مراهقه مانعرف كيف نتعامل معها ساعدوني

[جروح الشوق]

السلام عليكم ورحمة الله وبركاته
انا بكتب لكم عن بنت اختي وعمرها 14
ومو عارفين كيف نتعامل معها
بقولكم وش مشكلتها بالتفصيل
اذا طلعت معنا اي مكان تحب تناظر بالرجال بشكل يلفت النظر:rgewrg:
بالاضافه انها تحاول تتلزق بالعيال اللي بسنها واكبر يعني اعمارهم 20 وفوق
وتحاول تتواصل معهم وترسلهم كلام عاطفي :eh_s(4):
يعني مثلا ترسل البنات اللي بعمرها يروحون يوصلون لفلان وفلان
وتتعلق فيهم وهمها بس تشد انتباههم وطبعا مو واحد هو كذا واحد تحبه :bbbiu:
مثلا عن واحد يكون ولد جيرانهم تطلع مع ابوها للحديقه اللي بنفس الحي عشان بس تناظره لو من بعيد
وتراقب البيت بالساعات طبعا ابوها مايدري امها بس تعرف وماتقدر تخبر ابوها
لان ابوها اعمى ومايدري عن شي ويشوفها صغنوووونه بريييئه
واذا ماقدرت تطلع مع ابوها ترسل بنت عمهاوهي اصغر منها تراقب الولد وتجيب اخباره وتودي له اخبار
صايره مرسال حب :eh_s(22):
والمشكله الاكبر انها بس تشوف رجل بأي مكان تبدأ تتدلع وتتغنج حركات انا بالجامعه ماعرف اسويها هههه
واحيانا تنزل من شقة امها لتحت عند جدتها طبعا عند الجده يجون عيال عيالها وبناتها وهم شباب كبار
تحاول تلفت نظرهم وتثير اعجابهم بحركاتها :eh_s(4):
اعطيكم مثال مثلا هم جالسين ببيت الشعر تكون هي تدور وتدور وتدور تبيهم يشوفونها
طبعا هي مع صغر عمرها الا انها قويه وامها تعبت معها جتها بالطيب مانفع بالخناق بعد مانفع :rgewrg:
البنت قويه قويه يعني الكلام اللي يطلع منها اذا امها قالت لها انتي ليه تنزلين عند العيال استحي اقوله
ترد على امها بألفاظ مااقدر اقولها وتصارخ وتخانق وامها تعبت منها عجزت تسيطر عليها
وخايفه عليها تكبر وهي بهالحال تقول اخاف تفضحني
نسيت اقولكم هي تكلم من ورا اهلها يعني امها كشفتها انها تكلم بنات عشان يوصولون كلام حب لواحد تحبه
والله يستر من الخافي اذا امها مسكتها وقالت لها افتحي قلبك لي وصارحيني بكل شي
ترد انا عندي مشاكل كثير بس لوتموتين ماقلتها لك عاد وش هالمشاكل الله يعلم
هالمراهقه متعبه امها كثير واتمنى تساعدوننا كيف تتعامل امها معها
لانها خايفه عليها كثير ودعواتكم لها بالهدايه
واللي كتبته لكم شوي عند التفاصيل الثانيه
واللي تساعدننا جزاها الله كل خير:yaaaaaarb:
ومشكورين

 

[cute lulu]

@@ والله هلجيل يخرررع<< معني منه وعمري 15 بس عمري مافكرت جذي !!

الله يهديها واظن انها مرحله وتعدي هع

 

[مشاغبة كووول]

حبيبتي ليش امها ماتطقها خلاص لازم تتأدب اذا ماجت بالطيب تجي بالطق لازم امها ماتخاف منها
وتكون المسيطره وتاخذ تلفونها واذا لزم الامر تعلم ابوها مايصير جذي ترى والله تخرب البنت

 

[جروح الشوق]

الله يثبتك ويهدي الجميع

 

[جروح الشوق]

جربت الطق والذبح تزووووووود تشب ناااااااار ماينقدر عليها وهي ماعندها تلفون وامها مستحيل تمسكها تلفون
بس تدق من الارضي من بيتهم أو من بيت قرايبهم اذا طلعت لهم زياره يارب سترك
وابوها الله يرحم الحال لو ان اختي تدري لو خبرته بيسوي شي كان خبرته من زمان
ويعطيك العافيه

 

[الزين اللعوب]

الله يهديها والله ماينفع معها الاالطق صراحه

او تعلم احد من خوالها يمون عليكم يسحب التلفون ويأدبها

الله يصلحها ويهديها

 

[@همس المطر@]

حبيبتي ليش امها ماتطقها خلاص لازم تتأدب اذا ماجت بالطيب تجي بالطق لازم امها ماتخاف منها
وتكون المسيطره وتاخذ تلفونها واذا لزم الامر تعلم ابوها مايصير جذي ترى والله تخرب البنت]

 

[ASOMA]

انا عمري 16 وما افكر هالتفكير البنت العاقل ما تفكر جذي

عندي اختي عمرها 14 تقريبا كبرها

بس مو جذي شخصيتها يعني احنا صج مراهقين بس المراهق ما يعني انه مايتحكم بنفسه لا يعرف ان هالشي صح وهاذا غلط

لوني من امها طراق طراقين تمشي سيده واذا ما تسنعت ابوها يسنعها واذا هم ما تسنعت صدقيني بتجيها ضربه على يوم بتصحيها

 

[ام هزاع]

هذي جاااااهل ومو عارفه مصلحة نفسها ... ويمكن وحده معاها بالمدرسة مشجعتها على هالشي ولاحسه مخها ...

الطق ماينفع خل تحس بحب امها وحنانها .. وخل تمدحها وتعطيها من الكلام الطيب اللي يخليها تستحي ... عمر الصراخ ماجاب نتيجه ..

عسى ربي يهديها وبإذن الله مرحله وتعدي على خير ..

 

[مولاي الفرج]

لما تكبر راح تتحسف على تصرفاتها

خل تصادق بنات ملتزمات يمكن يغيرونها

 

[اصيله بنت البدو]

لا هذي لازم تعرضون مشكلته عند اخصائيه تقدر تحل المشكله

 

[al3ta]

الله يهديها يااااااااااارب

 

[مشاغبة كووول]

اقولج شي اذا ماينفع معاها الطق وين اهلها وين خوالها خل يطقونها لما تتأدب
واذا مانفع احرميها من الطلعات ومن التلفون العادي واذا خلاص مافي فايده انا اقول تلبسينها عبايه ونقاب عشان تعقل واذا مارضت علمي عمانها او خوالها او اي رجال كبير

 

[مشاغبة كووول]

وعلى فكره انا عمري 14 بس الحمدالله مو نفسها
تدرين انا كنت اعرف بنات يغازلون ومايتوبون امها مسكتها مليون مره وساكته عنها << اقولج امنعيها من الطلعه كلللش

 

[أم شهرزاد]

قولي لامها تدعيلها بالايام الفضيلة وتتصدق لها لعل الله يهديها والطق ماراح يفيد حرام صغيره خليها تتقرب منها وتنصحها وتخلص النية وتبكي بين يدي الله عزوجل لان صلاح الابناء من صلاح الوالدين (امانه لاتطقونها تراها صغيره ولاتدرك شي )


الله يهدينا جميعنا مقصرين بحق الله عزوجل(((((((الله يهديها ويقر بها عين والديها ويهدي اولادنا وبناتنا اللهم امين

 

[جروح الشوق]

المشكله يابنات انو امها اذا هاوشتها ولاطقتها تزيد وهي تقول لامها عناد لك ليش تهاوشيني رح تشوفين وش اسوي يعني تهدد امها
وأمها تخاف لان هالبنت تسوي اللي براسها ولاعليها من احد لاتخاف لاعلى نفسها ولاعلى اهلها وجربت الطق معها قبل مانفع
هي ناويه تطقها اليوم بسبب حركاتها
بس انا قلت لا بتزود حاولي بالطيب واذا ماتفع الشكوى لله مالك الا الطق وهي برضو مفكره توديها لاخصائيه بس البنت مارح تقتنع تروح وامها ماتقدر تسحبها
شقولكم بس والله ماكتبت عنها الا لان اختي تعبت منها

 

[جروح الشوق]

هذي جاااااهل ومو عارفه مصلحة نفسها ... ويمكن وحده معاها بالمدرسة مشجعتها على هالشي ولاحسه مخها ...

الطق ماينفع خل تحس بحب امها وحنانها .. وخل تمدحها وتعطيها من الكلام الطيب اللي يخليها تستحي ... عمر الصراخ ماجاب نتيجه ..

عسى ربي يهديها وبإذن الله مرحله وتعدي على خير ..

ياويلي منها تدرين انها خربت بنات العالم هي اللي تشجعهم ههههههههههههههه
الله يهديها يارب

 

[Dlool Al7lwa]

اختي انا تقريبا نفس عمرها صدقيني هذي بنت اهيا اللي خربتها اذا اهيا اول زينه وماشيه سيده
يكون اللي يصير من تاثير بنت عليها روحو كلموها فهمو منها السالفه الان ولا بنت راح تصادقها
الان راح تكون صاحبه شباب و قله ادب>>>سوري على التشبيه
الله يهديها

 

[جروح الشوق]

مشاغبه كول & Dlool Al7lwa
الله يثبتكم ويزيدكم اختي لمن سمعت ردودكم قالت الله يخلف علي ماشاءالله عليكم

 

[حبي حيآاآتي ّ]

شوفوا اي واحد تخاف منه مو شرط ابوها على الاقل ابوها ياأخي تحرمها من شئ تحبه لاتقول ماأحبه والله لو انها فرعون معاد الا بزر انتي عطيها كف كفين تقفل عليها الباب لعاد تخليها تطلع وربي توها بزر لاتصدق نفسها اذا عطيتوها مجال من الحين اجل اذا كبرت الله يستر علينا وعليها بتفشل اهلها انا اقول اكسروا شوكتها من الحين معاد الا بزران لو هذي عندي علمتها ان الله حق ..