مرت حماي متنقبه وتكشف جدام زوجي

[كويتية أصيله]

السلام عليكم

حماي خطب وحده منقبه وخطبوها على أساس إنها ستيره وأخلاقها زينه بس إللي باط جبدي وقاهرني تتنقب بره بس بالبيت لا .... ليش زوجي وحمواني الباجي مو رياييل؟؟؟ مو تارسين عينج؟؟؟؟ بالعكس والله تلفت نظرهم أكثر لما تدخل بنقابها والعيون مكحله وتفصخه جدامهم .... باطه جبدي ما أدري شسوي؟؟؟؟ أففففففف

 

[ASOMA]

الله يعينج والله يهديها

 

[حلاتي ابتسامتي]

مممممم مادري يمكن تشوفهم مثل اخوانها عادي احسني الظن انا اعرف كثييير مثل جذي يعني بره يتنقبون وقداام حماها عادي تشيل النقاب

 

[عل ماباس]

عادي لا يروح تفكيرج بعيد ولا تقولين لحد هالشي عشان محد ياخذ فكره انج تغارين منها ولا شي ومردها بتكبر وتعقل

 

[قلبي القرآن]

وإذا عادي ليش حارقه اعصابج أكيد انها حلوه
يعني مو معقوله بالبيت لابسه النقاب طول الوقت
وهم نفس اخوانها وبره ناس غريبين
هونيها وتهون لاتبط جبدج ولاشي زوجها راضي خلاص مالج شغل فيها​

 

[||89-Ko0okH||]

اختي اسمحيلي اقولج

انا انا منقبه بعد

وانا مجتمعي وكل اللي حولي جذي منقبين

بس معروف عندنا ان اذا تزوجت ماتنقب يدام الحموان

يعني تلبس دراعه وسيعه ساتره مو شفافه

وتحط ملفعها وتلفه عدل

وان ماتقعد تحط ميك اب يترس ويها لا يعني جان تبي تكشخ كحله وغلوس وبس

جذي احنا عندنا


وبس بقولج يعني انا نظامنا جذي

يمكن هي متعوده ع جذي

بس شرط ان يكون شكلها محترم

مو طاقه الكشخ ونازله لهم

 

[كويتية أصيله]

اختي اسمحيلي اقولج

انا انا منقبه بعد

وانا مجتمعي وكل اللي حولي جذي منقبين

بس معروف عندنا ان اذا تزوجت ماتنقب يدام الحموان

يعني تلبس دراعه وسيعه ساتره مو شفافه

وتحط ملفعها وتلفه عدل

وان ماتقعد تحط ميك اب يترس ويها لا يعني جان تبي تكشخ كحله وغلوس وبس

جذي احنا عندنا


وبس بقولج يعني انا نظامنا جذي

يمكن هي متعوده ع جذي

بس شرط ان يكون شكلها محترم

مو طاقه الكشخ ونازله لهم

تصدقين أختي كلامج أقنعني نوعا ما يمكن لأني حضريه وهي بدويه يعني أهم سلكهم جذيه وآنا مو متعوده على هالطبع فاستغرب.....حتى لما أنزل لأهلي أقولهم يستغربون عندنا المنقبه مااا تكشف نقابها إلا لمحارمها بس....

 

[انسه انيقه]

ترى عادي مافيها شي ليش مكبره المساله وزوجها راضي بالشي هذا مافيها شي شكثر حريم جذي برا بنقاب وداخل البيت عادي يقطونه ​

 

[كويتية أصيله]

وإذا عادي ليش حارقه اعصابج أكيد انها حلوه

يعني مو معقوله بالبيت لابسه النقاب طول الوقت
وهم نفس اخوانها وبره ناس غريبين

هونيها وتهون لاتبط جبدج ولاشي زوجها راضي خلاص مالج شغل فيها​

لا حبيبتي ليش أغار منها ما في مجال للمقارنه ولا مجال للغيره بتاتا .......القصد إنها تلفت النظر أكثر عليها .... مرت حماي الكبير كاشفه وجهها ومتحجبه عادي ما غرت منها .....
بس لما تدخل علينا وحده وحده الصاله وحاطه مكياج العيون ومنقبه وتشيله ما أدري أحس في شي غلط....حتى حماي الصغير عينه عليها لين تفصخ نقابها ههههههههه أقولج تلفت النظر ....

 

[ام هزاع]

انا منقبه ومرت حماي الكبيره منقبه والثالثه بعد اكبر مني ب 5 سنين منقبه بعد بس عادي كلنا نقط نقاباتنا جدام ازواج بعض ... على حسن نية طبعا ولله الحمد ... وخصوصا انا لانهم اكبر مني حيل فأحسهم نفس اخواني ... وهما بعد يحسون ان زوجي اخوهم ... وكلنا دراريع وسيعه او بدلات وسيعه ومحترمين نفسنا

واذا حطينا ميك اب اوفر نقعد بمكان معزول ومحد يدخل علينا


لا تشيلين هم يمكن البنية نيتها صافيه وزوجها راضي .. واتوقع حتى زوجج يشوفونها انها اختهم ..

 

[حليبه]

عادي اغلب المنقبات جذيه

برا يلبسونه و عند الزواره يفصخونه

و الحياه حلوة

 

[نوره 99]

وش ذا !!
اذا بتتنقب عن الكل والا ماتتنقب لعبه هو
اخوان زوجها مو محارم
والرسول عليه الصلاة والسلام قال (( الحمو الموت ))
الله يهديها

 

[أحبه موت]

وش ذا !!
اذا بتتنقب عن الكل والا ماتتنقب لعبه هو
اخوان زوجها مو محارم
والرسول عليه الصلاة والسلام قال (( الحمو الموت ))
الله يهديها

معاها بكل كلمه الوحده يا اتنقب عدل ولا لا تلبسه شنو الحموان مو رياييل
والرسول صلى الله عليه وسلم حذر حذر من الحمو وشبهه بالموت
مو لعب السالفه
استغربت ان فئه كبيره يسوون جذي وعادي عندهم
شي غريب فعلا​

 

[غدووره]

الصرااحه اول مره اسمع جذيييه

حسستني انه النقااب لعبه عندها

 

[اغلى حبيبه 22]

الله يهديها النقاب بكل مكان الا عند المحارم

 

[قمورهـ]

هههههههههههههههههههههه

يبا مالج شغل فيها كيفها

يا تكلمينها او تفتحين موضوع نقاش جدامها

او انج تدعين لها بالهدايه

 

[إنسانه وأكثر]

انا بنظري عادي واذا الحموان ثقه ومعتبريني مثل اختهم ماراح القى منهم شر ومثل ماقلتوا لاتترس ويها مكياج وتلفت النظر

انا حريم اخواني عادي يفصخونه

 

[!الجادل الصعب!]

لا والله مو عادي .. تنقب من الي برا وحموانها شنو
ماتعدهم رياجيلً.. النقاب ستر عن الرجل الاجنبي
والحمو اجنبي ..
والي معارضه كافي اقولها حديث الرسول صلى الله عليه وسلم (( الحمو الموت ))

اذا هالشي عادي اجل نفس الشي المحجبه ينطبق عليها
تتحجب برا وتكشف قدام حموينها !!
يصير ؟! طبعا لا

مرت حماج كلش مو محترمه النقاب الي لابسته
الحل ؟! مافي حل يا تقتنع من نفسها او غلط تكلمينها
بيفهمون غلط الاكيد :ch12:*

 

[PuPa^^SWeeT]

عادي فيه ناس جذي النقاب لبرة و داخل البيت تعتبرهم حسبة خوانها


حبيبتي اقصااه ويه يعني لو مو متنقبة افتكر عادي


لاتكبرين الموضوع و مالج شغل بالسالفة بينها و بين ريلها

 

[ام عبداللـه]

مثل الحاله اختي

انا هم متزوجه ومنقبة وعندي 5 حموين كل حريمهم منقبات ولما تصير جمعه كلهم يقطون النقاب ودراريع ع كيف كيفج

تخيلي الا انا اقعد بينهم منقبة .. ههههههههههههه يقولون لي عادي مع ان حمويني كلهم اكبر من بواجد حتي زوجي اكبر مني بـ10 اسنين واهو اصغر واحد فيهم لاحظي .. مع هذا اتنقب والله حرام استغرب منهم شلون عادي عندهم

الله المستعان