- إنضم
- 18 ديسمبر 2008
- المشاركات
- 1,587
- مستوى التفاعل
- 0
- النقاط
- 0
بنات حبيباتي السلام عليكم
حبيت افتح هذا التجمع للي مسوين تلقيح صناعي وحق اللي راح يسون واللي مفكرين بعد يسونه ونبي من صاحبات الخبرة
1- يعلمونا ويقولون كل شي صار
2- وشنو الاعراض اللي حصلت لهم بعد التلقيح مباشرة اللي اول اسبوع بعد التلقيح
3- ومتي تم التحليل لمعرفة الحمل
4- وهل ضبط التلقيح وحملت من اول مرة والا من بعد كم مرة حملت
5- واللي حملو الله يتمم عليهم جم كانت بويضة نازلة معاها وحملت بطفل واحد او توائم
6- ومنو كانت الدكتورة اللي تعالجين عندها
ياريت كل من تدخل تذكر تجربتها بالتفصيل الممل عشان الكل يستفيد
وانا اول وحدة راح اكتب تجربتي
رحت عند الدكتورة نجيبة القطان وعطتني ابر جونال اف 900 اقوي شي اخذهم من ثاني يوم من الدورة ولمدة 7 ايام وبعدين راجعتها وعطتني ابرة قوية بس ماادري شسمها وبعد يومين هم مراجعة ثانية وعطتني ابر جونال اف 450 اخف من الاوليات ولمدة 3 ايام وبعدها اخذ الابرة التفجيرية وبعدها سوت لي التلقيح الصناعي في عيادتها وبعد نص ساعة قالتلي روحي وبعد اسبوعين تعاليلي عشان اسويلج تحليل حمل وانا بعد التلقيح جاني عوار ببطني واظهري لمدة 4 ايام لدرجة اني مااقدر اجندس ولما اقوم من قعدتي علي الارض او الكرسي احس بعوار موطبيعي وبدا يخف شوي شوي واللحين العوار بخواصري وظهري وخاصة لقعدت واجد ولا طولت بالنوم وباقيلي علي التحليل تقريبا 11 يوم بالضبط وان شاءالله اكون حامل بتوم صبيان يارب ونزلت معاي بويضتين ان شاءالله يتلقحون يالله اللحين همتكم نبي تفاعل ومااحلل كل وحدة تدخل تطل وماتشارك
