مدرية الكويت العالميه الانجليزيه kies

[bambena]

السلام عليكم

لو سمحتوا بنات ابي اي معلومات عن المدرسه اللي عيالها فيها شلون مستواها اهي بحولي

هذا الموقع

https://kieskuwait.com/dsPortal/fronted/home.html


شكرا لكم

 

[@ام يوسف@]

ااااااااب

 

[kholoudi]

انا ولدي فيها للسنه الاولى بالصف الثاني واجباتهم وايد الاعداد كبيره بالصف و الغالبيه فيها غير كويتيين ,,,,,, تحتاجين تتابعين ولدج يوميا اكثر من ساعتين ..... و مشكله موقعها زحمه

 

[bambena]

وشلون تعاملهم وتدريسهم ؟

 

[kholoudi]

تعاملهم عادي ما في شي مميز و لكن مثلا ولدي تغير مدرس العربي اكثر من مره لنهاية الفصل الاول ما يدرس عربي انا ما همني لان ولدي ما يحب العربي و في اخر الكورس بعثوا ورقه اعتذار بس......و المدرسه الاساسيه تغيرت مرتين وحده استقالت و وحده اعتذرت و الحين المدرس ممتاز بس لازم يقرا غير الواجب قصتين و بالانجليزي طبعا ......في صف ولدي عدد مو هين من طلبه مسيحين و مرات يسولف عنهم .... اذا ولدج صغير حلو يتعلم يكتب و يقرا من صغره

 

[برونزية رشيقة]

أتلووووووووووووع الجبد .. كنت حاطة ولدي فيها بالكي جي 1 وريسيبشن يعني كي جي 2 ..

أول شي زحمة مو طبيعية بالصف .. وترس طلبة من الجنسية المصرية والأردنية واللبنانية .. الكويتيين أقلية في المدرسة ومحد مهتم فيهم !!!

والمدرسات ما يعطون من قلبهم بالتدريس كلشي يقطونه عليج .. أنتي أدرسين وأتفهمين وتشرحين وتحللين الواجبات وتعلمين الحروف والأرقام.

الناظر كان اسكتلندي ماسك الطلبة عدل .. بعدين استقال ومسكتهم ناظرة بريطانية وايد متساهلة فالمدرسين والمدرسات لاعبين لعب !

وكل المدرسات والمدرسين أللي مستواهم قوي عندهم استقالوا منهم .. بسبة المشاكل الإدارية والتعليمية والأخلاقية في هالمدرسة !!!

عيب شرعي للمدرسة (مااااااااكو كتب ) .. كله أوراق مصورة من الأنترنت وأنتي دبري نفسج!!!!

ما يهتمون بمادة العربي .. كل مدرسينهم ضعاف بالتأسيس ..

ماكو كتب للرياضيات ولا العلوم مثل ما قلت أنتي دبري نفسج !


أنشطتهم ضعيفة بالنسبة للمدارس الأنجليزية والأمريكية الخاصة .. عندهم حفلة عيد وطني ويوم مفتوح بالكورس الأول ويوم التخضير (يعني أنشطة المدارس الحكومة أكثر منهم)

وبالسنة كلها ما يطلعونهم ألا رحلة وحدة ..

نسيت أقولج كل هالسوالف وغير المستوى الأخلاقي الهابط بسبة الاختلاط .. تعالي شوفي التنانير لحد نص الفخذ والمكياج والبوني تيل المرفوووووع !!!!

وضحك وقلة أدب مع الشباب بالفرصة .. ولا أحد يكلمهم بالعكس المدرسة هذي تشجع عالفساد الأخلاقي والاختلاط ...

والشباب تعالي سمعيهم بالهدددددة سب وشتايم أستحي أقولها اهني يعني احنا حطينا عيالنا بالخاص علشان تفتك من الفساد الأخلاقي بالحكومة .. وبالتالي ماكو فرق !


مدرسة فاشلة ما أنصح فيها .....


أحمد ربي أني طلعته منها وافتكيت من مستواها الأخلاقي والتعليمي الهابط !!!!!

 

[bambena]

ياساتر

مشكورين

 

[Ibelievein God]

up

up

 

[دروبك يالسهر]

لحظه انتو تقصدون المدرسه العالميه الامريكيه اللي بحولي الزرقا
امبي انا مفكره اسجل ولدي فيها صج خوفتوني

 

[دروبك يالسهر]

ووووووينكم امهات