مده الزعل بينج وبين زووجج

[دلوعجيه]

مرحبا بنوتات .. بسألكم مده الزعل بينج وبين زوجج كم يوم تاخذين اقل شي .. ادري حسب الزعل بس بعرف كم تاخذون اسبوع والا اقل من اسبووع ؟؟

 

[S & H]

لو تحبين زوجك ماتخلينه ينام وهو زعلان عليك !!

ترى مابين الزوجين كرامه تنازلي واهو يتنازل ترى مافيها شي هاذي هي الحياة
لا تخلون الشيطان يدخل بينكم

ومو شرط تعتذرين تقدرين تقلبين الموضوع وتسولفين عادي واهو بينسى ويسولف عادي

 

[خالتي قموش]

صح سولفي عادي ولا جنه شي صاير
ولا تجيبين طاري الموضوع مره ثانيه

 

[ناتشوو]

والله مافي مدة محددة
بس بشكل عام
ماانصح بتطويل المدة
لانه يتعود ع الصمت والفراق
ثانيا
الرجال مايتعطل
بيطلع ويتمشى ويسولف
والمرة منحكرة
لانها حتى لو تسوق لازم تستئذن
وبيقعد يغثها و يتقعد لها
مو يعني تعتذرين وانت مو غلطانة
بس ابدي الحوار
وطاااف

 

[Loloki]

بصراحه يا بنات اول ما طلعت من نفاس شهر ٧ صارت مصيبه بيني وبينه وطبعا ما نكلم بعض لمده ٤ شهور وكان ينام بالصاله

بعدين صار موقف اضطريت اكلم امه وقتله خلي يطلع برا بيت ههههه وطلع ونص رمضان رد. بس مانكلم بعض.

بس الحين الحمدالله اللهم لا حسد حمدالله عايشين وصرنا متفاهيم اكثر من قبل الطلعه من بيت تسوي شغل ههههههه مشتاق وله حنيه تفاهم مايبي يزعل بشي


بس الحين لا حمدالله بسرعه نرضى مانطول بعد تفاهم بعدين نرضى هههه

 

[رنيم الروح]

بالنسبه لي انا و زوجي ماتضبط اطول ابدا و حتى لو احاول اذا الزعل كبير لا تتجاوز نص ساعه واحيانا واحنا زعلانين وبينا مشاده كلاميه لابد ماتطلع كلمه بالغلط ومالها مكان ولا علاقه بالسالفه وياااكثرها مني وينسى سي سيد الزعل ويمسك على الكلمه كانه قايله نكته اتضحك وينتهي الموضوع

 

[Patcholli]

نص يوم :× ماتحمل الزعل انا على طول اطيح الحطب وامشي المركب

 

[ديانا سبنسر]

أنا عكس الكل أشوف. موضوع. الخلاف هو اللي يحدد مدة الزعل فيه مواضيع ما تحمل يطول. الزعل فيها وفي مواضيع لا والله. يبيلها موقف. حازم ومدة


في مواقف ما فيها. كرامة بين. المرأة والريال وفيه مواقف يبلها ان المرة تعتز بكر أمتها

 

[لجين]

اطول مده زعلت كانت اسبوعين ..

بس حقرني صج .. واحتريت

وعقبها تبت ازعل حتى لو سبني اقلب الموضوع

عليه واختار كلمات ..

مثل :

الله يسامحك - انت وضميرك - انا راضيه عن نفسي -

او اتحسب عليه واهدده اذا انا مضلومه

انه الله بياخذ حقي منه

يخاف ,, ويتراجع

 

[روح مووود]

على حسسب الزعله

 

[PuPa^^SWeeT]

شوفي

مرة وحدة بس طولنا من 4 ايام ليين 5 ايام مو متاكدة



بس مرة وحدة


الباجي خمس دقايق لين ساعة
وننسى وراها على طول

 

[ام غازي 2012]

ههههههههههههههههههه


ما اعرف اعصب واضحك حتي وانا معصبه علشااان جذي الحمدلله مازعلت ولا زعل مني


بس لما نتهاووش انا اضحك يرتفع ضغطه بس همن يرضى ومايزعل

 

[أم يزيد &سديم&]

على حسب المشكلة أحيانا أسبوع وأحيانا أكثر ( لا تستغربووون )!!!!!!!!!!
وأحيانا أقل
راجع لحجم المشكلة

 

[Tame]

على حسب المشكله دقائق أو ساعات وحده يوم

 

[حبيبه فايز22]

من ازعل علئ طولل نقلبها ضحك
اذا كنت غلطانه
اللطف الجو
والريال نفسس الياهل يبي كلمه حلوه وبس
واذا انا زعلانه ماكبر المشاكل
اقوله لاتعيدها وخلاص
بس مره زعلت حيل زعلني ورحت لاهلي سبوع ورديت
«« الله لايجيب الزعل بينك وبيني وان زعلت برضيك انا يانور عيني »»

هذي اذا زعلنا نشغلها لبعض ونسوي روحنا مهمومين لوؤوؤوؤوؤوؤوؤل

 

[حبيبه فايز22]

اب
اب
اب
اب

 

[♥MaSteRiyA♥]

ههههههههههههههههههه


ما اعرف اعصب واضحك حتي وانا معصبه علشااان جذي الحمدلله مازعلت ولا زعل مني


بس لما نتهاووش انا اضحك يرتفع ضغطه بس همن يرضى ومايزعل

لوووول ضحكتيني
الله يبعد عنكم وعنا العين يارب​

 

[نجووولي]

اسبوعين او اكثر

 

[نور وشموع]

2 يوم اكثر شي