مافهمت عليج !
شلون بكل مكان بالغرف اي اغراض تقصدين !!
اذا العطور حطيهم ع التسريحه
وبالادراج رتبي مكياجج بدرج
والدرج الثاني اكسواراتج حطيهم بصناديق ( الفضي بروح / الذهبي بروح / الملونين بروح )
والخواتم اشتري علبة الخواتم وصفيهم فيها اذرب واسهل واحلى .. وصندوق للساعات ~
والدرج الي تحته حطي الاستشوار والمشوط وصندوق فيه الشبابيص والربطات وهيك ~
يم التسريحه اشتري طاوله حطي عليها صينيه للعطور والبخور صفي عليها العطور الشرقيه
وحطي يمهم علبه البخور والمبخر ~ مع ورد مجفف نثريه بالصينيه ~
كبتج صفي داخله ملابسج الرف الي فوق اخر شي حطي فيه الجنزات بس ~
الثاني البجايم + البيبي دول << بعلمج طريقه كل 3 بجايم اكويهم واربطيهم بشريطه ساتان على طريقة فيونكه
انا ناويه اسوي جذي ان شاءء الله حتن البيبي دول سوي فيهم جذي
الرف الي تحت صفي التنانير القصار والبديات وهم نفس اللي فوق كل 3 او 4 بديات بشريطه تربطينهم
والملابس الداخليه بصندوق كل طقم حطيه بكيس اورقنزا
اشتري الاكياس المعطره وحطيها بين الملابس ~
كبت العلاليق علقي فيه عباياتج وبدلاتج ~ وهيك
عاد حاولي تشوفين فناتق وتصففينهم على ذووقج اهم شيء الرتيب لانه اهو الانطباع الاول عنج !
وموفقه حبيبتي مابي غير دعوه حلوه مثلج ~
