مرة حمي ( زوجة اخو زوجي )

[نور عيوني فيصل]

مرحبا

اني عندي مشكلة وابي لها حل \

اني عندي مرة حمي وحدة

احبها واعزها بس في مشكلة :

اني اذا معاها اذا يصيدها مشاكل من جهة ام زوجي تجي تشكلي لي فاصير اني ما اقدر اتطلع في وجه عمتي

واذا اصير مع مرة حمي شوي مو اوكي اصير تمام التمام مع ام زوجي وام زوجي تحبني

ومرة حمي دايم مشاكل مع زوجها واني اهديها واهون عليها بس هي لما تصير مع زوجها تمام التمام ما تتصل ولا تفتكر فيني حتى

برايكم شلون اتعامل معاها
اقطع علاقتي فيها ولا شنو
وحتى لما تصير مشاكل بيني وبين زوجي ما احس انها تهديني احسها تزيدني على زوجي

مادري شسوي وهي دايم تعور قلبي اذا تتزاعل مع زوجها لما تلجا لي


شسوي ساعدوني

 

[أم الفناتك]

خلي علاقتج رسميه معاها اريحلج ولو اتحب لج الخير ماتشيشج على ريلج

 

[عونك يارب]

صح كلام إم الفنآتك
خلي إسسلوبج وكلامج معآهآ سسسطحي ولاتآمنينهآ على سسسرك
هالنوعيه ينخآف منهم .
موفقه غلاي ..

 

[سكوتي بذوقي]

اختي لاتقولين لها اسرار بيتك

وخلي علاقتك سطحيه معاها

 

[زوجة عزيز]

لا اتدخلين باي شي وماعليج منها باجر اي شي بيصير بتطيح السالفه في راسج

 

[مموريز]

خليك رسمية معاها,ولاتعطينها سرك.
هالاشكال مايندرى وش وراهم.

 

[عبث...!]

اذا بتشكي لج قولي لها رجاءا يافلانه
اشكي لربج ومابي تكلميني بمشاكلج ولا تشكين لي لأني مابيدي شي
انتي عزيزه وغاليه وحتى ام زوجي غاليه علي .. لذلك انا مالي شغل
وياحبيبتي مشاكلج ماله داعي تقولينهم لهآآ ؟؟ اسرارج انتي وزوجج المفروض
ماتطلع برراا ! .. حلي بمشاكلج بنفسج =)

موووفقـه

 

[روانتي 12]

خليج عاديه معاها ولا عاد تقولين شي لها

 

[بنت الكويت العسل]

خلي علاقتج سطحيه والله الحين تييك التهايم وانت نايم الناس ماتعرف الله ولاتصلي وتتقول انتبهي حمدالله انا افتكيت من اللي سببوا لنا بلاوي الله سلطهم علىنفسهم وارتحنا لاتعمقين علاقتج الا بامج وابوج واخوانج وصديقه اخت صدوووقه تشوفينها انتي بتصرفاتها تبين اصلا التربيه اهي المحك واللي يمثل ترا بالاخير ينكشف وينفضح الله يسلط على المضرين من لايرحمهم امين

 

[قسوة الزمن]

خلي علاقتج فيها رسمية

 

[شرغوفة]

صح كلاااام خواتي الي قبلي لازم أتكون علاقتج سطحية معاااهااا وقولي لها لا تستحين يا فلانه لو سمحتي اذا عندج مشاكل مع زوجج وامه أنا مالي شغل خلاص ولا تكلمين عن زوجك جدامهااا كلش هاااذي اسرار ياختي مو لازم احد يعرفهااا

 

[a7la_7b]

خلي العلاقه رسميه وغلط تطلع اسرار بيتها براا وانتي بعد غلط

 

[جروح ودموع]

انا معاها كلامهاا عين العقل

 

[أماني عمري]

البنات ما شاء الله ما قصروا، ردودهم كفت و وفت و الله المستعان

 

[جروح ودموع]

اذا بتشكي لج قولي لها رجاءا يافلانه
اشكي لربج ومابي تكلميني بمشاكلج ولا تشكين لي لأني مابيدي شي
انتي عزيزه وغاليه وحتى ام زوجي غاليه علي .. لذلك انا مالي شغل
وياحبيبتي مشاكلج ماله داعي تقولينهم لهآآ ؟؟ اسرارج انتي وزوجج المفروض
ماتطلع برراا ! .. حلي بمشاكلج بنفسج =)

موووفقـه

انا معاها كلامها عين العقل :eh_s(15):

 

[مرايــــــــم]

ردود البنات كفت وففت

 

[بربيره]

اكبر غلطه ارتكبتها اني رافجت مرت حماي و كل شي كانت تقولي و كل شي كنت اقولها

مع ان وقتها كنت احس ان في شي غلط و ان ورا هالعلاقه مصيبه ونفسج بالضبط كانت تشتكيلي و اشتكيلها

و اخر شي تحسفت علاقه فاشله لو من الاول كانت العلاقه رسميه جن واااايد ارتحنا بس بعد الي فات مات خلاص خربت السالفه

لا تطيحين بنفس الغلطه باجر تتحسفين