مرت حمااج مصورتج ودازتها لي وانتي ماتدرين

[بنت عطا]

مرحبا بنات شخبااركم

بدش بالموضوع على طوول السالفه مهمه وقوويه حيل يمكن صارت فيج انتي والا انتي

ذاك اليوم حماتي اتقولي رفايجها كل وحده اتصور مره حماها وادز صورتها وتعليقات وحش فيها شنو لهدرجه وصل المرض النفسي والغيره والحسد اعووووذبالله اهم مايرضون على روحهم ويصورون بنات الناس قسم بالله حقيرات ومايستحون ولو مره حماها تدري بتصير مصيبه مشاكل بلاوي

اكيد ماترضا على روحها ليش اتصور بنت الناس وحتا لو دازتها لقروب بنات بس ليش الحركه الوصخه هذي لهدرجه قاهرتها ميته منها

اتركم لكم التعليق واستغفر الله الواحد حتى في بيته صار يخاف احد يصوره

 

[مملوحة الوادي]

استغفر الله العظيم هذي مو صاحيه

 

[غير كل الناس]

يارب لا تشغلني في خلقك

 

[Unusual]

ااستغفر الله اش هالعالم خلاص ماعاد فيه شي يسوونه غيير انهم يشغلون اعمارهم بخلق الله
وحركتها هااااذي تدل ع الغيييرة والحسد اللي مالي قلبها .. عمى بعين العدو ..

قلة حيا تصورني .. وترسل صوري مع تعليقات والله لأعطيها اللي يسكتها واخلي اللي مايشتري يتفرج ..

<<<<<
اسمحيلي انفعلت بس سالفة تقهر ..

 

[أو عبوش]

شكثر شكثر اسمع وحده تقول صوريها الحين وطرشيها لنا خل نشوف شلابسه نضحك عليها ولا نشوف شكلها


انا صراحه مادري الايفون يعني يصور من غير فلاش؟؟ ولا حتى صوت؟؟


>>> للحين نوكيا


يمه يخرعون استغفر الله

 

[دلع86]

اي الايفوون تقدرين تخلينه بدون فلاش وبدون صوت
ووايد للاسف يسيئون استخدامه مع ان في وايد مميزات وبرامج مفيده بس شنسوي بهالعالم الي ماعندها غير الخراب

 

[بنت عطا]

لكم حق تنفعلون تخيلوا تصير فيكم مصيبه جد لو رفيجتي ادز صور مره حماها والا لو اختي ازفها والعن خيرها

صج ماكو شغل يعني ترا انا احلا منها شوفوني

 

[قمر كويتي]

هذا خراب بيوت حرام عليهم يصورون حرمه الناس تدرون ان الحين بس توصل صورة حق اي شخص مريض يكتب عليها شغلات وتنتشر بالكويت والا بالخليج حرام حرام عليهم

 

[sunshine22]

صاجه

التلاعب بصور خلق الله صار مرض


انا اعررف وحده مشهره بصور شريجتها


وهي مزيونه وتقول يالله قارنو من احلا انا والا هي


صج ماحب الشرايك

بس الحركه مو حلوه

خصوصا هذيج ما تدري



شي يحز بالخاطر صراحه

 

[بنت عطا]

ايزاهم دازين عشان شوفوا لبسها شكلها مكياجها

امبيه هذي مرت حماج موشريجتج عشان هالغيره عندها رجلها وعندج رجلج ليش جذي المقارنات وشاغله روحج فيها

 

[انا بطة]

وجع توجعهم لو انا مكانها لسويلها سالفة يا انا يا اهيا في البيت ويع شهل الاشكال الله يكفينا شرهم

 

[روح مغليهاM]

وجع وجع خير الدنيا فوووضى
لومكانك مااسكت لها واخلي الي مايشتري يتفرررج

 

[بنت عطا]

موانا حماتي تقولي السالفه رفايجها يدزون لها عرفتي

 

[english muffin]

هذي تهون
تخيلي اعرف وحدة تصور بنت خالة زوجها وتحش فيها وتكرهها
والبنت جميييلة وهادئة وطييبة
كنت استغرب ليش تكرهها وتحش فيها
يمكن غيرة

 

[لمسه ضياء]

حركه بايخه ومايخافون من ربهم ​

 

[حجيه هيونه]

لا حول ولا قوة الا بالله

شنو يستفيدون بالله من هالحركات !!!

 

[غرور الريم]

لا عاإاد موو لهدرجه استغفر الله

 

[بنت عطا]

تصور بنت خاله زوجها قسم بالله نقص نفسي موطبيعي

 

[PuPa^^SWeeT]

اللي تسوي جذي

ممريضة نفسيا


وماتخاف الله

وياعل ربي يدزلها اللي اتصورها بابشع صوووورة و تنشرها عالكل


ومايبقى احد مايعرفها




<<< تنرفزت




شنو هالحركات

 

[فلنتينو]

موصااحيه مريضه نفسيا