مرت اخوي اللي كنت اعتبرها اختي .. خذلتني !!

[Lulu Morales]

السلام عليكم ورحمة الله وبركاته


اول شي حابه اقول اني عضوه جديده في هذا المنتدى الطيب
وسبب اشتراكي هو لاني احترت في امري واخذت المشورة من البعض لكن ليلحين
ماحس اني لقيت الحل لمشكلتي ..

في البداية انا لي اخوان .. لكن احد اخواني مرته عزيزه علي حيل
وهي قريبه من عمري وساكنه معانا في البيت
ولو اقولكم شكثر انا قريبه لها ما تصدقون اني اصلا حماتها جني كنت صديقتها من زمان

ما امن عليها والعياذ بالله ولله الحمد على كل شي
لكن شنو اكثر من اني كنت ادخل معها غرفة ولادة واعينها
واسهر على عيالها
واشتري لها بالهدايا ودايما اذكرها
وطلعاتي دايما معاها
اسرارها عندي و اذا اشتكت من اخوي اوقف معاها
لان الحق حق وبالاخير ربي فوقي

لكن صارت مشكلة بسيطة وتافهه بيني وبينها
كنا طالعين و امي عصبت ( امي مره كبيره ) وعصبت على مرت اخوي و وبختها مو زف قوي لا

وانا دافعت عنها بس باحترام وقلت لامي اهي مالها ذنب تكلمينها
كلميني انا اذا بغيتي تزفين ومايصير خاطرج الا طيب ومن هالكلام ..

جت مرت اخوي وقالت انتي ما تستحين اني قلتلج شي وخاصمتني ليش اني قلت لامي عنها وزعلت تقول ليش تقولين حق خالتي ان قلتلج - مع ان القصد اني اوضح النقطه حق امي لا اكثر ولا اقل !!
وقلت حق مرت اخوي بمسج قبل لا اسافر حقج علي وانا كلمت امي عشانج ومابي يصير جذي بينكم مره ثانية!! ولا ردت !!!!!!


بالصيف سافرت - ولا ودعتني !
رديت وانا معاي لها صوغه
توقعت بتسلم؟ لكن ما سلمت ولا تحمدت لي بالسلامة ابد
احترت اعطيها هديتها ولالا - لكن ماعطيتها
رمضان هذا كله ما حطت عينها بعيني
تجي تسلم على الكل - لكن تخطرني !!!!


في ناس قالو تهاوشي معاها
في ناس قالو حقريها ووو الخ


بنات انا مو راعية مشاكل
ولا انا ضعيفة شخصية
لكن يقول لك اتق شر الحليم اذا غضب
وانا كاتمه غيضي وغضبي
واخاف ربي واخلاقي ما تسمح اني اهزء احد او اغلط
وفيني نوع من الجرح ماني قادرة ابدي الكلام معاها واهي مو معبرتني جذي

شنو الحل معاها؟
افيدوني جزاكم الله خير :eh_s(7):[/SIZE]​

 

[Shinexo]

لها الحق تزعل اذا هي امنتج على شي ورحتي قلتي حق امج فلانه فالت لي ..

هي ماتي تقولج عشان الكلام يوصل لامج لو تبي توصله لها بتقول

كنتي تقدرين توضحين اي شي تبينه بدون ماتدخلين اي حد ,

روحي بيتها وقعدي وياها وخذي بخاطرها هي من حقها الزعل

 

[ظبية بوظبي]

غيري من شخصيتج تراها غلط
انتي من اي كوكب جايه !!

شكلج مب من كوكب الطيبين الا من كوكب الملائكه

 

[popa]

انتي شعليج منها
عيشي حياتج بدونها ماوقفت الدنيه عليها

 

[Royof]

حبيبتي

الوحده ما تثق بهالزمن الا بامها وخواتها خليج رسميه معاها لان بصراحها القلوب تغيرت الاهل وهم الاهل تغيرو على بعض و هاذي مرت اخوج مو من لحمج و دمج دام شفتي تصرفاتها جذي خلاص خليج رسميه معاها مو لازم تسوين كل اللي سويتيه لها


الحين نصيحه خليج رررررسسسسميه معاها خلاص دام جذي اهي

 

[M!SS.LOBY]

اختي ما دام تعذرتي منها
وعطيتها هدية
سلمتي عليها ولاردت

ولا ودعتج يوم سافرتي ما اعتقد مسويه جريمة للدرجة هذي حاقدة وشايله بقلبها عليج
حقريها ولا تعطينها اكبر من حجمها راح تطخ من نفسها

 

[قرمووشه]

اختي ما دام تعذرتي منها
وعطيتها هدية
سلمتي عليها ولاردت

ولا ودعتج يوم سافرتي ما اعتقد مسويه جريمة للدرجة هذي حاقدة وشايله بقلبها عليج
حقريها ولا تعطينها اكبر من حجمها راح تطخ من نفسها

معاهاا بكل كلمه

 

[طيشن على جديه]

لو اموووت وتحدني دنيتي مااروح الا لامي وخواتي وبسسسس !!

خليها شوي لما تهدا وعقب سولف عادي واضحكي واذا جا مجال بيني لها الموقف ..
​

 

[Patcholli]

شوفي حبيبتي واضح ان عقلج كبيره وعارفه الصح وعارفه شتسوين بس من كثر ما هالانسانه عزيزه على قلبج مو هاين عليج تتخذين وياها موقف حازم والاجراء الي تستحقه
هاذي الدنيا ماترحم وياما تنصدمين من ناس عزيتيهم وماقصرتي معاها ولماتصير هالمواقف صدقيني ماتتعلمين
شنو اكثر من انسانه من لحمج ودمج معاشج كله بحظنها
لي اشتكت تركظين لها لي اشتهت شغله ماتقصرين معاها واتيبينها لها لي قالت مطعم طلعه اي شي
وتظعن بالظهر وعشرة عمر 20 سنه ورابين فبيت واحد ؟؟
حبيبتي صدقيني هالمواقف صج اتعور وصج تحسينه صدمه بس راح تتغلبين على هالصدمه وزين انج عرفتي ماية هالبنيه
واسمحيلي اوصفها انها جليلة اصل
حتى لو كنت متمشكله ويا وانسانه ما اخطرها واطوفها بالسلام جدام الناس
ولو اهي تحبج تعاتبج وتسمع منج وتزعل شوي وتطخ
بس واضح انها ماصدقت وموقفها وايد اوفر خصوصا انتي تقولين السالفه عشان صالحه وماتكلمتي الا عشان تنقذينها وتطلعينها من الموقف
المفروض حتى لو زعلانه تشيل بقلبها شوي وانتهى بس ماتوصل لي انها تخطرج بالسلام
هاذا لو كانت تشوفج حسبة اختج ماتتصرف جذي
بس واضح انها ماتعزج كثر ماتعزينها
وخلج انسانه واقعيه لاتعطين الانسان اكثر من حجمه غير امج وخواتج محد يستاهل

 

[M!SS.LOBY]

هالفئه هذي اذا احد يعزهم ويركض وراهم وما يبيهم يزعلون ويداري خاطرهم خلاص على بالها انها اهي قوية وانتي ضعيفة وتخافين من عندها ماتدري عن حجم الغلا اللي بقلبج وتحبينها بحسن النيه

 

[mrs.abk]

مرحبا ملايين

أنا من زماااااااااان ما دشيت الموقع ,, وهذا أول رد لي من فترة

اسمعي يا أختي أنا ضد كل اللي قالووه البنات


شوفي علاقتج بها البنت موب علاقة دوام ولا علاقة زمالة هذي علاقة أهل وما بتنتهي خلال فترة معينة يفترض تكون أبدية خاصة انها ام عيالكم ..

أنا أقترح إنج تشيلين الهدية اللي يايبتنها لها واللي ما عطيتيها اياها وتروحين لها لين عندها .. هي زعلانة بس انتي بديتي بالغلط والاعتذار صعب ع النفس بدليل انج اعتذرتي برسالة .. وادخلي عندها وخذي ما بخاطرها وتعهدي لها إن هالخطأ ما بيتكرر .. وعطيها هديتها .. مافيه أنسب من العيدلمصافاة القلوب حبيبتي ..

ولو مستحية وايد جربي خلي اخوج يصلح من بينكم .. ولا تقسين قلبج على أهلج واحبابج ..

ما عليه العلاقة الحلوة لازم ما تنهار .. ولو حصل فيها شيء يفترض ما تنقلب لعداوة .. وانتو جذيه بتقلبونها عداوة الله لا يقدر

 

[((البرنسيسا))]

لها الحق تزعل اذا هي امنتج على شي ورحتي قلتي حق امج فلانه فالت لي ..

هي ماتي تقولج عشان الكلام يوصل لامج لو تبي توصله لها بتقول

كنتي تقدرين توضحين اي شي تبينه بدون ماتدخلين اي حد ,

روحي بيتها وقعدي وياها وخذي بخاطرها هي من حقها الزعل

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

 

[ماي زهر]

آنا نفس طبعج ... لآن ماعندي خوات أكبر مني فكنت اتعلق بحريم أخواني
بس الحمدالله وحدة كشفت عن أنيابها مبجر و الحمدالله ما كنت اقولها أسراري
و الثانية زلغت بيني و بين اخوي( قايله لاخوي أختك تقوول انتي ليش ماخذته لا شهادة
و لا منصب و طايح حظ ) مع أن هو احسن منها و آنا ما قلت هالشيء أصلاً
و كنت أحترمهم و أقدرهم حيل و أوقف معاهم ...
بس نصيحة لوجه الله إذا تهاوشوا لا تتدخلين قوليلها الله يهدي الأمور
و خلاص بعد إنتي لا تكلمينها..بس سلام سلمي عادي صيري احسن منها
السلام حق المسلم على المسلم بس مو (بوس) سلام عادي
المفروض تحترمج و تقدرج لآنج حماتها و تحترم المواقف إللي بينكم

 

[M!SS.LOBY]

لا حول ولا قوة الا بالله

 

[كويتية222]

رب ضارة نافعة ... خلي امج رفيجة لج ... واهي بطخ مع الايام تصرفاتها وياج تدل ان الموضوع جايد وكبير واهو شي بسيط طنشي بس ومردها بطخ وان ما طخت كيفها

 

[Om_RaYomaH]

لا تكثرين اعتذار بتزعل خل تزعل
والهدية عطيها اخوج يوصلها لها
انتي عايشة معاها بالبيت
ما ردها بتتكلم معاج
خلج عادية كانه ماصار شي
وعيشي حياتج
اهي بدت بالغلط
لو شنو بيني وبين حماتي لو عدوتي اسلم عالاقل
اتحمد بالسلامة
شنو هالبشر؟!
اعوذ بالله

 

[mrs.inona]

حبيبتي الوحده ما تثق بهالزمن الا بامها وخواتها خليج رسميه معاها

 

[ام شريفه]

ليش تحرين قلبج كل يوم؟ كلميها ترى انتي عايشة مره وحده كلميها و قوليلها اللي تبين و اذا انحلت المشكله زين على زين و اذا ما انحلت لاحول ولا قوه بعد شتسوين

 

[كويتية وكلها جاذبية]

السلام ليش متعبه عمرج انتي وايد. طيبه وايد وايد وعلى نياتج وانتي تكلمتي من حبج لانج تعزينها ولا تعاتبين امج عشان احد وهذا دليل على انها تفكر فيج تفكير الند والخصم. مو اخت
ليش تتدخلين اذا اهيا معتبره امج مثل امها ما راح تزعل
ركزي على نفسج وانج تستحقن الناس يحبونج وانج قويه وانسيها اذا تبيج راح اتيي
ومهما كان ما تفشلج جدام الحريم هاذي وايد. كبيره
حبيبتي انتي لازم تعرفين الناس وتعرفين منو يحبج ومنو يستغلج او يستغل طيبتج

وكلمن يرى الناس بعين طبعه. عاد فكري اهيا شنو تشوفج الي قاعده تعاملج جذي عرفتي