مراجعات الحمل خاص وحكومه

[شـيومـه]

السلام عليكم و صباح الخير للكل

بنات انا حامل واصله شهرين و نص و هذا اول حمل لي و ماني عارفه وين اراجع انا قاعده اراجع بالمنقف التخصصي بس بنات لوعة جبد والله اهوا حكومي وييييع كله هنود و سيلانيات و ريحه الله لا يوريكم:eh_s(16): يعني اللي ما تلوع جبدها بتلوع منهم هههه و بترجع غصب و مادري والله منغثه و انا رحت لهم اخر شهر 12 تقريبا حطولي اول موعد اخر شهر 2 كلش مو مرتاحتلهم :lkmnkl::0bee2e8d89:ابي اعرف وين تراجعون احسن مكان في ناس يقولون مستشفى العدان الحكومي زين وفي ناس يقولولي روحي خاص فأبي اعرف وين اراجع و اذا خاص جم التكاليف ؟ و شنو توصياتكم و بس سلامتكم :bye22:

 

[زوجة الفنان]

رد : مراجعات الحمل خاص وحكومه

حبوبه نضيييييحه خللي العام للهنود والسيلانيات لأتنصدمين أكثر
وروحي الخاص وأيد مستشفيات دار السفا والهادي والسلام ورؤيال حياة
والله يسهل عليج

 

[دنيتى زوجي M]

اذا حكومه مادري انا اول شهر العدان بعدين رحت خاص

عند دكتوره مصريه رنده وايد بالها طوييييييل وحبوبه

بمستوصف الامل خاص واسعارهم حيل حلوه وهذا رقمهم

1801080

وعندج بعد دكتوره بفحيحيل كويتيه اسمها سعاد الباوي

حبوبه وكل شي بس موعيدها xxxxx

يعنى 3 مرات ادق تقولى موجوده ولمن اروح ماتكون موجوده والله العظيم اقعد انطر 2 ساعتين واكثر

تطلع روحي اخر شي غيرتها لان موعيدها مو مضبطه وتقولج اي موجوده احس عشان الفلوس

بس للامانه نفسيتها حلوه

 

[kuwatiya]

اب
اب
اب
لعيونكم


.

 

[شـيومـه]

رد : مراجعات الحمل خاص وحكومه

يعطيكم العافيه خواتي .. بس اختي (زوجي دنيتي m ) ابي اعرف مستوصف الامل وين صاير بالضبط ماعليج امر و ممكن اعرف اسعارهم اذا دقيت عليهم يقولولي يعني ولا لازم اروح وهناك يقولون لي

والاخت زوجة الفنان انتي وين راجعتي و شنو كان الافضل اذا كنتي مراجعه بكذا مكان و مشكووره

 

[شـيومـه]

رد : مراجعات الحمل خاص وحكومه

تسلمين كويتيه ما قصرتي

 

[أم شيــ@وخة]

رد : مراجعات الحمل خاص وحكومه

انا اراجع بالراشد بس الولادة ان شاء الله بدار الشفا

 

[شـيومـه]

رد : مراجعات الحمل خاص وحكومه

ام شيوخه تولدين بالسلامه انشالله والله يتمم حملج ويسهل عليج بس اذا ما عليج امر ممكن اعرف اسعارهم يعني جم ياخذون على كل مراجعه و شلون مواعيدهم زينه و ادري طولتها و مصختها بس والله لان لازم اراجع انا معاي تكسر بالدم وخايفه عالجنين حرام لازم اراجع عشانه و عشاني

 

[أم عبود 2011]

رد : مراجعات الحمل خاص وحكومه

آنا أراجع عند د. خالدة المجيبل برويال حياة تهههههههههههههههههههبل

والحكومي وخري عنه خليه للزلمات والوافدين

 

[أغلى حبيبه]

رد : مراجعات الحمل خاص وحكومه

انا اراجع بعيادات طيبه كلنك اللي بالفنطاس

الدكتوره تهبل ومافي زحمه

والمراجعات مره ١٥ ومره ٢٠ مع السونار والتحليل من ٢٠ لي ٣٠

والله يسهل علينا ان شاءالله

 

[ام دودو المزيونه]

انزين انتي تقولين عندج تكسر بالدم فالأفضل تراجعين بجهتين خاص وحكومة انا فيني سكر قبل الحمل فقاعدة اراجع بالحكومة وينوموني الحكومة لتضبيط السكر ولاداتي بالحكومة بحكم وضعي والخاص ما يقبل فينى ولادة يخافوا وانا ما احب اخاطر
الخاص دار الشفا مراجعاتي لعمل سونار كنت اسويه كل شهر عند دار الشفا بسبب خطورة السكر علي نمو البيبي وممكن يسبب تشوهات فكنت اسوي سونار شهري وما يكلف وايد 10 دنانير للسونار والدخول علي الدكتورة بين 15 او 20 دينار
وحالينا فيني تليفات مع هالحمال فالدكتورة من نفسها بدار الشفا قالتلي لاتفكري تولدين غير بالحكومة بس اراجع بدار الشفا لفحص التليفات وعمل السونار تحت عند استشاري دفعت 25 دينار علشان يشيك علي التليف
وطبعا ادوية الخاص من فيتامينات وفولك اسيد واذا احتجت مثبتات بعيد الشر عنج موجود بالحكومة يعطونج
نسيت اقولج ممكن يطلبون الخاص منج تحاليل عاد كل تحليل له سعر من 5 دنانير يوصل ل25 دينار وكل مستشفي خاص في فرق بسيط بالأسعار
اما العيادات الخاصة فدبل السعر بكل شئ عن المستشفي الخاص
والله يتمم عليج حمالج انتي نفس مدتي انا شهرين واربع ايام حمال

 

[مدام فاشن]

الحكومه حبيبتي مولنا

حق الوافدين


وبصراحه الواحد يشتري راحته

جربي روحي السلام عيادة جنين
عند الدكتور محمد صلاح الدين
او الدكتوره ناديه

خوش دكاتره

وعلى مااذكر كانت الزياره ب15 مع السونار

ومرات اذا ماسوى سونار الدخله الي وراها تكون فري

وربي يسهل عليج ان شاء الله

 

[ام دودو المزيونه]

خواتي الي تقول الحكومة للوافدين بس ليش اهي مو ديرتنا واحنا اولي وتري في بالحكومة اجهزة مو متوفر بالخاص بالنسبة للحالات الصعبة والله الحكومة ما يعلي عليها انا اراجع بالصباح قسم العيادات الخارجية والله روعة وينافس الخاص بالتجهيزات والمكان نفسه مريحه بس فعلا العدان قديم ولوعة جبد انشاء الله يطورونه الكويتيين اولي
والخاص لتعثرت ولادتج قطوكم علي الحكومة واخلوا مسئوليتهم والبيبي لسمح الله واحتاج حاضنة توصل الفاتورة بالألاف ومو نفس رعاية الحكومة بالخدج فرق
خواتي انا ما الومكم الخاص فعلا روعة ومنظر وكفتيريا اقل شيئ ستاربكس القعدة مريحة بس يظل تجاري وتخافين من بعض الأمور عندهم
والله اختي اموديتها بالليل الساعة 11 دار الشفا تشكي ألم برحمها واهي بالثامن وتقلب فيها الدكتورة هندية للساعة 2 بالليل تقول وديها الحكومة احسن لها انزين ليش تقول افضل مافي شئ بس ودي حكومة شكيت بالموضوع والله الشاهد بدون ورقة تحويل او تقرير طرت فيها بهالليل الصباح وقلت للدكتورة بطوارئ الصباح قصتها انها قيصريات وما بين اعيالها غير سنة وهذي 3 ولادة واسألت ليش ما عطتكم تقرير بالحالة وشنو فيها بس ألمست الدكتورة بطنها واسمع الصراخ أختي جان تنقز الدكتورة وتحولها سيد عمليات وتقولي
تري اختج علي وشك ان الرحمة ينفجر وكلا الأم والبيبي معرضين للخطر
والله فورا لبسوها روب العمليات وانا اوصيها لا تتدلعين نفس الخاص الحكومة ما عندهم دلع خل يجابلونج و بعد العملية و الدكتورة مصدومة تقول اختج كان الرحم علي وشك انفجار والحمدالله لحقنا عليها وكان ممكن اهي او البيبي يصير فيها شيئ لسمح الله والله كانت خوش دكتورة وعلي الحظ
ادري طولت بس لما ودوها الجناح قاعده تتحلطم وع يمي هندية ما تخلينى انام وليش ما يجابلون البيبي طول اليوم الأخت حسبالها للحين بدار الشفا

 

[tho tho]

رد : مراجعات الحمل خاص وحكومه

حبيبتي الحكومه كله صار حق الوافدين :/
استغفر الله لوعوا جبودنا

نصيحه راجعي عند دكتوره خالده المجيبل برويال حياة اتهبل و عليها خووش سونار
الله يتمم عليج حبيبتي

 

[الكويت حياتي]

خالده المجيبل دام حالتج صعبه او امل الراشد

 

[مذهــلــه]

والله اذا حالتج صعبه نصيحه روحي حكومه لان الخاص يوصلون لمرحله اذا ماعرفوا يسوون شي يقولون لج روحي حكومه

ان شالله مايكون فيج الا العافيه بس الحذر واجب

وهذا مايمنع ان يكون عندج ملف بالخاص للمتابعه بس فتحي ملف بالحكومه احتياط

 

[حقوقيه زوغه]

محد مستفيد من الحكومه ودكاتره الحكومه الا هالوافدين. ،، والله احسن دكاااااااااتره واحسن تشخيص واحسن اجهزه بس شنقوووول ندور الشقى بيدنا

 

[مذهــلــه]

والله صاجه حقوقيه

بس ترى للعلم بالولاده فتره العصر بس حق كويتيات مو نفس الصبح حق اللي تبي تراجع

 

[kuwaitiya_84]

البنات الي يذمون بالحكومه صج مبنى قديم لكن لي صارت عندج مضاعفات بالحمل والولاده على طول ودوج حكومه واحسن اجهزة ودكاتره عندهم والي تقول الخاص ترى انترس زلمات وهنود ليش مو شايفين العادي شنو صاير كله هنود ودار الشفا زلمات كله من التامين الصحي والحكومه على حسب المناطق انا بس بجري كنت اراجع بخاص بالهادي عند دكتوره رونيكا بهواني تهبل والثاني والثالث مستوصف رميثيه التخصصي ولا اروع يهبل والي تقول الحكومه سونارهم بعيد مواعيدهم بعيده لايكون الخاص كل شهر سونار لا ماما يسوون اول شهر يتاكدون الحمل طبيعي وبالرابع والسادس والسابعواذا الخاص تسويلج كل شهر تبي فلوس ومعروف اصلا مراجعات الحمل كل شهر لين الثامن كل اسبوعين والتاسع كل اسبوع واذا ع الولاده بجري دار الشفا والثاني الصباح والله روعه بس عيبهم الغرف قديمه ومافي اهتمام بعد الولاده وتوني والده الثالث بدار الشفا اوكي ولاده خاص لكن مراجعاتي حكومه ليش الاجانب يستفيدون من الي توفره حكومتي لي وبلاش ونفس الادويه تعطيج الحكومه من فولك اسيد وحديد وفيتامينات وكالسيوم واذا تبين من بره هم تكتب لج الدكتوره

 

[مذهــلــه]

والله صاجه كويتيه بكل كلمه