مربيات القطط ضروري تدخلون

[غزآل.آلكويت]

مرحبا


شلونكم بنات

حبايبي مربيات القطط
ابي مساعدتكم لان واخيرا بعد عناء طويل
رضت امي وشريت قطوتين
ذكر همالايا سميته توتو
الانثى هولنديا سميتها لولو
عمرهم شهر

المهم
انا اول مره اربي قطاوه بهالعمر
وحيل متوهقه

اولا
توتو اول ماشريته من سوق الحمام
كانت ريحته خاااااايسه
بس اصريت اخذه لان شوقني حيل يلعب وشيطان
اول ما جبته البيت قلت بسبحه
وسبحته بسرعه ونشفته على طول
وداخ وخليته ينام ودفيته
بس عقبه مهو بخير
كله خدران ماياكل يرجع تكرمون
وخروجه عادي بس حيل ريحته خايسه
مع البول تكرمون
لما شفته جذي وديته البيطري فحص عليه
قال مافيه شي بس بروده لاني مسبحته
عطاه 3 ابر وقال اذا ما صار زين جيبيه

واليوم نفس الحاله ماياكل بس شووويه حيل
ورجعه على طول عور قلبي
رجع مرتين واكثر من امس
ولحد الحين خدران حيل وتعبان

اما لولو
حيل شيطانه اخذتها من سوق الحمام بعد
بس نظيفه حييل حتى ريحتها حلوه
وشكلهم توهم جايبينهم
المهم اهي سليمه بس اليوم رجعت استغربت منها
فهل توتو اعداها يعني بينهم عدوه ?
والمشكله الثانيه
توتو يدل مكان التربه وحيل نظيف حتى لا حس
انه بيرجع راح لتربه على طول يحفر ويرجع

اما لولو جننتني اليوم
اوريها مكان التربه ماتجبها لا بغت توسخ
لازم تروح تحت الكنب ولا زاوية الغرفه
ماني عارفه اعودها
وسختني
وحاليا معاقبتها حاطتها بقفصها مسكره عليها
وتوتو حطيته بروحه بسريره مدفيته له بمطاره حاره

ابي نصيحتكم
شنو اوكلهم
يشربون حليب ولا لاء
كل مابغيت اشربهم حليب اتذكر كلام البنات
ان الحليب يخليها تسهل
وان العلب مو زينه لها
وانا اوكلهم صدور دجاج مفيوحه
لولو تحب الكل تاكل صحنين بدال الصحن
تاخذ صحن توتو لما تشوفه يوخر عن صحنه



وبعد ابي مكان اشتري استاندات الي حق القطط
الي فيه خيوط يلعبون فيهم
وابي،اطواق وفناتق لهم
وين احصلهم

فبليز ابي نصيحنكم

بنتظار ردكم

 

[غزلان-2]

اختي عطيهم دراي فود مفيد لهم
وعطيهم قواطي. شنو موزين القواطي

القواطي مخصص للقطط عطيهم
والدراي فود فيه فيتامينات

وحلو. تنوعين بالاكل.......بخصوص الحليب اشتري مخصص للقطط ينباع جنه بالطبيب

او اشتري بالصيدليه حليب اطفال خالي من الاكتوز والفركتوز عشان مايجيهم اسهال

داومي على ابر الطبيب راح يطيبون ان شاء الله بس يبيلهم فراره جم يوم

اشتري بيتاموكس اخر حل من بعد الابر....زين حق الاسهال تكرمين
من الدكتور الكويت

وحبي طمنيني شصار معاج.........ملاحظه..اول ماتشوفين القطو مرض سيده اعزليه عشان مايعدي الباجي

 

[غزلان-2]

بت زون في العاب حق. القطط

 

[غزآل.آلكويت]

مشكورين حبايبي .. اليوم بوديهم الطبيب

وراح اطمنكم

بس شنو اشتري علب حق قطاوه بو شهر ؟

لان اليوم بروح اخاف اجيب نوع مايحبونه

انا كاسر خاطري همالايا توتو ماياكل واجد

يقولون بالطبيب يعطيه فاتح شهيه

بقول لدكتور واعلمكم شصير معاي

 

[غزآل.آلكويت]

بت زون وين مكانه،بالضبط ؟

 

[Alrem_q8]

غزال الكويت ان شاءالله يصير زين توتو بأقرب وقت
وعقبال يجي دوري ويصير عندي قطوه قررت اسمي قطوتي يوكي((yu-ki)) شرايج بالاسم ههههههه يعني السعاده بالياباني ويطلق ع الجو ومرات افكر اسميها فلافي ههههههه اي احسن
قطاوتج ححيل صغار الله يعينج عليهم
انا قطوتي بستلمها من وحده ان شاءالله شهر فبراير
لما يصير عمرها شهرين ونص بتعطي القطوه لان تقول راعيتها حرام توهم صغار مايصير تفرقها عن امها لما تكبر وتبدا تاكل وتعتمد ع نفسها بتعطيني اياها ان شاءالله
بالنسبه لموقع بت زون اهو بالري قريب من الافنيوو وكبير شفته قبل بس ماعمري دشيته ومخصص حق الحيوانات كل شي فيه

 

[غزآل.آلكويت]

هاي


بنات وديت توتو الطبيب اليوم قالي لو فيه سهال تكرمون هذا فايروس
يموت القطط على طول خرعني
قلت لا مافيها سهال
قال اجل لا تنوعية بالاكل لها معدتها ماتتحمل وكليهاا
طبق واحد بس لين تكبر عقبه نوعي لها
ويقول توتو احسن من امس حرارته نازله
بس وكليه بسكوت

بس المشكله ما ياكل ماخليت نوع ماجبته له

المهم عطاه 3 ابر جاني رجولها تروح يمين ويسار
من الابر
احس مافيه توازن لان امس3 ابر واليوم 3 ابر
واهو عصقول ماتحمل
بس الحمد الله يارب
اليوم اكل صحنه كله وبعد اربع ساعات هم وكلته
واكل صار احسن من اول بواجد لدرجه يتدلع يتسدح على
ظهره عشان امسح عليه
بس لحد الحين ماوصل مرحلة اللعب لان لحد الحين
معصقل ماله خلق

اما لولو يقول سليمه مافيها شي حرارتها طبيعيه
قلت ترجع قال شنو اكلتيها قلت اول ماشريتها
صاحب المحل عطاني اكل لها مخصص ان الدكتور
صارفه لها
و اكلتها عادي تاكل بس انا من لقافتي
اشوف البنات يكتبون لا توكلونهم معلبات
لانها تضر قمت قلت بوكلها دجاج مثل توتو
لا توتو ما ياكل معلبات بس دجاج وانا كنت اغثه وانوع له
يعني ام طيبه ههههههه
اثاريني غثيته
المهم لولو كنت اشكلها مثل توتو
عشان جذي كرشتها ماتحملت
بس عقب الابر الي اليوم وكلتها بس اكلها
مارجعت
وحتى توتو
الحمد الله ياربي

بس عندي مشكله
شلون ادرب العوبه لولو على تربتها
توتو حيل نظيف يعرف اما هذي جننتني
تدعس باي زاويه وتفرغ

ساعدوني شلون 

 

[غزآل.آلكويت]

الريم ههههههه

انا كنت مسميتهم ويليم وكيت واهلي ينادوني ام ويليم هههههههههههه

بس حسيته ثقيل عليها سميته توتو والثانيه لولو

زين سويتي لان فعلا تعبت معاهم حيل
على الاقل شوي كبيره تكون معتمده على نفسها ومتعلمه من امها

الله يعينا تعبونا هالجهال ههههههههه وااي عشت دور الام هههههه




عاد على كثر ماروح للافنيوز ما اشوفه
بمرهم وبدور هناك

 

[Alrem_q8]

هههههههههههههه الله يعين

 

[غزلان-2]

غزال حبيبتي سمعي عدل

اذا حاش قطاوتج فايروس الله لايقوله...راح يحوشهم اسهال وحراره مرتفعه على ترجيع وحراره مرتفعه

راح يقولج الري والدهماء فايرس خلاص راح يموتون

......ماراح يموتون ان شاء الله لان اي فايرس له فترة حضانه وتختفي
بس هالفتره لااااازم تعالجين الاعراض....
عطيهم ابره بالري التزمي فيها

وبعد الابر...بيتاموكس يعالج الحراره والاسهال .....+فيتامينات
وباذن الله يتشافون

لازم يكون عندج بيتاموكس...اول ماتشوفين اسهال ترجيع حراره عطيهم على ماتودينهم الطبيب

اي شي تبينه حاضر موجوده

 

[ام غازي 2012]

ههههههههههههههههههه


الله يخليهم لج

 

[غزآل.آلكويت]

مشكوره ياقلبي

انا ضايق خلقي الحين
امس توتو يلعب وصحته صارت ممتازه
اليوم الفجر اسمع يعاطس حيل ورا بعض

لما شفت وجهه عيونه تدمع و خشمه ينزل
كسر خاطري حيييل

تعبني ومعور قلبي

بس مافيه سهال وياكل مافيه شي

 

[فوشيهـ]

ماعنده منااااااااعه لانك اخذتيه وهو صغير ابو شهر لسى يرضع من امه ابو شهر

يالله ينفطم بعد شهرين واذا مستعجله ينفطم بعد شهر و3 اسابيع اقل شيييييي

مسكين عنوونوو كسر خاطري


ان شاءالله مايموت بس احس لو تفصلينهم عن بعض اضمن عشان لو لاسمح الله كان فيه شي مايعادي اخته

وبهالعمر مايتسبحون ابد عشان كذا ماتحمل مسكين ف حاولي تدفينه .. وتعطينه رووبه شووي او لبنه شووي

والدجاج والدراي فود او البسكوت لسى بدري عليهم الين شهر ونص شهرين ..

يمكن ف البدايه مايتقبل انه يذووق الرووبه او اللبنه بس حطي له نتفه على بوزه وهو بيجلس يلحس واذا عجبه بيجي ياكل ..

والحليب خذي خاص حق قطاوه افضل .. وحاولي خلاص ماتعطينه إبر لانه صغير مايتحمل الفقير ..


وطمنينا شيصير معاك تراهم مسؤولييييييييه عشان كذا بس يصير عندي كيتنز اخااف اجلس متوتره طول الوقت ..

الله يعينك
​

 

[Stay alive]

الله يباركلج فيهم

حاسه فيج يا قلبي

الصغار مشكله .. طول عمري قطوتي تولد وآخذ من عيالها وما واجهتني مشاكل
لان امهم تكون موجوده ..ترضعهم وتنظفهم ..

ولما جربت اشتري قطوه صغيره بعمر شهرين بس راعيها الله يهداه قص علي
طلعت شهر ونص ماكملت شهرين

ابتلشت فيها حدي ..

والاعراض اللي بـ توتو .. هذي انفلونزا ..

حاشت قطوتي ووديتها للدهما وطقها ابرتين باليوم الاول مع رجولها

ومن باجر ابرتين ..

وعطاني حق الخمس ايام الباقيه حبوب .. نوعين .. كل نوع يكون مقسوم لاربع قطع ..

اوكلها الصبح ربع من النوع الاول وربع من النوع الثاني
وبالليل نفس الشي


والحمدلله بعد ما انتهت مدة العلاج صارت حيل احسن بفضل ربي ..

الجو متغير حتى علينا يالاوادم .. شوفي الجهال اغلبهم مرضوا انفلونزا ..

واهم نقطه غرفتج اللي ينامون فيها القطاوه لازم تكون دافيه ,,

واجهتني هالمشكله لان غرفتي بارده وشلون بحط دفايه وانا برا البيت ,,

اخر شي استشرت امي وتوكلت على الله وحطيت دفايه ام زيت ,,

نظامها تفصل لما تحتر الغرفه وترجع تشتغل اذا بردت .. والحافظ الله

ولا تسبحينهم نهاااااائي نهااااائي

اذا كلش كلش وصخوا حيل ولا قدرتي تنظفينهم بفوطه ..

سبحي بس الجزء اللي تحت من جسمهم ... وبعدها نشفيهم عدددددل بالفوط

والاستشوار .. ليما تتأكدين انهم نشفوا 90%

وما انصحج تعطينهم حليب او مشتقاته حتى الروب لا تعطينهم اذا فيهم اسهال

أما عن الريحه عندي وعندج خير ..

بس تصدقين بعد ما سبحتها آخر مره وفركتها عدل من تحت ..
وهمن طعمتها .. تغيرت ريحتها وفرقت حيل معاي

والتطعيم اذا كملوا شهرين تطعمينهم

 

[غزآل.آلكويت]

بنات وريبي ضايق خلقي حيل

توتو وديته الطبيب قال معاه فايروس الي يقتل القطط
عطاه امس ابرتين واليوم ابرتين واليوم طايح مايتحرك نهائيا
بس يون حيل عور قلبي وجسمه بااااااااارد كانه بيموت ويسويها على نفسه مايتحررك
وانا مافيني قلب حيل متضايقه ماني عارفه شسوي

عزلته عن لولو اهي فوق وتوتو تحت

فيني بجيه صج ماني عارفه شسوووي

 

[غزآل.آلكويت]

توتو مااااااات

 

[lojeeen]

واي انا قاعده اقرى موضوعج و اخر رد كنت شوي و ابجي والله قهر انا كلا اقول محد يشتري قطو صغير من سوق الحمام خصوصا الذكور مناعتهم وايد ضعيفه

البقيه بحياتج حبابه انشالله الله بيعوضج

هل وقت من السنه مو مناسب كلش حق القطط اللي عمرها اقل من ست شهور الا اذا كانت متطعمه و تربيه بيت بس سوق الحمام مكان مختلط القطط تحمل الفيروس بداخلها و من تنتقل من مكانها للبيت ينطلق الفيروس و يحطم الجهاز المناعي

لا تردين تشترين قطو الحين صبري لين ما يتعدل الجو و لين ما تلقين قطو بيت عمره ثلاث شهور اقل شي ...

 

[Shinexo]

مسكين , آحس مآت من كثر آلآبر ترى صغيير مآيتحمل .. الله يعوضج 3> ,

اذا تبين تعودين القطوه ع الرمل بعد كل اكله وديهآ قعديهآ ع الحوض اللي فيه رمل هي بتحاول تنزل او تطلع كل ماتنزل رديها المكان لين ماتخلص شغلها , سوي آول مرتين 3 عقب تتعود من نفسهاا

 

[Stay alive]

الله يعوضج يارب .. والبقاء لله

ضاق خلقي عليه .. وكنت كاتبه رد وماشفت ردج الاخير انه مات

صج هالسنه جونا ملوث الاوادم مرضوا وشكثر يتشافون ويرجعون يمرضون

فما بالج بالقطاوه الصغار المساكين

الله للحافظ

 

[M!SS.LOBY]

الله يخليهم لج