالف
وتصلح للجهال الصغال
الحديقه نظيفه وحديثه وحلوه يعني مافيها شئ يقرف او دون المستوى
وبالنسبه للمطاعم مثل ماقالوا البنات وبعد فيها مكسيكانا
والاكشاك تونس تمشين وتاكين
وحتى فيها اكشاك شاورما على طول الحديقه ذرره وشبس وبرد وشاورما
وناااااااااااااااااااااااسه وحلووووووه
وسلااامتج