مدري شنو اكتب عنوان :)

[posh93]

:eh_s(11):السلام عليكم ورحمته الله

شلونكم بناات

مدري شلون ابدي موضوعي ,,,
انا عمري 18 سنة
كويتية
بس امي سعودية
بس بالكويت ماعندي اهل ,,,انا انسانة وايد احب الناس ,,ماقدر اعييش من غير ناس او يمعة وو سوالف ,, انا طبيعتي جذي ,,, المهم ,, انا كل ماتيني اجازة اروح للسعودية عند اهلي هناك ,, وااايييدددددد احبهم اكبر من ما تتصورون ,,, اللي ماقدر عليه اهو الغربة

لانه لما اروح هناك بعدين ارد الكويت , حالتي النفسية تاخذ وقت عبال ما اتعود مرره ثانية اقعد من غير ناس

او فوق هالشي اهلي حجرييين ,,,والله قطعت علاقاتي من اول مادشيت بالجامعة بالكل ,, سار مالي خلق اكلم احد او احد يكلمني ,, احس بخموول طول اليوم ,,طول اليوم قاعدة ماكلم احد ,,لاني وحيدة امي وابوي :eh_s(11): والله يابنااات اني احس سرت عديمة احساااس !!!! ماقمت احسس بشي انا مستانسة او زعلانة !! انا شنو ابي ,,و احس بضيقة مو طبيعيية,,, وايد سرت هادية مع اني ماكنت جذي ,,,وايد سرت ساكتة او ماتكلم ,,,ماقمت احس بشي والله شعوووور صعب,,حتى انا عودت نفسي ماحس لانه سارلتلي وايد مشاكللل ,,
الله يخليكم اللي عندها حل تقولي !!!
من كثر الضيقة اللي بقلبي قلبي قام يعورني​

 

[بولندية]

انتي كويتية و عايشة بديرتج وين اهل ابوج ؟؟؟

عماتج عمامهم عيالهم يدتج يدج ؟؟ ييرانكم ماعندهم بنات قدج ؟؟

ورفيجاتج لهدرجة اهلج ما يرضون انج تختلطين بالبنات ؟؟

اذا تعرفتي على بنية او رفيجاتج اللي قبل اذا عندج ارقام عزميهم على بيتكم خل امج تشوف البنية يمكن ترتاح لها ؟؟

مو معقوله بيحرمونج من رفيجاتج بالمرة

 

[روان المطيري]

انتي تقولين انا بالجامعه شي طبيعي كل يوم تشوفين بنات اشكال وانواع !
وين رفيجاتج بأيام دراستج ,?!

حاولي تلهين نفسج بالقراءه هوايه عندج مثل الرسم اعمال يدويه .رياضيه معينه ..

دخلي التويتر راح تستانسين عليه وايد وبتعرفين على بنات بعمرج وحبوبين وقتج راح يضيع
عليه ..

طلعي انتي امج وابوج حاولي تغيرين من حياتج ترا الرفيجات مو كل شي بالحياه ,*

 

[لمى الهاجري]

تعوذي من ابليس واستغفري بعد كل صلاة 200 مرة

 

[posh93]

لا انا امي اصلن تعودت على الغربة ! و تروح الشغل عندها رفيجاتها طول اليوم
ابوي وايد يسافر بحكم شغله ماشوفه وايد !

 

[جنون العاطفه]

حياتي الله يكون بعونج

الغربة صعبة خصوصآآ غربة الاهل


ما املك غير الدعاء لج !​

 

[Patcholli]

سلامت قلبج حبيبتي واسم الله عليج من عوار القلب .. والله يجعلها اكبر همومج وماتشوفين هموم الدنيا الصجيه ..

حبيبتي انتي جامعيه يعني طول الوقت معاج بنات بالمحاضرات ليش قطعتي علاقتج بالناس ؟؟

بالعكس انظمي مع ارفيجاتج بالجامعه شاركيهم بريكاتهم درسي معاهم اكلي معاهم .. ليش انعزلتي انا مافهمت ؟؟

 

[ام حنااين]

كل اللي يسافرون بالصيف لاهلهم يحسون الكويت ضيق لانهم هني كله شغل ودراسة وبالصيف وقت الراحة يسافرون ديرتهم فيحطون في بالهم هني ضيق وهناك وناستهم

اشغلي وقتج بدراستج والنت والقعدة مع اهلج

لو مرة بالاجازة ماسافرتي وقعدتي بالكويت بتلاحظين مافي فرق لكن قعدتج هني بوقت التعب والامتحانات معطيتج هالفكرة.

 

[قمر بيت أبوها]

انت عزلتي نفسك حتي بكلامك قلت ماعاد صرت أكلم أحد
اذا انتي مو مرتاحه لقريباتك اختلطي مع بنات جيرانكم صديقاتك بالجامعه
واطلعي مع امك لصديقاتها وتعرفي علي بناتهم
ترا مو لازم تكونين توب معاهم اهم الاحترام المتبادل والسوالف الشرحه غيرهم مو مهم
انتي بعمر صغير وتشوفين ان هالموضوع مشكله بس هو بسيط جدا
محتاج منك بس مبادره لا اكثر اختلطي بالناس ووسعي صدرك خل الحساسيه علي جنب والوحده طلقيها
الله يوسع صدرك بالايمان يالغلا

 

[عويتقة]

عسى ربي يفرج همك وييسر امرك ويرزقك بكل الي فخاطرك ياااارب

 

[دلوعة أبوهآ]

آلله يفرج همك يآرب
اشغلي نفسك بأي شي ..
بدراستك ومحاضراتك
تعرفي ع بنآت طلعي ويآهم استآنسي
اشتركي بجيم أو شي يضيع وقتك ..

زوري أهل أبوكِ ..

لآتضيقين خلقك

 

[رآآحٺ آيآمڪْـ]

آلله يكون بعونجَ يُ قلبي

 

[@ كويتيه @]

لآزم يكون عندج رفيـجه

والله يعينج يارب.~

 

[كويتية و عتيبية]

لا تنعزلين عن الناس اختلطي معاهم يغيرون عليج جووو الغررربه

الله يكون بعونج

 

[Sweet Angle]

ياقلبي الله يسعد قلبج يارب

شنو رايج تسوين ريفرش لحياتج غيري روتينج

مثلا سوي رياضة ترى تنعش و تغيرلج مزاجج للأحـلى

شاركي بالمواقع الإجتماعية مثل الفيس بوك .. تويتر راح تتعرفين على بنات عسولات من كل ديـرة

صيري متفائلة ومرحة .. تفاؤلج لا إراديا راح يجذب لج الناس من حولج .. اما لي صرتي كئيبة وشحنات جسمج دايم سلبية راح تنفرين الناس من حولج

واحلى شي رفيجات الجامعة جنه صح ؟؟؟

علشان جذي كوني علاقات مع بنات من الجامعة اللي وياج بالمحاضرات وجذي

و اكو مواضيع هني بالمنتدى تجمعات للي يبون رفيجات ومثل جذي

غيري روتينج وتفكيـرج

طلعي و غيري جو .. جربي تروحين المطاعم تتسوقين اي شي .. مع ماماتج الله يخليها لج يارب