مرت حماي !!

[babya.sh8ra]

السلام عليكم
بنات انا املجه
وزوجي بيرد من سفرته
وشريت له هديه وكاكاو
وحطيت صورته
تخيلوو مرت حماي ماتمون عليه ولاشاف وجهااا
راحت سوت كاكاو وحطت نفس الصوره مالتي
اهوا يحب الغناتق قثثثثثتني احس كل اللي سويته خرب
ابي اسوي شي يفاجأه
بس اهي خربتها شالحل ؟؟
بيرد عقب يومين

 

[sweetpink1990]

شكوو اهي تسوي ككاو حق ريلج!! انتي سوي شي بينج وبيه عزميه علا مطعم

 

[لوولوو_88]

نعم :/ .. مسويه حق ريلج شكو !!!! مرت حماج يعني مرت أخوه ؟؟؟

ولا تقصدين أخوه معاه و قلدت فكرتج .. ولا شسالفه

من صجج انتي :/ !! شالوقاحه و قلت الأدب الي فيها

تكفين قوليلي اني فاهمة غلط

 

[babya.sh8ra]

اييي مرت اخووه

 

[babya.sh8ra]

مسويه حق زوجي

 

[لوولوو_88]

و يا برود قلبج :/ .. و عادي عندج !!!!!

وقفيها عند حدها حبيبتي .. شلون تخلينها تهادي ريلج :/ ..

بعدين لا تقوليلها شي اهيا شدراها بالفكرة :/ .. امبييييه فار دمي من برودج

 

[لمست ود]

قليله ادب وقفيها عند حدها وخذي كيكتها وارميها في وجهها

 

[فدك الحلوه]

بأي مناسبه تسوي لزوجج ؟!
اوانها يمكن كبيره ومن زمان عايشه معهم هم ماله داعي تسوي له بمناسبة ردته من السفر

 

[babya.sh8ra]

انا محتررررهه
بس شسوي انا توني املججه ماصار عرسنا واختهه رفيجتي وقالت لي شسوي

 

[مذهلة2013]

مادري اضحك ولا اعصب
اهي شكو ؟ اخته ؟ امه ؟ مرته ؟

خل تولي قوليلها شكو تسووين نفسي تكلمي لا تسكتبين

 

[~ بنت الهدى ~]

شالبرود عادي عندج ؟؟؟؟؟!

ماعندي رد مستغربه من مرت حماااج

 

[~ بنت الهدى ~]

شالبرود عادي عندج ؟؟؟؟؟!

ماعندي رد مستغربه من مرت حماااج

 

[نور وشموع]

عادي قولي لها عطيني صورة ريلي واكلي الكيكة انتي بروحج وانتي شوي معصبة قولي عليج بالعافية

 

[New_bride]

ههه شكو هي تسوي له ولا نفس اللي انتي مسويته
هذي مريضه شكلها تبي تبرز نفسها
بس شكو تهادي ريلج هي من اصلا
المفروض تقولين حق اللي وصلت لج الكلام تاخذ الكيكه وتفرها بالزباله

اشكال غريبه والله

 

[om 7amoodi]

فهميها انه مو عزوبي الحين وانتي مرته !! واذا في اي تعامل بينها و بينه لازم يكون عن طريقج انتي :eh_s(14):

و بعدين اذا اخته رفيجتج قوليلها تحذف اللي سوته مرت حماج بالزباله وزوجج ما راح يدري عن شي وختوصل حق حماج انه انتي زعلتي من تصرف مرته الملقوفه

 

[نور الكون@]

لا تعلييييييييييييييق

 

[كرز.]

لكل فعل ردة فعل
لازم يكون لج ردة فعل قبل لاتبرد السالفه
ولا اقولج اقولج عطي ريلها هديه خل تحتر
لا اضحك موتسوينها

 

[shak!shoka]

شكبرها مرت حماج ؟!

ودي ابلع السالفه وانشاءالله تقولين انها كبيره علشان ارقع لها واقول تعتبره اخوها الصغير مثلا!

لقافه صراحه و حركه غريبه مو متعارف عليها الا اذاااااا كانت مره عوده و ربا تحت عينها

انا برايي تقولين حق اخته الي اهيا رفيجتج انج متضايقه من حركتها و خل توصلها لها !!



حلوه هاذي شاده حيلها مبجر

انغثيييييت

 

[انسام الكويت]

مادري شقولج اكو شي ناقص بالموضوع ..

انا حماي لمن رد من سفر علاج سويت له كاكاو بأسم عيالي ودزيته حقه

يعني قصدي مو شي شين او غيره لا والله اهو بحسبة اخوي الكبير وتقدير مني ومن عيالي

فيمكن مرت حماج سوت نفس الشي اللي سويته يعني لاتظلمين وتحطين بذمتج

فتأكدي يمكن الهديه بأسم اليهال واكيد اهي عادته مثل اخوها عموماا انتي ادرى بالموضوع

 

[Roozlin]

انا اقول لاتقولين شي دام توه مادخل عليج ....ويمكن ع قوله انسام باسم عيالها ولاتضايقين ولاشي ...منج راح تكون غير...الله يسخره لج يارب...