مرت حماي تبا تنوم عندي

[ام الطناقر]

صباح سعيد/مرت حماي تبا تنوم عندي بالبيت هي عارفه دوام رجلي انه بارامكو واغلب وقته بالعمل ويومنها قالت انا عويناتي طلعن وش هالجرأه وبما انه زوجها بيسافر خمسه ايام وماتقدر تنزل بيت هلها على اساس انه مدارس عيالها /وش ارد علاها شكلي ابطنشها

 

[ماكنتوشه بنفسجيه 12]

رد : مرت حماي تبا تنوم عندي

انا اقول عادي مافيها شي

يمكن عندها ظروف ... وانتي تقولين بعد زوجها بيسافر وعيالها مدارس


سبحان الله وبحمده

سبحان الله العظيم

 

[كويتيه مذهله 87]

اذا مومرتاحتلها طنشي
الزم ماعليج راحتج
وبعد هذي اشفيها لزقه جذي حلاته الكلمه تطلع منج انتي

 

[اشتياق]

خل تنام عندج المره عندها ظروف حرام يعني المفروض شهامه منج
تقولين تعالي يا ام فلان انتي وعيالج وان ماشالكم البيت تشيلكم عيوني
كلها خمس ايام ماراح يكلفون عليج بشي
وين الطيب راح وين الوقفه والخير والا انلغى من النفوس!

صحيح اني ماعرف التفاصيل والعلاقه واخلاقها بس ردي بشكل عام..!

 

[أذكـر الله]

رد : رد: مرت حماي تبا تنوم عندي

خل تنام عندج المره عندها ظروف حرام يعني المفروض شهامه منج
تقولين تعالي يا ام فلان انتي وعيالج وان ماشالكم البيت تشيلكم عيوني
كلها خمس ايام ماراح يكلفون عليج بشي
وين الطيب راح وين الوقفه والخير والا انلغى من النفوس!

صحيح اني ماعرف التفاصيل والعلاقه واخلاقها بس ردي بشكل عام..!

عين العقل كلامج صح

 

[حبيبتي إختي]

رد : مرت حماي تبا تنوم عندي

كلها خمس أيام وين المشكلة لو المرة جت وقعدت عندكم

وبعدين رجلج دوامه طويل وغايب عن البيت طول الوقت

يمكن المسكينة تخاف تقعد في البيت بروحها وتبي تتونس معاج

اكسبيها إخت لج وقربي منها ورحبي فيها ... والله يجزاج خير

 

[آنا من دونك أندمر]

رد : مرت حماي تبا تنوم عندي

اذا مرتاحه لها.. ماكو إشكال

اما اذا مو مرتاحه >> طنشي >>>> شريره

 

[مضيعة برقعها]

ماأدري ؟؟؟؟؟؟؟؟؟؟

 

[chanel N22]

على راحتج

 

[∫ ∫ ∫ ∫ جــوان ∫ ∫ ∫ ∫]

الناس للناس اشدعوا شنو طالبه كلها نومه كم يوم

علشان ظروف زوجها

 

[ام ميلافـ]

رد : مرت حماي تبا تنوم عندي

حبيبتي مثل ماقالو البنات يمكن عندها ظروف وماقالت الا لك انتي هذا يدل انها ترتاحلك وتمون عليك

شو يضر لو جت ونامت قوليلها تعالي العين اوسعلك من المكان صدقيني بتكبرين بعينها وعين زوووجك

 

[^noonaa^]

مثل ماقالو البنات اللي يريحج

 

[نور78]

انتي ادرى بالوضع

 

[دلع الكون]

شوفي اللي يريح ضميرج

 

[~*~الملكة~*~]

الناس للناس والكل بالله


بدال لا تقولين لها انتي تعالي حياج البيت بيتج

تقولين هالكلام


شدعوووه وين الرحمه وين المساعده

ترا كلها خمس ايام وبترد بيتها

عاملي الناس مثل ماتحبين يعاملونج ترا الدنيا دواره

 

[منيرة خالد]

احسني للمره يمكن في يوم بتحتاجينها >>> وسوي خير لها الله يرده لج بصحتج وعيالج

 

[حبـ admant ـك]

رد : مرت حماي تبا تنوم عندي

حرام والله
المره محتاجه تقعد لو مو محتاجه جان ماقالت لج
الله يهديج بس

 

[دنيا الصدمات]

رد : مرت حماي تبا تنوم عندي

عادي

 

[صمت المرافئ]

رد : مرت حماي تبا تنوم عندي

والله شوفي إذا بيتج كبير
( يعني مرت حماج يكون لها خصوصيه اهي وعيالها )
ما تطلع عليج انتي وزوجج
وتاخذ راحتها اهي بعد
وانتي علاقتج زينه معاها
وتشوفينها بنت حلال
حياها الله سوي فيها خير
إذا بيتج صغير أو شقه
لا اختي لا تخلينها تقعد عندج
وزوجها اهو المسئول عنها يخليها في بيتها
يوديها بيت أهلها كيفهم​

 

[لانجري المسك]

اشوف السالفه عادي

شفيها كلها 5 ايام حتى لو سنه بعد

وشفيها اذا كان دوام ريلج بارامكوا ( يعني شفت )

ياما عشنا مع حموانا وحمولتنا في بيت واحد اسنين

انا لي مع حمواني عايشه 7 سنوات وكلها ريايل ( مافي عندها البنت ) نفس اختهم

واذا بيتج صغير صدقيني هي راح تستحي ( ومراح تطلع من غرفتها لا هي ولا عيالها )

وقولي مسك ما قالت